銀河美食屋

营业中

休息中

好難搵到呢D舊式小店，午市飯餐5，60蚊包野飲， 而家茶餐廳都只能食常餐，即是2餸公仔麵加蛋加塊多士，呢度真材實料大大牒飯，塊塊豬排大過塊面。入面係8，90年代舊式飯店樣子，沒有什麼5華麗裝修，其實乾淨企理就得。吉列豬排飯可揀一個餸配搭，汁有黑椒，咖哩，洋蔥。成3塊豬排。炸得外脆，內裡腍，又唔會係用肉粉‘’乸‘’到霉晒。吉列豬排山，唔太油，睇到都開心，仲要$52蚊，涷飲加2蚊。呢個價錢簡直有良心，好多學生哥都嚟幫襯，真係買少見少，要多多支持。

📌葵芳講到葵芳，除左葵廣以外，亦有隱藏於墟市之中既街坊小店平民食堂今次揾食黎到葵芳，不過吾系去葵廣掃街，而系黎試下葵芳傳統老字號茶記 一 銀河美食屋🐷吉列豬扒煎蛋飯 $52經典洋蔥汁，吉豬真系大件夾抵食，大塊得黎啖啖肉，而且仲炸得香脆😋👍🏻👍🏻📍銀河美食屋地址：葵芳昌號鴻大廈地下8號舖#葵芳 #銀河美食屋 #吉豬 #茶記 #茶餐廳 #撐小店 #平民食堂 #平民美食 #平民茶記 #自費食評 #小店系列 #街坊小店 #星星帶你食 #葵芳美食 #吉列豬扒 #葵芳食咩好 #吉列豬扒煎蛋飯 #foodie #hkfood #hkfoodie #foodiehk

這間野以前間中都有食開，一直都覺得只係一間普通茶餐廳，不會太難食，但絕對不好食午餐時段行過有位坐就入左去咁樣又再中左伏一次都要怪自己冇吸收經驗價錢愈黎愈貴，量又少左以前雞扒飯兩大塊，而加得1塊加1小截都明既，經濟差左，但再唔抵食了不過雖然份量少左，但佢一d 都唔慳油尤其炒野方面，唔好諗住炒飯會粒粒分明又乾爽，諗你都唔好諗超級多油又濕但碟野又上左，頂硬上啦，一餐半餐食唔死人想少鹽少油者真係謹入附近仲有好多選擇

葵芳銀河美食屋呀，係一間老字號嘅地方，間唔時同同事嚟食嘅。呢度嘅氣氛好親切，食物價錢又實惠，所以好受歡迎。我哋通常會叫啲經典嘅港式炒飯、炒麵同埋煲仔飯，全部都好地道好好味！特別係佢哋嘅煲仔飯，好香好濕潤，啲飯粒都係一粒粒分開，真係巴打！如果你地鍾意傳統嘅香港茶餐廳風味，葵芳銀河美食屋絕對係一個值得一試嘅好地方。佢雖然平民餐 今次叫個炸菜肉絲雞蛋 午餐肉通粉 ，唔會太咸，有家的味道下次再同同事一齊嚟，記得試下佢哋嘅特色菜式啦，一定唔會失望！ 每次行完街都會食而間餐廳，唔知有冇人同我一樣呢

間唔時會過黎銀河美食屋食下野因為佢真係好抵食呢個年代好少可仲有咁大份夾抵食既餐廳我比較中意叫炸豬扒飯同乾炒牛河炸豬扒飯既豬扒係大份到不行如果叫外賣佢會比2個外賣盒一盒裝炸豬扒一盒裝飯味道方便，中規中矩不過以個價錢落講cp值一定好高啦如果細食，食2餐都可能未必食得哂乾炒牛河係即炒既通常要等耐少少牛肉食落好軟嫩而且好多塊味道有d似洒樓炒出黎既質素但價錢又係平勁多野飲方面我會推介中湯真材實料，跟餐唔洗加錢!

