影片
一向都好钟意食呢间野o既豆腐花、酱爆丸河同萝卜牛腩饭。因为豆花够滑，牛腩大件又好食，最重要系够平。可惜，早两礼拜五晚10点放学谂住食个久违o既萝卜牛腩饭，点知突然见到落左闸，但系又无写明原因，当时已觉得不妥，但因为成日都见到好多人去食野，所以仍未联想到执粒。点知无几耐之后，发现佢连下午都落闸，不久，连招牌都拆埋。之后问附近铺头，最终无奈地确定，系执粒...由慧安园时代食到而家执埋粒，真系算得上系我o既童年回忆之一。如果有机会，真系想佢重开。怀念的豆腐花、酱爆丸河同萝卜牛腩饭。
继续阅读
一向光顾呢间店，系因为平。但系，最近D食物既水准真系好差!早两次外买面餐，第一次跟餐要豆浆，放屋企唔洗5分钟，D豆浆已经酸，仲有一阵阵既异味，真失望! 好啦!比第二次机会你，今次加$2要冻豆腐花，点知仲哀，系肃既，𠮶口豆腐花恶都恶唔切!唉!一个字"差"!今日，因为朋友话好穷，所以陪佢食多一次，点知!嬲到爆!去到既时候，计埋我地得两张枱有客，两个职员阿姐喺度食饭，一个阿姐负责落单兼收货，照计两枱客，无理由一个阿姐搞唔掂!食食下野，个阿姐放底一碗豆腐花，唔系我地叫既，「唔系我地架!」我讲左两次，个阿姐唔理我，挂住同另外𠮶两个食紧野既阿姐倾计，锦算啦!叫你都唔应，友人就食埋佢啦!点知埋单𠮶阵，阿姐就话:「点解无写豆腐花钱，........唔系4号枱咩」另一个食紧饭既阿姐就话:「唔系，我话2号枱.......」两个阿姐喺度扯猫尾，唔肯认帐。跟住，收银阿姐话:「锦收你钱!」我即系同佢讲:「点解!系你地做错事，叫你地又唔应，我唔会比!」点知阿姐就话:「锦系你食左，就要比钱，我又听唔到你叫，紧系你比」我真系嬲:「你地自已做错事，挂住倾计唔理人，关我咩事。」突然，食紧饭个阿姐就话:「算啦!跟餐收$2啦!」我听完都谂，收$2都可以接受，始终有食到，费时比人觉得食霸王餐。点知谂住比钱既时间，望度个阿姐打左收$6，我问佢唔系收$2咩，佢就坚持系收$6。我就讲:「你比错食物客人，就算个客唔食你都系掉左佢既啫!」点知佢个答案真系吓死人，佢竟然话:「唔系噃!我地会攞番起，再卖比其他人!反正都无食过!」哗!我真系吓亲!即系同佢讲:「咁污糟你都卖比其他人，之前个客有无撩过，喷晒口水你都唔知啦!我以后唔会帮衬!太污糟啦!」点知个阿姐唔够我讲就出言伤人:「你真系无乃，我第一次见到你呢D咁无乃既人........」佢不断咁重覆，我真系好嬲，你地间店D卫生常识咁差，做错事又唔应，仲要闹番D客人转头，有无搞错!结果，我放低$2就走!背段依然系听住D无乃、无乃既声音。不过，都好既，因为我终于知道D食物水准咁差既背后原因，都埋令我明白，「平野无好野」既道理，我真系对呢间店完全失望!
继续阅读
斋肠粉 $1 only!!! 超抵食!!黑豆豆腐花，觉得无正常豆腐花咁好，因为好似比较意散同唔够豆香萝卜糕同芋头糕都煎得唔够隆不过好抵，加埋都系$22 only!!
继续阅读
2008年09月04日， 锦明两个无饭夫妻到此撑枱脚，吃家常𩠌：北菇蒸鸡：想不到这么多冬菇，分量多，味道都可以了。蒸水蛋：几滑。白菜仔和通菜：跟餐的。虽然不算很便宜，但喜欢D𩠌无乜味精，偶尔一吃也不错。
继续阅读
这儿食物普通,环境也不怎么好店面却总是车对马龙,想也知道"便宜"是背后的主因是日要了一个牛肉粗跟菜心牛肉没雪味,但亦没什么肉味,菜心有点老,但亦不至于苦汤的笕水味略嫌重了点,但面的口感尚算可以跟餐的豆浆甜得吓人喝了一口也就放弃了诚惠$22,这样的价钱也没什么好苛求的了
继续阅读