鍋心海鮮點心專門店

营业中

休息中

鍋心有別於一般點心舖，係一家主打海鮮點心專門店，提供各種招牌海鮮點心，還有精選海鮮粥。- 蒸蒜蓉龍蝦，龍蝦新鮮彈牙。- 日本雞蛋蒸蝦滑，上菜時似超薄蒸水蛋，食落蝦滑彈牙。- 蒸日本元貝，元貝肉質彈嫩無沙，加埋粉絲蒜蓉，蒜味香濃。 - 蒸勝瓜，勝瓜蒸到軟腍腍，清淡又易入口。 - 花膠鯛魚粥，料多份量足，粥底滑，味道唔錯。另外仲試左蒸帶子、蒸大尾蒸多寶魚，食材新鮮，味道唔錯。蒸海鮮需時，可以先點幾樣主打想食既，之後再加單。點心一般分量不多，人多可能要多叫幾籠。

本來揀左第二間 見排隊唔知道幾耐 天氣又熱又焗 就去左隔離果間食 見仲有一張卡位 反正老公之前睇reels話想食個海鮮蒸飯同點心荷葉籠仔蒸飯以前係其他點心店食過 呢間就有對比喇 叫左個荷葉籠仔鮮蝦蒸飯$58其實海鮮雜錦（蝦、魷魚，蠔仔）$60抵啲 不過唔食蠔仔🦪所以食蝦🦐算啦估唔到個籠仔係咁細份…..啲蝦當然都唔大隻 不過新鮮蝦 但係一上枱見到開邊啲蝦腸…..真係唔係咁開胃 我自己再挑走😅 個荷葉穿窿啲飯跌哂落枱 飯豉油偏咸大尾魷沙嗲醬蒸腸粉$30腸粉幾條仔 魷魚幾片 沙嗲醬就勁多 整體偏咸蘿蔔絲酥 $28皮厚唔夠酥脆冇一條條絲 成個餃子咁 味道少少怪最後小籠包$324粒有1粒冇湯 但皮唔算薄 豬肉有少少豬臊味 醋唔香個店員服務算幾好 比我哋坐大枱又主動問要唔要辣醬本來諗緊仲叫唔叫 因為唔飽果斷埋單 決定去試另一間😂😂

於網上見有海鮮仔，籠仔飯，精品點心，是日路經，一於外賣返家與老伴同享，點了以下:1 鯛魚片籠仔蒸飯$58元2 咸魚鷄軟骨肉餅蒸飯$38元3 沙爹醬蒸大尾魷點心$34元4 蘿蔔絲酥$28元我唔知店家對自家出品有否品質檢定？我此次餐點感覺是物非所值，2個蒸飯量各相等於酒樓一碗白飯大半碗，飯温魚片凍，肉餅有異味(可能不是海鲜)，個大尾魷魚點心，只是幾件魷魚仔(圖1)，是否物有所值？各自評估，我明白開門做生意是要賺錢，但如此待客，客會否回頭？勿怪港人北上消費!

本身蒸海鮮係鍋心主打，今次見有蒸氣海鮮點心就一於試吓。海鮮生滾粥 🍚🦐🦪 $59海鮮生滾粥，粥底滑到無得輸，配埋新鮮嘅海鮮，蝦、蚌、魚片樣樣都有，每一啖都充滿鮮味，食到心暖暖，真係好舒服！蒸排骨 🍖✨$28蒸排骨，肉質嫩到爆，蒸得啱啱好，仲有蒜蓉同豉油添，味道香濃，真係肉食者嘅最愛，食完仲想再嚟一碟！蒸天鵝蚌 🐚$32蒸天鵝蚌，新鮮得嚟又鮮甜，蒸到啱啱好，保留咗原汁原味，搭上啲蒜蓉，簡單又好味，唔好錯過呀！仲有其他例如腸粉燒賣奶黃包但太普通了，餐廳比較細，同隔離好近，無乜距離感，講嘢都唔敢太大聲，埋單$240，但試一次就算。

平日夜晚6點鬆啲去到，等位大概用左十分鐘左右，深水埗店主打蒸海鮮+點心，餐廳座位唔算好多，大約容納到40人，未必岩多人一齊黎用餐🈵叫左幾款唔同既蒸海鮮，包括：生蠔、帶子、蟶子同埋海鮮蒸飯，海鮮揀左蒜蓉粉絲底，蒜蓉粉絲同海鮮係完美既配搭，海鮮蒸飯入面有蝦同魷魚，飯唔會蒸得太爛，口感岩岩好，如果鍾意淋啲既飯落單既時候都可以揀「蒸淋啲」。而點心就叫左燒賣、菜苗餃、鮮竹卷等，食得出燒賣唔係出面買貨個啲，唔會好重鹹，調味岩岩好👍🏻成餐飯整體都覺得好好食，下次會再想試埋其他餐點😋

年初二13:00到深水埗食午餐，劉深記沒開，正想找另一間時，看見這間門外站著幾位等外賣的人，店內坐了8成枱，望一望先知食海鮮，點心的，有海鮮粥😄, 60元，就入來一試, 座位都較峽小，我坐兩人枱，天氣約18度，都想食粥，我點了海鮮粥🙂約8分鐘就有，都算大碗，足料，粥底較濃味🤨,如清少少較好，有4隻鮮蝦，味道幾新鮮🙂, 幾隻蜆，一般，有些菜脯，瑤柱，排骨，有點un😥，魷魚仔3隻。再加了珍珠雞，34元，寫著要等15分鐘，上枱熱騰騰😃, 少少肉碎，冬菇，咸蛋碎，味道普通吧，勝在食了夠飽😂一會兒，都坐滿了枱，要拿票等入座。

今天陪大爺出去長沙灣政府合署搞車牌，原本諗住食車仔麵，點知米之蓮推薦好多人排隊，於是行前幾個鋪見到呢間鍋心，有蒸海鮮，幾特別，即管試吓啦！🌸 蒸帶子 （可選清蒸、蒜蓉、泰式醬）兩粒$29一個五蚊銀咁大隻，粉絲未浸透，蒜蓉美味，帶子蒸得熟左啲啲，都好味！🌸蒸象拔蚌 兩隻 $36選了蒜蓉粉絲蒸，好細隻所以俾咗4隻，彈口🌸招牌沙嗲腸粉蒸大尾魷 $30腸粉好惹味，可惜魷魚只得三舊，太少了吧🌸 荷葉籠仔鹹魚雞軟骨肉餅蒸飯 $36雞軟骨肉餅有咬口，配上豉油汁，好味！