影片
食记 (21)
今日又到私家饭堂食晏啰, 叫咗个网上潮文推介男人必叫嘅饭豆腐火腩饭,。豆腐火腩饭，采用的油炸豆腐和烧腩肉，两种食材的口味相差甚大，油炸豆腐味道淡而滑嫩，而烧腩肉则皮脆肉酥，咸鲜惹味，品尝豆腐火腩饭时，能感受到两种不同味感的食材，同时也让男人有著感同身受的意境。 品尝到豆腐的平淡，也能感受到烧腩肉的酱咸慷慨，配上一杯冷饮，大快朵颐的感觉，让人舒心自在，品尝这道菜，能让男人放下拘束，舒心安乐，可能这才是豆腐火腩饭的“浪漫”情怀所在。
继续阅读
窗边位窗边全部铺满尘重有乌蝇曱甴嘅尸体 ，餐具有污渍，问伙计攞张餐纸，第一个叫你自己攞，问第二个重要答你餐纸只系俾员工用，叫杯冻斋啡淡而无味，一碗鱼蛋粉成四十蚊，嘢食平凡又唔系好味过人，以后都唔会再去任何一间银龙
继续阅读
今日又周围揾下午茶食啦真系激死人呀，见到个名咁正，叫做黑松露炒蛋多士，以为会好好食，上菜嘅时候真系吓亲首先等嘅时候都等左10分钟，以为佢整乜嘢整咁耐嘢食嚟到嘅时候见到完全系唔使功夫技巧就整到嘅，只系将块蛋煎熟，再加左啲黑松露酱上去，然后将佢放上一块方包上边😭而且冇烘底或者煎下，食落就干争争啦，好唔抵食啰！（我影相影得好，帮佢美化左好多啦）杯奶茶就正正常常嘅30几蚊食呢啲野完全唔够饱，同埋麻麻哋好食，唉
继续阅读
今 (28-9-2019 Sat)朝去攞身体检查报告,同老公嚟到呢边至食早餐,嚟到都系帮趁连锁店,我要$35.00嘅A1早餐,老公要$21.00嘅猪扒包.1. 餐茶,热奶茶有茶味唔算好浓,奶味重少少同滑嘅.味道:3分2. A1早餐中嘅火腿通粉口感同咸淡适中.味道:3分3. A1早餐嘅炒蛋牛角酥份量唔多,暖暖地嘅牛角酥好有牛油香同够酥软,好味. 味道:5分炒蛋味道好浓.味道:4分4. 猪扒包呢个几大个,见到有啲千岛酱同一件番茄,老公将佢切开一半时,听到面包嘅清脆声音,食落,味道清清地,猪扒口感滑同唔系嚡.味道:4分环境:大大间,好阔落.卫生:铁汤匙上有渍,感觉一般.抵食系2.8分
继续阅读
我真系无言，俾成63蚊叫碗牛杂粗𤏪加炸鱼皮，少到呢，牛杂得个几旧，就来30蚊俾个净面我ga la。个鱼皮收17蚊，餐牌无写，出单就写住系细，好想知几钱先系正常大小同大size。少都算，仲要难食，个菜蜜根本就系蜜糖水，纸巾都无张。我相信任何一间面档都好过佢。咁既质素，我唔会再帮亲罗。愈整愈离谱。
继续阅读