0
1
1
| 餐厅: | 銀龍冰室 |
|---|---|
| 资讯: |
为鼓励食肆透过提供食物份量选择和采取减少厨余措施，与顾客共同从源头减少厨余，环境保护署推出了「咪嘥嘢食店」计划，参与食肆如符合评核准则将获「咪嘥嘢食店」认可资格和获发「咪嘥嘢食店」的标志及标贴，以供张贴於店舖内和宣传，供顾客识别。此计划全年均接受申请，申请费用全免。
详情可浏览：https://www.wastereduction.gov.hk/zh-hk/waste-reduction-programme/food-wise-hong-kong-campaign
影片
咸猪仔包系$7/个，11am后买2送1，所以呢度系$14/3个：.食得出系新鲜出炉 并非隔过夜，几好食😋好有烘焙浸香味💛💛包体算大旧，质地外脆内软，内里绵密 唔干身～几钟意佢底下㶶嘅位😋
继续阅读
趁天气唔错，同老婆行咗转短山，美孚起步就咁上马骝山，终点就落番石篱一带，嚟到石篱商场，见到「银龙冰室」仲有下午茶餐（供应到6:30pm），就食个早鸟晚饭先。唔好单睇门面，里面原来都几大，屈个弯仲有一大截用餐区，够光猛，啲位又唔算逼，加上喺茶市尾，又未到晚饭时间，所以，客人唔多，感觉更静局。下午茶有好多选择，丰俭由人，而因为我哋当晚餐咁食，所以，拣咗啲碟头嘢。美极干炒牛河 $49虽然个菜式名冠以美极，但好老实讲，食落我就真喺唔喺好觉有美极𠮶种味道，但整体嚟讲味道喺唔错嘅，都几有镬气，不过，第一就喺炒得比较油，第二牛肉嘅份量偏少，都喺大概3、5嚿左右，而且，无乜牛味。鲜茄焗猪扒意 $51老婆嘅焗猪扒意粉睇外观几唔错，初头望落去仲以为啲意粉会有过腍嘅情况，但食落又OK㖞，而啲猪扒都几松化，但就较为薄身咗，至于个汤底佢就话喺鲜茄，见唔到一嚿嚿嘅蕃茄肉之余，少咗份鲜活感，感觉只喺用啲茄酱、茄膏打成。热奶茶、热柠水嚟到茶记，嚟嚟去去都喺饮𠮶啲啦，小弟嘅惯性就喺奶茶，今次呢杯色泽比较淡，其实入口茶味喺OK嘅，只喺觉得落奶多咗，奶味略嫌重咗少少。嘅感觉就喺质素普普通通，只喺地方相对好坐。唔介意行多少少落去和宜合道𠮶边，仲多个性小店茶记选择，相信味道会仲好啲。
继续阅读
1月11日 想食个下午茶，唔要太饱想要饮杯奶茶，奶茶质素差咗好多，好淡冇乜茶味，只有奶水味，其实近几年去到任何一间茶餐厅，好少奶茶会特别伏，因为而家好多交货已经沟好咗，都唔使睇师傅。食呢个包真系好凄凉感觉，我自己就唔太钟意食独立餐包，但会食沙爹牛肉包，因为有肉有执餐包通常会喺扒炉落牛油煎过松软带香～～～但银龙呢个包真系想食到掉眼泪，干噌噌好凄凉好似去饥荒畀你食𠮶种感觉。如果呢个包独立买返工搭车好赶时间食要饱肚冇问题。坐低食呢个包真系直升机伏～～～～沙爹牛肉包～个包系好大个，侍应姐姐放低个包嘅时候我见我o嘴～哗！咁大个嘅，佢就偷笑话使唔使畀刀你切，见佢偷笑我都心知不妙，拎上手冷的，叫佢加热一下，行咗去都唔够30秒返嚟我谂佢应该落微波炉叮咗5秒挂。依然都系（冻冰冰𠮶系硬掘掘）咬落去包冇包味，最cheap嘉顿餐包个味都重过佢，虽然我唔食嘉顿餐包但家人买过我都有试过知乜嘢味同口感，咬咗三分一都冇馅嘅，继续咬落去得几片超薄嘅肉碎，干冇汁又硬，最后只能送几十蚊畀佢洗去第二间再食过
继续阅读