影片
以上资料只供参考，请与餐厅确认详情
同老婆附近产检完，大肚婆肚饿，求其拣咗呢间餐厅入内，点知就比间餐厅破坏咗宁静嘅晚上；食物平平，牛腩大半系肥膏都算，落单个女人竟然连大肚婆都闹，躁大肚婆点菜慢，闹到大肚婆喊，成餐饭冇胃口食；大家都系女人，虾大肚婆好好玩？垃圾级服务。
继续阅读
今日系元朗等紧巴士果阵，见到下班车仲有20分钟先到，就去食个下午茶先，呢条街系有三间粉面铺，而呢间就大大只字粉面$22起，我谂都系得某几款系呢个价，见入面有人食就试下啦，入到去见到个餐牌系得鱼片粉面系$22，其他既就$26-40都有，粉面加$5有杯野饮我见佢个铺名有牛杂，食佢应该唔差既，我就叫左牛杂河加冻柠茶牛杂河有4-5件草肚，炆得都入味同够淋，肺，猪大肠同粉肠各两件，三样都系味道正常，唔会有异味，系大肠入面会有好多肥膏，仲有一旧牛膀，件牛膀都唔错，唔会好硬，食落口少少粉粉地咁，而河粉都唔会话碎，同埋份量都够饱既，连埋杯冻柠茶$31落楼，都冇投诉啦
继续阅读
入到元朗，谂住去sure win朝圣一番，可惜上水屠房关闭搅到冇新鲜牛整牛丸，当然即时走人啦；正如去到KFC话冇🐔，你会唔会退而求其次食蘑菇饭？正当极度徬徨之际，眼球被$19蚊大碗面吸引，谂都唔谂即时入场，皆因同钱作对非常不智未坐低已经成场蚝饼蚝饼蚝饼声不断重复又重复，搅到自己都被流脑不自觉嗌咗出嚟，结果多咗碟嘢喺枱面…蚝饼香、脆、松化，一D都唔油腻，蚝仔、蛋同粉比例刚刚好，最怕果D落超多粉炸完出来成块pizza饼底、变咗蒸蚝饼嘅感觉牛腩其实都唔错，爽口弹牙，牛味又浓，不过蚝饼实在太热气，始终被宠幸多D
继续阅读
通常都系帮衬佢隔离个劲敌，今次试下。一个三宝河30,贡丸米24,净云吞30全部都系𠮶句，咁既价钱食饱你仲想点呀？净云吞唔够隔离大粒同有味，不过有8粒。室内环境干净过隔离不过窄啲。其实想讲佢张大墙纸，一班不知名既女同个老细同埋应该系周中师傅。张相起晒格加上有亮点😂自己喺相度揾亮点
继续阅读
元朗有无数咁多间粉面店见惯见熟嘅我对牛腩、云吞呢类粉面真系唔会有太大兴趣不过今日有朋友介绍话『银河』啲牛腩好正我地又谂唔到其他选择咁就即管试下～入到去巳经坐满晒人估唔到咁爆环境尚算干净望一望餐牌竟然仲有24蚊一碗面平到咁，唔怪得咁多人食但唔好以为平就无好野试过就知原来性价比超高猪手拼云吞面云吞正常，猪手炆到好林好味👍🏼牛腩河一定要试呢度嘅牛腩肉质软而且超入味朋友果然冇介绍错😍连碟菜都靓仔过人咁嘅价钱有咁嘅质素真系好惊喜👍🏼👍🏼👍🏼
继续阅读