影片
第一次食蒸锅, 职员好有耐性讲解, 专人招乎, 食到差不多时便会帮忙蒸下一样海鲜, 食得舒服又开心; 份量足, 酱料味唔会盖过海鲜味; 食完海鲜已经好饱, 蒸饭同甜品都一定要食, 炖奶真系食到好窝心, 值得再来; 个饭食唔晒都要打包 yummy
继续阅读
平日夜晚, 一早订好8时半4位, 不用等如果假日即日订位, 次次都满座8样海鲜+8款自选𩠌蒸饭=$268(免加一)所有海鲜都可以自选可选的调味料蒸每样海鲜都有款配菜半边芝士波士顿龙虾, 肉质ok陈皮鲍鱼配萝白ok蒜蓉花甲配翠玉瓜蒜蓉开边虾配蕃薯ok蚌类, 一般北寄贝, 有d硬, 一般鱿鱼爽爽地ok个饭不是很入味,但胜在料够多淡淡的鸡蛋布丁, 不够蛋味海鲜尚算新鲜, 以这个味道及价钱可以尝到这么多海鲜加吃到饱, 算是很抵食
继续阅读
见朋友话想食蒸气火锅，谂起有日经过大围见到呢间就去左食啦～佢系计人头收费，每个人有指定份量既海鲜，唔洗惊分得唔均，仲有唔同既烹调法方俾你拣（芝士/清蒸等等），最特别系有个鱿鱼肠粉，有得俾你拣沙爹/红糟（红糟我都唔清楚咩黎，店员推荐，甜甜地味道好特，不过我个人就麻麻😂）首先一黎到会有个炖汤，好足料👍之后店员就会帮你上唔同既海鲜，会帮你较晒时间唔惊太熟/生，岩岩好，仲会帮你分埋食到最尾系一个八宝饭，唔同坊间大多数系粥，佢有好多料俾你拣，呢个饭好似平时食点心既蒸饭咁，好入味最尾有个糖水埋尾，我个日食系腐竹蛋，好圆满价钱抵食，服务又好，一定会再去👍👍👍❤️
继续阅读
之前试过隔离嘅火锅，非常正，今次两公婆就试试呢个蒸气海鲜，本来要早早订座先有得食嘅，今次因为有人放飞机，我哋就好好彩可以唔洗book都食到。唔洗三百蚊位，有足料炖汤，龙虾，鲍鱼，中虾，蛏子，象拔蚌，大蚬，鱿鱼肠粉，肉蟹，八宝蒸饭，最后仲要加个炖蛋做甜品，除咗地方比较细，我都谂唔到有乜可以弹。8个海鲜，同上次火锅一样超新鲜，点解咁串一定要预早book，因为佢哋真系要预材料，最好味系个龙虾，最惊喜系个鱿鱼肠粉，肠粉滑到呢，最锅心系个蚬，蒸好之后有两只唔开壳，个侍应竟然再蒸两只俾我哋，超均真。食到八宝蒸饭，食唔落喇，全部包走咁滞，但好好食，尤其系个鸡软骨饼。好戏在后头，本来赶住唔食个甜品，但侍应叫住我食埋先，哗，真系好好味，个炖多好有蛋香，甜度又适中，唔食真系走宝。
继续阅读
态度劲差。人品差。未开门已经见佢闹啲同事。问佢少少野答都唔答。我极度怀疑店长个个礼拜都会失恋。铺头细又唔舒服，仲要受佢气。好似争佢钱咁。以后都唔去，除非果条友冇做。
继续阅读