葵芳速食餐廳 雖然等位都等左15分鐘 食午餐 不過47蚊呢個價錢係可以接受， 呢間餐廳都有午餐 早餐下午茶餐不過就唔見常餐。午餐就揀左薯仔炆雞翼飯，熱檸茶。呢個薯仔食落口都有小小林口感可以接受，雞翼都有唔少隻，47蚊有呢個份量算抵啦，而且都唔係細隻，味道都有。呢個餐算ok既。意粉份量都正常，味道可以，口感滑。檸檬茶就沒有特別。不過午餐會比較多學生食所以就等得耐d。總結黎講，呢間食午餐係可以的，味道同質素都係接受到既。

喺朋友嘅推介下，嗌咗呢間銀河美食屋嘅外賣！超級大盒，超級抵食，我哋兩個原本好肚餓到最後都食唔晒|´∀`●)無論主菜定配菜都可以自己揀，我揀咗雞扒🍗蛋咖喱汁飯🥘💓😋 除咗咖喱汁佢仲有好多傳統茶餐廳都有嘅汁，例如茄汁、粟米汁、蒜蓉汁、洋蔥汁等等！ 雞扒滑捋捋🧴，怕肥嘅自己整走晒雞皮就可以🤎🐽 雞蛋就正正常常啦！咖喱汁俾得好慷慨，啱晒撈飯！我朋友就叫咗吉列豬扒加午餐肉，塊豬扒原本係原塊上，有少少唔方便( ՞. ̫.՞) 我哋預想到用膠刀喺發泡膠上面切會好嘈💩 所以最後攞咗鉸剪✂️🦖 🐽扒超級無敵霹靂⚡️大塊，炸粉唔會太厚， jeng!

見到評價唔錯，經過葵芳試一試，點知中伏。一入到去好熱，冇冷氣，坐低叫左個午餐吉烈石斑沙律，上碟已經好失望，份量少得可憐，3細舊炸魚配幾塊蘋果溝沙律醬，唯一正常係杯凍檸檬茶。唔會再幫襯，好伏！！！！！見到評價唔錯，經過葵芳試一試，點知中伏。一入到去好熱，冇冷氣，坐低叫左個午餐吉烈石斑沙律，上碟已經好失望，份量少得可憐，3細舊炸魚配幾塊蘋果溝沙律醬，唯一正常係杯凍檸檬茶。唔會再幫襯，好伏！！！！！

今日黎到葵芳既銀河美食屋食下午茶，上網睇呢到既吉列豬扒好食兼大份，但因為有d飽，叫左份下午茶既豬扒包加杯熱奶茶算。豬扒包整體幾好，包身用左甜芝麻包，幾搭塊豬扒，醬汁亦都好惹味。熱奶茶茶膽濃味，值得推介。

中午快餐叫咗個牛扒蛋意大利粉走汁 牛肉煎得恰到好處，口感嫩滑，肉質鮮美。意大利粉不過不失 蛋的煎得恰到好處，蛋黃微微流動，為整道菜增添了豐富的口感層次。菜品的呈現也格外精美，讓人食指大動。總體來說，這道牛扒蛋意大利粉是一道口感豐富、美味可口且搭配得宜的菜品，值得一試。

- 上班族Lunch / 下午茶首選～ 平快正🔥🍜 小鍋酸辣炸醬吉烈豬扒米線 $33湯底唔係戈種好濃同甜甜地既酸辣，反而有種住家風味，味道唔會用力過猛，飲多幾啖湯都唔會覺得膩👍🏻 而米線屬於偏爽滑爽滑戈種，再鋪上炸醬係面 (預期話炸醬不如話肉碎😂)，酸酸辣辣不錯🧆 最正就係吉烈豬扒，新鮮即炸，啱啱好外脆內軟，估唔到同酸辣米線又幾夾🤩🍜 小鍋酸辣炸醬雞扒米線 $33湯底米線都同上面一樣啦～ 順帶一提湯底冇分咩辣度，正常唔會話好辣，想要辣啲可以嗌加辣既 🌶️🌶️🌶️ 主配料雞扒就爭小小，浸到淋左，可以要求分開上既～ 味道正常份量好多🔎下午茶$33冇投訴啦，已經係物超所值‼️ 提示一下，下午茶A可轉1-10既配菜都得架，仲冷熱同價～ 另外餐廳主打咖喱汁飯再配吉烈，比起酸辣會再大份好多，下次會再試下🥳📍銀河美食屋葵芳美芳街昌鴻大廈8號舖

