長洲角酪

营业中

休息中

店內既裝修簡潔，以Tiffany blue 色調為主，裝飾物好多，也很可愛，佈置得好溫馨❤️。冬雪角酪（$45）名副其實飲得既芝士蛋糕，香濃既芝士味，配上紅桑子酸甜甜既味道，飲完都唔覺得好滯，味道恰到好處🍰，有啲脆脆餅舖喺上面，令到口感豐富左，又有少少咸味，多一重享受❤️。📌每日限量20杯甘露角酪（$40）即係楊枝甘露＋yogurt，呢杯冇上一杯"冬雪角酪"咁甜，飲到落底發現原來生果好多，好足料👍🏼。📌期間限定

我一向喜歡飲酸奶、乳酪這些東西、但不太想飲大陸品牌、之前冇得揀就迫住飲旺角過間、但一係網上見到有本土香港品牌就立刻仆過去試。長州、係長州、好鬼遠、但都堅持去試下。好味！全用新鮮水果打、冇用任何預製的果蓉、我飲左杯聖誕特飲、冬雪角酪、裏面有紅莓蓉、乳酪、餅碎。好味、會再去、但好遠、得閒再去、支持本土野！另外朋友叫左杯芒果乳酪、又係用新鮮芒果打、好新鮮、好味、但始終我個杯好味啲、用 有50% off tim!!

飲得嘅芝士蛋糕乳酪，好岩冬天，個花好靚！黃！有義賣同捐款，聖誕樹係真！仲有個獨一無二嘅牌，店主設計，聖誕節得黎都好香港！一次過試唔到甘多，下次要再黎！飲品有口感，濃郁！

另一間bookmark要去嘅就係”長洲角酪”，小編一向好鍾意乳酪飲品，小店除咗有自家製乳酪仲有一系列自創飲品。🍓【草莓角酪$36】飲落去感覺比一般外面飲到嘅稀，相對易入口。每啖都吸啜到草莓果蓉，真材實料。乳酪底仲有一層紫米，令整杯飲品更添口感。

一日一黃店 長洲必到打卡黃店呢間最吸引 一定係長洲地鐵風牆壁 勁多人打卡而且入面有寄賣一d反送中布（可睇圖）都有貼埋捐錢收據（但d字影印完好鬼假😂）都捐左幾多 真係好鬼勁！.乳酪飲品呢排都大熱人均大概$30-40呢日叫左⭐️甘露角酪$40價錢偏貴 賣相靚靚有唔小 柚肉同埋芒果乳酸味比其他店重 同濃 都幾甜鐘意重甜既我覺得好好飲女仔建議點小甜.只要係黃店 總有日我會黎搵你咖🙈等我呀仲有 後面都會繼續出長洲遊記 有興趣就follow la.長洲角酪 (長洲)地址：長洲新興街78號地舖.⭐️評分：味道：4.5/5環境：4/5服務：4/5 抵食：3.5/5

食完魚蛋，🍡🍢，由個邊條巷仔行入去，行吓行吓，俾佢門口吸引左，呢間飲品舖有別於一般飲品店，裝修好有創意，佈置裝飾用心特別，環境舒適，好特別，俾佢吸引左入嚟飲咗一杯芒芒梳打，🥭🥭🥭同埋桃桃梳打，🍑🍑🍑味道清新，唔會太甜，幾好飲。成間鋪最鍾意嘅位😻，就係佢門口嗰一幅藍色長洲牆，👍🏻👍🏻👍🏻完全係打卡一流，好多人排隊去影相。佢飲品上面張貼紙：甜度上面顯示係「和你一樣甜」，睇到都覺得甜絲絲，好得意😎。

今日同朋友 去咗長洲玩 見到呢個長洲地鐵站畀佢深深咁吸引住最後我同我朋友入咗去發現呢間係一間黃店， 入到去見到水吧有兩位靚仔喺度沖緊嘢飲 😍😍小店有一張通告寫住獨立調查委員會嗰一刻我真係笑咗出嚟。最後決定咗用纸彈去懲罰下呢間舖頭😂🤣😂😂嗰兩個靚仔真心好人又細心完全好似暖男咁 😁😁令我深深感受到佢哋嘅熱誠， 其實香港嘅女仔大多數都會對住個餐牌有選擇困難症 最後兩位靚仔幫我哋介紹咗兩杯野飲分別為芒芒角酪同甘露角酪☺☺☺兩杯嘢飲落去又唔太甜 有滿足到我哋香港嘅女仔鍾意食甜嘢又怕肥 最緊要飲完之後仲飽肚添喎👍👍👍真係可以無限encall， 下次再嚟嘅時候 都要幫襯多幾次 因為有嘢飲之餘又有得打卡最緊要係有靚仔睇呀嘛🤭🤭🤭🤭

難得週末可以去長洲呼吸一下新鮮空氣，當然要食下長洲出名的野食啦!近日知道長洲有一個「永遠不會封的長洲地鐵站」成為打卡熱點，當然要去光顧一下啦!這間位於長洲小巷內的飲品店主推自家製乳酪飲品，而且也有不是季節限定飲品。小店有少許座位可以供客人休息，除了有一幅「長洲站」的牆身，整間小店都要湖水藍為主，令人有一種好舒服的感覺!期間限定柚露梳打，這杯飲品用上西柚和碌柚肉，加上有氣的梳打，令飲品酸酸甜甜，有一種好清新的感覺，而且杯中還有一紅葉作點綴，很美呢!水果大馬士茶，這款水果茶用上多款不同的新鮮生果製成，當中包括有火龍果、熱情果、橙、西瓜等，飲上去酸酸地甜甜地，但也有茶的香味，有種開胃消滯的感覺!莓莓角酪，這杯乳酪好飲過近期市區開了不少的酸奶君，飲品有質感，唔會好水，有士多啤梨肉，飲落亦好香士多啤梨味!同埋入面仲有紫米的，非常健康，亦好有口感，唔怪得是這店的招牌飲品!桃桃梳打，味道會較清新，有淡淡的白桃味道，食完重味野飲就最岩!這間飲品店不論環境或者飲品都係打卡able，入開長洲值得光顧，而且非常歡迎狗狗進入!

