影片
营业时间
今日营业
11:30 - 22:00
星期一至日
11:30 - 22:00
公众假期
11:30 - 22:00
以上资料只供参考，请与餐厅确认详情
friend 行开太古城，行到攰攰哋，晏昼就决定去新开无耐嘅「镛镛艺尝馆」医肚。一入到去已经「哗」一声，个环境真系几掂，装修型格得嚟又舒服，同平时呢区食开啲餐厅 style 完全唔同，坐低倾偈都零舍爽啲。我哋几个人叫咗几样嘢 share：●招牌烧鹅 (例牌)： 嚟得「镛镛」，点可以唔试佢哋嘅烧鹅！我哋叫咗例牌，啲烧鹅皮好香，肉质嫩滑而且肉汁丰富，点少少酸梅酱，真系经典嘅味道。●清蒸游水海东星斑： 食粤菜点少得蒸鱼！呢条东星斑蒸得啱啱好，鱼肉好滑溜，又够晒鲜甜，简简单单淋个靓豉油已经将鲜味升华晒。 ●惹味镇江黑醋骨： 食完鱼想试啲浓味啲嘅，呢个镇江骨就啱晒。啲醋骨炆到好腍，个镇江醋汁酸酸甜甜劲开胃，又够挂汁，啖啖肉，用嚟送饭真系一流！●桂花糖椰汁糕： 食完主菜，梗系要试埋甜品。呢个桂花糖椰汁糕卖相精致，一上枱就闻到好清香嘅桂花味，椰汁糕体够滑溜，甜度适中，食完感觉好清新，为呢餐画上完美句号。服务方面都几好，介绍菜式都几详细，又唔会chur住你。价钱嚟讲，喺呢区算中上，但系计埋个靓环境同埋食物质素，我觉得值回票价。
继续阅读
午餐套餐370几蚊一个人，我哋要求要每一位每两位上两sets! 但系餐厅要全台人一大碟上，唔可以每位上，要求两位一份一份咁食，都唔可以，我地长台十几人….几大碟上点样分来食呢？ 再要求每4个人分4sets 一齐上，都系唔得！ 最后更讲话咁样师傅会做得好慢，要好多工序，要等好耐，即系都系要几大碟咁上晒上枱。这个价钱，计埋加一超过$400/位的午餐，什么服务可言？态度恶劣！ 服务极差，仲嫌我哋烦！这间舖头永不再帮衬！ 六
继续阅读
喺太古坊返工，见到呢头多了几间新餐厅，镛镛应该算系其中质素较高嘅一间。环境： 入到去觉得几舒服㖞，装修系新派中式 feel，红砖墙加埋啲中式 details，几有格调。最正系啲位够阔落，唔使同隔离枱膊头掂膊头。墙上面啲手绘画都几靓，可以打下卡。食物： 我哋几个人 share，叫咗几样嘢试下：烧鹅：嚟得呢度，点都要试下佢个烧鹅嘅。皮成阵油香，肉够嫩，保持到中环店水准。镛镛雪茄：个样好似真雪茄咁，炸到脆卜卜，入面系鹅肉丝，几特别，值得试下。家乡梅菜扣腩肉：腩肉食落几软腍，梅菜好入味，吸晒啲肉汁到晕，捞饭一流。啲 staffs 几好笑容，serve 得几快手，啱晒喺太古坊呢头揾食嘅打工仔。环境舒服，同家人黎食饭或者同同事 happy hour 都得。价钱喺呢区嚟讲就中上啦，但质素有返咁上下，值得一试。
继续阅读
中午同同事决定试吓太古坊开咗无耐嘅Yung's Bistro，点知真系有惊喜。餐厅环境简洁又舒服，设计带点现代感，喺商业区入面畀到人一种轻松嘅用餐体验。点咗镛记正宗烧鹅，鹅皮好重油香，肉质软嫩，味道层次好丰富。星洲炒米米粉炒得干身，咖喱香浓而不辣，虾仁同叉烧粒好入味，食到停唔到口。家乡梅菜扣腩肉，肉质软腍，梅菜入味，酱汁浓郁得来唔会太咸，配饭一流。服务有效率，侍应好快手帮我哋落单同上菜。餐厅位置方便，对于office人嚟讲系lunch嘅好去处。不过中午真系几多人，建议book定位或者早啲到。
继续阅读
第一次嚟太古坊呢间镛镛，之前K11果间试过，今次同旧同事嚟新嘅呢间饮茶！菜单同K11果间都差唔多，点心依然保持同一水准，好适合周末一家人嚟饮茶Family day！虽然装修风格偏西式，但系茶市一嚟到都系充满传统早茶氛围嘅感觉
继续阅读