銀咖哩 (已結業)

午餐嚟食呢個咖喱豬扒芝士蛋包飯加牛肉選擇了大辣～加飯總共價錢$69 份量好大^試咗佢哋大辣其實都唔算好辣下次挑戰上加多一級辣先豬扒就偏瘦啦～咖喱甜香牛肉～煎得好好加上佢嘅醃菜N甜甜地脆口中和返個辣度值得推介

芝士漢堡包蛋包飯～多飯大辣～配上日式咖喱～大辣都唔係好辣～咖喱佢有嗰個醃蘿蔔都幾好食加上去有爽脆的口感呢一間餐廳冷氣夠凍位置夠大～近學校所以午餐嘅時候一係提早少少食，如果唔係就好多學生哥喺嗰度食～

週日雨天為咗避雨走入嚟食tea好耐以前食過其他分店一次因為唔好飯同埋個時記得隻太陽蛋賣相有d嚇人加埋隻唔討好嘅銀色碟同埋好似canteen食頹飯嘅餐盤🤪已多年無幫襯今日比多次機會試下午茶$38好抵叫咗煎餃配薯角同腸仔加可樂嚟到微笑了原來餐盤一樣、銀碟依舊最正係廚師將普通食材用心擺盤茄汁畫花加中間一條腸我真係覺得好得意😂將頹廢推到極致就會見到員工嘅用心因為得我一枱客佢哋仲拖住地編下更出下food panda咁瞬間好似入咗時光隧道跌咗另一個神奇空間🌀🌀🌀

I visited this place few days ago and was pleasantly surprised by the good value for money. The prices were very reasonable, considering the amount of meat/protein and rice. The only issue is there are too much rice relative to the protein. It cost barely anything to upgrade and get a drink or soup, and even chips.One of the standout dishes for me were the fried stuff (pork and shrimp for us) , which were both cooked to near perfection - remember to take price to a count. The shrimp were succule

天氣轉涼，總想食一啲辣辣食物保暖，今次專程來銀咖哩，食好耐冇食過嘅富士山咖哩飯，份量超大，兩個人食剛剛好，而濕地公園附近嘅銀咖哩比較新，裝修簡潔，乾乾淨淨，坐落亦都比較舒服；我於櫃檯點了富士山咖哩飯，同埋百事可樂，因為人客唔多，所以都唔駛五分鐘，就已經成個巨大嘅富士山咖哩飯放喺枱面，一如以往有煎蛋，有漢堡扒，有香腸，有吉列豬扒件；食落咖哩小小辣少少甜，就所謂日式嘅甘和辛；而百事可樂始終都覺得冇可口可樂個種味；值得一讚嘅，就係佢嘅醃製蘿蔔，每次食極都唔厭，簡簡單單咁就一餐，服務亦都比較自助式，所以都可以叫到位！

有两、三個月冇去，心郁郁想食，就去買個外買做晚餐。一推門，就聞到餐廳入面一大 "朕"油味，有少少"益"左嗰種。。好彩我買外賣，咪坐係到食都幾惡頂。。落單時話外買要加2蚊，記得之前唔駛，不過明顯見到個餐盒同以前唔同左，或者呢個係貴价嘢要收番錢至回本，冇乜所謂啦。。我買左咖哩炸猪扒飯，块炸猪扒應該就係整個餐嘅靈魂。。点知块猪扒炸過龍，入面块肉縮晒水，變得薄支支，乾爭爭，頭同尾部都熟到起晒絲，好似煲完湯拎出嚟咁。。真係食得唔爽。。好彩佢咖哩汁同白飯都還可以。。

朋友係wetland 既屋企入伙啦! 呢日黎到探佢順便參觀下~ 入到黎梗係要做下D 正經野, 就係食個靚飯, 估唔到呢度都開左間銀咖哩仲要咁高質! 黎到銀咖哩就梗係要食佢地既咖哩! 我地揀左要個招牌吉烈豬扒飯, 同埋一個芝士照燒雞肉蛋包咖喱飯! 要SET都係加多十蚊就有薯條同野飲~ 咁就梗係加啦! 咖哩飯既份量真係一D都唔姑寒! D 咖哩汁多到係所有飯都可以撈埋D汁黎食,唔會有盲咁食白飯既情況! 呢樣真係值得嘉許! D 豬扒份量都有好多, 淨係叫37$既飯黎食其實都好倔, 加埋薯條同野飲就有另一個享受! 配埋呢度既環境真係好開心! 另一個芝士照燒雞肉蛋包咖喱飯又估佢唔到咁正! D 蛋真係包住哂成個飯, 加埋D 咖哩汁,真係好好味, 佢既咖哩唔算好辣, 你仲可以自己揀辣度, 但我就唔到好辣, 我就覺得普通既岩岩好! 下次黎朋友度又唔駛煩食乜, 真係好!