哩間位於離島仔長洲的小店之前已經好想嚟架喇🤩😍今次咁啱入到嚟 點都要幫襯下 驚喜地發現係良心小店 要懲罰你呀💛🤩😍小妹點了莓莓角酪 🍓🥛賣相都幾靚喔 仲有🈶️兩塊♥️形🍓🍓😍🥰拎左杯野飲之後一定要去靚靚長洲牆打卡👍🏽🤩味道方面 真係好特別喔 除左🈶️草莓乳酪味之外仲意外地驚喜發現有啲紫米🤩😍因為我都幾鐘意食紫米 所以覺得好正好開心👍🏽👏🏽大家經過長洲 記得要嚟幫襯佢喔💛💛

M小姐需要買些海味，繼續走入內街逛逛，發現很多特色小店，經過允升甜品買了外賣（及後再寫）。之後回碼頭途中，尋找一間我落船時看到的廣告牌之小店 - 長洲角酪藍莓角酪 甜度：同你一樣甜莓莓角酪甜度：幾甜都冇你咁甜等待飲品時，看到收據那刻，回會心微笑甜度那兩句話！我倆因太飽，沒有即時飲用，趕著上船才品嚐。圖右：M小姐說：很好飲！口感好特別，內有黑糯米，藍莓味慢慢滲出圖左：酸奶原本以為口感偏似乳酪，竟然是質地較為稀身的；士多啤梨香配上自家製酸奶，加上軟黑糯米。每啖已經有香滑的感覺；再加上軟黑糯米的嚼口，多了一層感覺切成心形士多啤梨！下次再來慢慢欣賞小店其他的飲品長洲角酪 總結：一定要試！

近幾年，長洲小店大變天，昔日的老店，買少見少。取而代之是年輕人的世界。近日一間清新小店，視線和味覺都有新鮮的感受！甜度：和你一樣甜幾個年青人，親力親為密密做，值得支持！

難得上個星期同女朋友入去長洲行吓過中秋節見到開咗間新店本身對酸奶都有啲反感但係入到去個老細話其實係香港人自己整嘅乳酪野叫酸奶係因為奶味真係特別濃中秋節有特別款式叫月見角酪個雲石紋好靚，楊梅味幾特別女友個杯係士多啤梨,個心心都幾靚個人覺得士多啤梨係好飲過楊梅追加左杯星見梳打楊梅襯梳打好味D,打卡都靚D星期六好多人，都要等10分鐘以上但係成間鋪頭啲裝修有好多小心機位，充滿着悠閒風既有好多男仔都會鍾意嘅figures 仲睇得出佢係靜靜雞為香港加油，最主要係有一大道打卡牆，個idea好好，係集體回憶加創意！仲有一個應節嘅燈籠位，影左勁多相，影到杯野飲D冰都溶都未影完.....同影相嘅朋友去要有心理準備個男店主話好快有新出品，期待

環境不錯，走累了休息的好地方，只是等外賣店員都叫我們坐著等，真的不錯，因為很多地方心，一般店舖如果等外賣會叫你到門外等，免得阻塞他們店舖，加上店內有很多特色擺設，最值得打卡點就是那面彷港鐵站的牆，很有心思

好耐冇入過長洲啦，見最近冇落雨又涼涼地就帶埋寶貝女入去玩吓行吓食吓野啦見到有一間新開嘅鋪頭，有個長洲站對，我係比佢個站吸引左🤣🤣🤣咁啱又熱到死想飲下嘢，咁就一班朋友坐下啦☺️🍎水果大馬士革 $42#同你一樣咁甜 🥰真係冧豬豬其實好怕啲水果茶得個甜字🙊但呢到有驚喜🤩多水果就必然啦，但仲要重茶味 我鐘意😋🌙月見角酪 $40#幾甜都冇你咁甜 🙈人家怕羞啦呢杯中秋限定的，當然要買杯試試佢😚有半個桃係面，真係好似一個滿月咁🌕初初覺得酸奶係好大陸嘢唔多會好味但呢杯完全令我改觀了🤩酸奶原來好似乳酪味咁，仲有陣陣嘅桃味正丫🤤🤤🤤🌟星星梳打 $38見佢又係#期間限定 ，所以又忍不住叫埋😂好清新嘅感覺，陣陣嘅薄荷味好消暑😚好舒服😚

好多年冇入過長洲今次同個女入去行吓多咗好多食肆，發現咗一間喺甘永泰行入去嘅先水果飲品店食完甘永泰好熱氣飲番杯嘢飲真係舒服晒叫咗杯水果大馬士革成杯水果茶入面至少都有五六種水果砌得好靚仲加咗蜂蜜成件事唔會好甜但係好新鮮好大杯本身仲想試佢個中秋節限定我見人哋個杯好靚有曬雲石紋同月亮一但係我飲完一杯已經飽咗啦鋪頭嘅裝修都做得好仔細好有店主嘅風格我開頭仲以為長洲真係有地鐵站因為佢做得真係好似啲燈籠都佈置得好靚，影相一流I