鐵金剛 (已結業)

又落錯單.... 比咗個漢堡扒都佢地反映, 有個好似廚師既回應"你食左一半"一. 係佢地出錯貨, 冇做好品質管理個廚仲話係裡面全部係外國人, 咁會唔會有人把關不力呢??二. 冇主動彌補過失, 我要求淨係比番快豬扒就OK, 上次落錯單, 我理解因為週末同爆場今次係平日下晏2點幾佢回應係話要客人明白因為D同事唔識中文客人點A餐, 你比B餐, 唔知有幾多客人理解、明白既就係你出咗貨仲要唔處理??大家閣下自己評評吧~!是日點餐：芥末豬扒包 + 磨菇炒蛋 + 雜菜 + 炸薯條 +南瓜湯芥末豬扒包 份量依然足、豬扒鬆軟腍、芥末醬有特色磨菇炒蛋 + 雜菜 + 炸薯條 +南瓜湯宜家D炒蛋好油、好膩、份量足 (食唔晒~!)南瓜湯有少少南瓜粒, 同少少CREAMY配左兜好似蒜茸茄汁既汁, 好怪, 薯條都係配茄汁好食D薯條太油, 干身D更好番食指數：＊

成日周圍去食野既我，今次同幾個朋友去到深水埗，見到呢間「鐵金剛」門面唔錯幾乾淨，裝潢幾靚。睇完一輪餐牌，就叫左「鐵板芝士肥牛飯+配餐飲$39」、「公司什扒飯+配餐湯餐飲$69」、「西冷牛扒餐+配餐湯餐包餐飲甜品$89」。差啲唔記講，原來係唔洗收加一服務費嫁。🍛🍝「鐵板芝士肥牛飯」配上黑椒汁，肥牛可見好多，其實有啲似吉野家牛肉飯咁既感覺，味道中等啦，唔太差，都算抵食既。🧀🐮🍛「公司什扒飯」配上蒜蓉汁跟飯，賣相普通，有煎蛋、雞扒、豬扒、火腿扒。味道唔差，份量都算足夠。🐓🐖🍳🍛「西冷牛扒餐」配上黑椒汁跟意粉，仲有半條粟米及薯條。不過西冷牛扒食落有啲啲靭，比較多筋，份量都足夠既。🐮🌽🍟🍝最後，老闆娘仲送多件甜品比我地試，幾好人。「咖啡奶凍」、「啫喱」，食落唔算太甜，唔錯，最好食都係咖啡奶凍。🍮🍮「餐牌」我已經影左上載至openrice既「餐牌」入面啦，方便大家查閱相關菜式。📔

在深水埗區算是好唔錯的西餐廳服務，衛生，環境好好。老板娘好友善。價錢合理，還不收加一服務費。凍飲不需要加費。食物整得幾好食，鐵板餐真的唔錯。是好好的午餐和晚餐的選擇。

是日點餐：牛柳芝士包 + 磨菇炒蛋 + 雜菜 + 炸薯條 + 熱ot牛柳芝士包 份量足、牛柳軟腍、用料新鮮磨菇炒蛋 + 雜菜 + 炸薯條 + 熱ot夠熱、炒蛋滑、薯條夠脆、份量足 (男仔都夠~!)是日點餐：香蔥豚肉飯 +  熱ot當日係星期日, 所以爆場, 原本叫芝士肥牛飯, 出左個冇芝士既飯... ... 唔打算追la, 已經咁忙, 你追單唔知d廚房大佬比呢咩你~!睇返d comments, eeee...... 嗰日應該係香蔥豚肉飯先啱~btw, 份量足，味道就一般，豚肉有啲肥番食指數：＊＊ 通常新頭3-4個月d質數係好好, 如果keep 唔到就唔再去lu

頭先去食左個克椒汁公司什扒餐，凍奶茶，南瓜湯先講個扒餐先，克椒汁吾夠，得1碗仔，問要茄汁，每次2包，慳得滯凍奶茶，吾夠奶，飲糖水，好似茶包冲南瓜湯一味夠甜，仲寫到有甜品送，到埋單甜品都冇來，咩餐廳來架我好少寫食評架，但係今次吾寫吾得，中左伏，1家五口，四個餐埋單306元，

今日與兩位同事一齊出去工作, 差不多LUNCH時間, K同事話不如食去T-Back,開頭唔知佢講乜 ? 原來係T-backs, 係一間餐廳 (新開張)中文名叫鐵金鋼, 完全無關係的名呀 !! ^^睇到個名知道係食鐵板專門店, 係佢午餐餐中揀左 :鐵板蔥燒鮮菌豚肉飯 $35 (還有湯或飲品)呢區食飯都真係好平 !我選了南瓜湯唔算好濃, 但很易入口 !!鐵板蔥燒鮮菌豚肉飯 上枱時, 我等左一陣先淋汁, 因為都比較熱氣, 可能始終係中午時段, 洋蒽好生, 生都好難入口, 豚肉亦好鞋, 反而菇類就好味,飯份量好大, 勝在有汁可以伴飯吃。整體以$35 有飯有湯或飲品已經是便宜, 而且味道唔算太差。

我平時只係睇人地既食評但今日終於係時候寫番次。今晚行經大埔道，見到間餐廳叫“鐵金剛” ，於是入去大戰一番………枱面見到《專注鐵板》，我就自然叫左個鐵板牛柳餐(五成熟)……主角牛柳岀場，切開去望吓，果然係五成熟有水準。食落真係要講，肉質鮮嫩美味多汁口感非常，真係估唔到一間平民餐廳有咁既水準! 講真而家好多地方食鐵板餐都係以啖啖肉為主，難得有間肯用靚既食材同認真去烹調所有真係一試難忘! 仲要份量夠，食到我好飽!走時我見到隔離枱個巨型漢堡好吸引!睇嚟下次要叫埋朋友嚟先可試多幾樣!

深水埗既新餐廳冇乜期待咁入左去試係俾佢價錢吸引左我 原本冇預過佢個餐會好大份但一上菜十分驚喜！！！好大份！！！點左兩個burger set!!!!好滿足！！！會再吃！！只係係添好運對面 不過就唔近地鐵站既🙈