作為一個都市人，食嘢離不開快靚正。咁啱今日有工作要入天水圍要做，短短只有九個字嘅食飯時間。竟然俾我見到一間銀咖喱。於是乎入咗去食個快捷嘅午餐。望吓個Menu。最後決定食芝士照燒雞肉蛋包咖喱飯。雞肉份量非常之多。而且雞肉一啲都唔鞋，仲算幾滑添。芝士份量雖然唔算多， 但係芝士味香濃，作為芝士控嘅我，都覺得算係咁。另外蛋包飯蛋味香滑，而且炒得幾滑。最後講一講主角咖喱，咖喱味道係我鍾意嘅口味，而且唔會太辣，啱晒一啲怕辣但又想食咖喱嘅朋友。整體來講成餐飯性價比高，以咁嘅價錢食到咁嘅質素， 而家真係越嚟越少見。

呢間主打日式咖喱飯嘅餐廳, 相信大部份人都聽過! 不過我都係第一次試~ 咖喱飯可以配肉類、海鮮, 咖喱蛋包飯都有! 餐牌上面嘅食物價錢大眾化, 而且分量都幾大, 仲可以另加配料及飲品, 保證你食得夠飽😜!🍛芝士照燒雞肉蛋包咖喱飯送餐速度幾快, 賣相十分吸引! 白飯份量多, 照燒雞肉粒肉質幾嫩。咖喱汁甜甜地, 份量夠多, 輕微辣度, 味道夠香濃, 質地杰身但又唔會過稠。咖哩汁內除咗有洋蔥、紅蘿蔔粒外, 仲加入豬肉碎, 更有口感及肉味, 佐飯一流~最欣賞係個蛋! 一啲都唔乾身, 有蛋汁, 蛋味香濃, 令到個飯無咁乾, 同時仲有濃郁嘅芝士味！雞蛋同芝士味道好夾呢!

呢日黎到天水圍wetland 呢間銀咖哩，好耐都冇食過銀咖哩啦～見到呢度竟然開左真係好surprised!呢個環境真係好舒服，空氣又清新，心情都好好！黎到呢度一定要叫番個招牌吉烈豬扒咖哩飯！$37勁抵！加多十蚊命有野飲同埋薯角添！真係好抵，埋單都唔駛50$，其實食完個飯都夠哂飽，但有埋薯條真係更加之享受！吉烈豬扒夠哂脆！炸得唔會好乾，食落d豬扒仲係好juicy,重點係佢夠哂熱辣辣！點埋d咖哩汁黎食真係人生一大享受！d咖哩汁都夠哂撈飯食！真係超正！薯條夠哂香口！同埋夠脆，佢既炸物真係做得相當之唔錯！ 飲埋杯可樂真係舒服哂！

秋高氣爽最好就係去郊外活動下, 所以今日就去左天水圍濕地公園行下玩下啦......最後順便係附近食埋飯先返家超surprised俾我見到以前中學成日食既銀咖哩!!! 回憶即刻返晒黎....忍唔住拉埋屋企人一齊入去食銀咖哩咁多年都冇變~價錢仲係咁經濟實惠, 而且質素依舊我叫左個招牌吉列豬扒咖哩飯$37, 另加野飲&著角~~吉列豬扒大大塊, 外皮都幾鬆脆, 豬扒肉質juciy唔會乾....咖哩味道香濃, 撈飯食無得頂!!!最正係呢道可揀辣度, 佢唔係用咖哩辣度黎分, 而係用辣椒粉, 所以辣椒粉多少就決定個辣度喇~~薯角外脆內軟~~薯芯好粉嫩, 唔會死實實

今日挑戰入天水圍濕地公園，係附近搵嘢食先🙈見到好熟悉嘅銀咖哩呀☺️哈哈，我食過佢哋嘅分店，都唔錯呢，所以都好有信心再食一次😊我叫左個芝士照燒雞肉蛋包咖喱飯🍛，crazy咁足料，crazy咁重口味，crazy咁啱我口味🤣咖哩汁奶味香濃，係日式嘅味道😋面頭嘅芝士你睇張相都知勁，拉絲一流！雞肉都有成7,8塊，雖然係照燒雞肉，但唔會燒過頭，入面都有肉汁😙仲有個蛋包飯，將所有野一次過放入口，口感勁豐富😍而且味道好夾！飲埋啖百事，單字一個「爽」。我仲配埋個炸薯角，哈哈😆好熱氣呀但食得好開心，薯角勁紮實😝炸得好香口，食完今晚乖乖飲多兩杯水啦🤣食飽飽就出發同朋去玩啦‼️

叫個外賣炸雞咖哩蛋包飯同海鮮咖喱蛋包飯，點知等成40分鐘，全程睇住果3個所謂廚師既人係到唔知做咩，行下企下，催左樓面幾次可以無反應。最好笑係，番到屋企個咖喱飯竟然無咖哩，睇住個白飯同佢面頭果塊煎蛋，真係由心而發咁想問候佢廚房果幾條友，呢間係咩垃圾餐廳。