自從食過一次🐷吉豬麵，覺得幾抵食~之後久唔久就會去幫襯😂今日諗住唔食🐷吉豬，試其他野，結果中大伏🥴由本身諗住求其食個飯，冇諗過寫食評，但最後頂唔順，要寫出來比大家參考🤦‍♀️去到餐廳大概係七點左右，餐廳爆場~咁o岩門口有張枱，就坐左落去了😙睇左陣餐牌，叫左個🐔鹹魚雞粒炒飯，滿懷期待，結果失望到極點😵🐔鹹魚雞粒炒飯跟熱杏霜 ($46)個飯一上枱，已經覺得有D怪怪地🤦‍♀️食第一啖，鹹到我唔識形容😰炒飯講求乾身， 都明白$46蚊冇可能要求得好高，但都冇可能濕到咁，D飯一pat pat……我自己炒都冇佢咁濕😒🐔雞肉有好多，但有部份雞肉好明顯係煎過，可能賣剩（？！）再擺落過炒飯炒🤷‍♀️有部份雞肉就好淋😫同埋，唔多食得出鹹魚嘅鹹香，只有死鹹😖熱杏霜就正常嘅~本身都諗住唔好浪費食物，盡可能食晒佢，但最後真係頂唔順，食左五分二（？！）就埋單走人🤦‍♀️我直頭覺得去麵包舖買麵包食都好過咁嘅炒飯😒以後應該只會幫襯佢個🐷吉豬😕

專程拜訪區域名店炸豬扒老實講炸豬排大塊炸得靚性價比高但係其他所有野都一般般侍應合作混亂上菜 比台 指引 全部1999咖哩本質係學生飯盒級數做為學生飯堂夠飽抵食ok除此之外 無興趣回頭

之前見fd食過幾次，$33蚊有齊🐷吉豬麵加野飲~見佢抵食夾大件，終於搵晚來會一會佢😏去到餐廳係夜晚七點半左右，餐廳枱枱都坐晒人😳幾經辛苦，終於搵到門口角落位有張枱仔🤦‍♀️坐低冇耐，已經有staff攞水過來，問我食乜~睇勻成個餐牌，都唔見有 $33蚊🐷吉豬麵，問fd先知，原來 $33係下午茶價~正價係 $37🐷吉豬湯烏冬~ok，都仲好抵，所以就叫啦😏睇多兩睇餐牌，發現🍎蘋果介紹過呢度D吉豬😍叫完冇耐，個麵就好快來左了😏🐷吉列豬扒湯公仔麵 ($37+ $2)本身湯烏冬就 $37，轉公仔麵加 $2🍜公仔麵就正正常常嘅麻油味，麵底唔會煮得好淋👍上面加左D紫菜~不過個🐷吉豬需時，食完個麵仲要等一陣先上枱🤦‍♀️🐷吉豬的確幾大塊😳炸粉好薄身，豬扒唔un，唔錯👍沙律醬都比左好多😂🍹飲品方面，我叫左熱杏霜~同出面好多茶記一樣，略嫌唔夠濃😢不過 $39包食物同野飲，又唔可以有太多要求嘅😂最後埋單盛惠 $39晚餐來講，呢個價錢真係絕對超值實惠😂🍴食物高質~💁‍♀️服務正正常常，不過如果吉豬可以唔洗等咁耐就更好了😂

呢間算係我下午茶首選！因為平，靚，正，快！好多人因為佢嘅吉列豬扒飯而來，而我就因為佢嘅酸辣米線而來！每次都係必叫之選！佢嘅米線湯底唔係雲貴川，雲貴軒，唯一果D咁油膩！而係一種好特別嘅家鄉味道，筆墨難以形容，真係要食過先知！今日係星期六大概3:30，人客仍然係多，由於沒有卡位，只好坐圓枱！唔使看餐牌，依舊酸辣米線，雞扒另上！(身為熟客既我見唔係繁忙時間先會叫另上😎）熱檸茶！盛惠$32！低到咁，仲邊度有？我成日都諗老闆娘有冇得賺錢！而太后今日未食飯，好肚餓，於是叫咗冇咁熱氣嘅煎豬扒蛋飯！粟米汁！熱鴛鴦！成為43蚊！由於我嘅雞扒另上，所以唔會浸林，雞扒皮脆肉嫩！仲要係一整塊！大大塊！😋呢度嘅熱檸茶，一啲都唔吝嗇！有成四片檸檬，仲要係厚切！唔會俾頭俾尾！真係太誇張！🤩而太后嘅煎豬扒，一如既往好林！冇牙都食到！飯唔夠可以免費再加！不過食得晒先好嗌！唔好做大嘥鬼！呢度嘅鴛鴦一般，比較苦同鞋口！題外話，呢度嘅老闆娘好親切！唔會趕你走，任你坐！不過遇上跑馬日，就好多男人坐喺度賭馬😅唔習慣茶餐廳嘅熟女，就應該唔習慣😂😂😂如果有女仔願意陪你嚟呢度食，個女仔都應該諗得過🤩🤩🤩