影片
招牌菜
话说迎接1/9 开学谂住食好少少，预每人$200吴算过份。吴好讲野食先，服务生全程黑面，又吴多招呼客人😓，我晚上8点入座，人吴算多，最入位置封住话比人订枱，但当日吴见有人潮排队食。叫左个吉列猪排定食，果个饭似人地食剩再攞出黎，卖相零分，猪排又多筋位，有1/4 系肥膏，全程无人添过茶水，加菜都好似求人甘，放心身为沙田友，无下次😡
继续阅读
今日天公不造美，整天下著黄雨，咁岩今日系王子我考车牌既大日子，湿滑既公路加上白汒汒既街景实在令人担心，好彩最后都能够一Take Pass成为新牌仔完左之后就入室内避下雨先，好耐无行过新城市广场，佢比我既印象重系有一个大喷水池系中间，可惜依加已经被各大品牌进驻，唯一庆幸既系多左唔少质素较好既餐厅。下午三四点想食个午饭既选择不多，因为大多数餐厅都落场或得番下午茶，于是来了出名食吉列定食既银座梅林了～由于下午三四点的关系，我是餐厅唯一的客人，银座梅林有多款招牌菜式 ，而镇店之宝非吉列猪扒莫属，但有少少贪心既关系嗌左个杂锦吉列定食，有大虾、猪柳、蚝、鱼柳（），另附上生菜丝、茶碗蒸同味噌汤。店铺标榜使用顶级绵实油，系百分百日本制造并无反式脂肪令每块猪排，食落确实系香脆可口但不油腻，是吉列店成功的要素之一！大虾确实够大，系足足有八吋长既虎虾，弹牙又鲜甜，食完真系会变大头虾吉列蚝都系大大只，同样香脆可口，外脆内软～可惜我系一只井底之蛙既关系，真系未见过吉列定食会有鱼柳即刻念起大快乐既早餐，哈哈～但店内既吉列酱汁我就唔太特别钟意，虽然佢系创自1927年，由多款香料、鲜果和蔬菜混合而成，但食落同吉列食物唔系太夹～下次再想食吉列猪扒时，会番番去丼吉
继续阅读
刺身系一间日本食店嘅凌云，一粒粒正宗新鲜山葵有一阵阵轻微香味。首先我先试帯子同虾，有一冠鲜甜嘅水准。再食呑拿鱼，一般平时岀面就算几高级嘅日本料理，香港呑拿鱼要求都不是特别高。依个真系比到惊喜我，又滑又鲜，好味。三文鱼就无咩特别。之后再叫多个蟹子沙律，清爽。 p.s. 依间服务员嘅服务水准一流
继续阅读
我系梅林常客，早系铜锣湾总店，到Ifc，同旺角店服务同食物质素都有水准，但系唯有沙田店，点解服务差咁多，沙田店人流系多，但点解可以对举手嘅客人视而不见？！而且唔系一次！！净系添一次饭都要催几次，再等上超过十分钟？！以前系铜锣湾店会有主管出黎招呼客人同倾计，问客人有咩需要 ，我当然唔奢望间间分店都有啦，但唔好咁啦 不过呢,可幸的系这分店依然维持梅林的优良食物水平,我的最爱吉列鳗鱼定食,新鲜,惹味而不油腻;沙律菜爽口清新;前菜,酱汁同珍珠米一样高水准,令人神往及回味.食物水准100分,服务水平0分.
继续阅读
其实系沙田揾嘢食都几难，虽然话呢度乜都有得食，但啲人多到呢.....钟意食肉嘅朋友都或者钟意食吉列嘢 (起码我自己系咁).今日想同大家讲吓沙田呢一间嘢，食吉列猪扒！其实讲起吉列猪，或者都会谂到CWB 世贸入面果间，但一谂到要排队排到2046 我谂都会却步。沙田呢一度因为开咗一阵子喇，同大家对吉列喜爱嘅程度都退咗啲，所以排队时间相对吓都可以接受。讲食物，嚟张相先。佢有好多只唔同等级嘅猪扒畀大家选择，咁小弟呢次拣咗最普通嘅猪嚟食。炸得唔错，唔会话太老啲肉dry 晒，仲好fresh ，仲有小小肥，入口如果可以一啖嘅话，口感真系好正！小弟系饭桶，佢冇限追加饭同沙律菜真系一定饱到飞起！服务，呢个就差小小，佢上菜速度唔快(即炸关系吧)，但服务员都唔会劲主动地加茶或照顾你。要减一减分。
继续阅读