鐵板世家

营业中

休息中

今次去咗間平民鐵板牛扒店食嘢，價錢好平，份量同質素都幾高水準一開始會上左羅宋湯同餐湯先叫咗個鐵板牛舌拼肉眼牛扒，牛舌切得厚薄適中，表面略略燒焦，食落去香口彈牙，完全冇韌身嘅問題。肉眼牛扒就更加正！五成熟嘅熟度啱啱好，切開嗰陣見到個肉色係漂亮嘅粉紅色，肉汁鎖得好好。最正係佢表面燒到香脆，入面仲保持到多汁嫩滑，連筋都冇，肉質夠嫩滑。黑椒汁另上就最啱，想點辣就加幾多，唔會搞到個牛扒浸汁咁樣。配菜嘅薯菜都做得幾好，薯仔香軟，菜夠新鮮爽脆。西冷牛扒就做得更加出色！五成熟嘅熟度一樣完美，個西冷油花分佈均勻，肉質夠嫩又唔會肥膩，食落去香甜多汁。個燒汁味道濃郁，帶有紅酒香，配埋牛扒更加突出個牛味。意粉做得夠al dente，軟硬適中，沾埋個燒汁食就更加完美！飲品方面，凍檸檬水少甜就啱啱好，檸檬味香甜，完全冇苦味。凍檸檬茶走甜就更加啱我心意，茶味香濃，檸檬香氣足，最啱配重口味嘅牛扒。總括嚟講，鐵板世家嘅牛扒質素同價錢都算得上抵食，最緊要係廚師對火候掌握得好好，每次嘅熟度都好準確。雖然唔係高級牛扒餐廳，但勝在夠實在，想食個抵食又夠水準嘅牛扒，呢度真係值得一試！

太耐無行金魚街，行完唔知有咩食，都係打算求其入間茶記算，點知原來有間裝修到以前港式西餐，係食鐵板牛扒。入去裡面，發現原來係深水埗老店馬德里餐廳嘅分店。餐包呢度無用普通圓形西式餐包，真係港式傳統好甜嘅餐包，有以前嘅感覺。羅宋湯傳統港式味道，好多椰菜同西芹，配帶辣味嘅番茄湯特別開胃。忌廉湯Creamy但無咩材料，好適合點餐包食，唔搽牛油。整體都唔錯，但相比之下比較遜色。鐵板牛舌拼肉眼牛扒 五成熟 $158呢個鐵板，特登無落汁，不過熱度一樣，攞開好多墊底嘅薯條，一樣足夠將牛扒煎到七成熟。配菜有西蘭花同車厘茄。肉同一般港式西餐一樣，都有鬆過，不過唔會完全爛曬，都有保留牛肉嘅味道。呢度嘅肉眼牛肉味足夠，唔會太硬。但呢度嘅牛舌外層比較硬，但多左牛舌，只係多$10，算係咁。鐵板T骨牛扒 五成熟 $148T骨係將牛柳、西冷牛扒同中間連帶嘅T字脊骨原個切出，同時食到嫩滑嘅肉同有牛味嘅肉。 加入黑椒汁之後，有黑椒香味，可以帶出牛肉味。意粉+$10咁重懷舊氛圍，但都係俾普通白洽意粉，有啲可惜。凍檸檬水 走甜 +$4*2=8牛肉太油膩，飲走甜嘅檸檬水比較舒服。甜品今次甜品係黑加侖子味雜果啫哩，口感比較鬆散。呢

講起港式嘅晚餐，梗係唔少得豉油西餐啦!今次嚟到通菜街嘅鐵板世家。價錢性格比高，非常抵食🤩。店內環境好有港式風味，紅白湯二揀一再配餐包🥣，夠曬經典。醬汁淋落鐵板發出滋滋嘅聲音非常吸引，流晒口水。鐵板煎牛舌拼肉眼牛扒配薯菜 $158牛舌加牛扒，份量超級多。牛舌食落好稔身，再加埋充滿彈性嘅肉質，牛味香濃😋。肉眼牛扒好厚，但切落唔會好韌，輕輕切都切到，肉眼嘅肉味都非常充足，肉質厚實，油脂比例啱啱好，粉嫩多汁🥩。配菜西蘭花同車厘茄簡單焯煮，無過熟，保留爽口感覺，食完感覺清新解膩。鐵板什扒（豬扒/雞扒/珍寶腸/煎蛋）配薯菜 $138什扒餐勝在乜都有，啱晒選擇困難唔知揀咩嘅人🙌🏻。雞扒嘅表皮炸到金黃焦脆，雞肉肉質嫩滑，雞味同醃料嘅調配幾match ，豬扒厚度適中，肉質非常鬆軟，前期準備功夫有落心機，太陽蛋桔爆後，蛋漿流落啲扒度再撈埋飯食好正。珍寶腸仲長過塊鐵板，食落外脆內軟。薯條係用曲薯，係傳統嘅波浪型薯條🍟，食落有薯仔味，外脆內綿，作為配菜啱啱好。仲會送飯後甜品，提子味啫喱加左花奶，口感非常Q彈，再加上花奶令啫喱更加滑🍮，唔會太甜，有解膩嘅作用，好懷舊嘅西式甜品。

去咗旺角通菜街188號嘅鐵板世家試吓佢哋主打嘅鐵板牛，成餐食落幾有驚喜，價錢親民，質素又唔失禮。我叫咗一份鐵板肉眼牛扒拼牛舌（燒汁），五成熟，牛扒煎到外層微焦，入面仲保持住粉嫩，肉汁鎖得好實，切開嗰刻已經聞到香味，肉味濃郁。牛舌就煙韌有咬口，厚薄適中，咬落唔會韌，仲帶少少油香，加埋燒汁鹹鹹甜甜，幾夾。朋友就揀咗鐵板肉眼牛扒（黑椒汁），同樣係五成熟，牛扒煎得啱啱好，黑椒汁唔會太嗆，反而有層次感，唔會搶咗牛味，配埋個鐵板底聲香四溢，幾有感覺。飲品方面叫咗杯熱檸檬水，食完啲肉飲返杯熱檸水，中和返啲油脂感，舒服晒。同埋紅豆冰，紅豆煮得夠綿夠香，啲冰唔會太粗，甜度適中，收尾啱啱好。環境唔算高級，但勝在夠地道，鐵板香味成間舖都飄住，坐得舒舒服服。成餐食落唔算貴，以旺角嚟講性價比好高，想食鐵板牛又唔想太貴，呢間真係可以列入再訪名單！

喺旺角金魚街行完一圈，望完五顏六色嘅金魚後，肚仔開始咕咕叫，於是同老公決定去鐵板世家醫肚。呢間餐飯係食鐵板餐，但餐廳裝修明亮整潔，絕對唔係舊式茶餐廳嗰種油膩感。枱面同座位乾淨企理，環境舒適，仲有少少現代感，令人食得放心又開心。羅宋湯及忌廉湯，熱辣辣餐包
餐湯一上枱，熱騰騰嘅湯同餐包即刻暖晒心！羅宋湯酸甜開胃，蕃茄味濃郁，仲有滿滿嘅雜菜，飲落去好有滿足感。忌廉湯濃滑香濃，入口順滑，係經典嘅港式滋味。餐包烤得外脆內軟，塗上厚厚嘅牛油，配湯真是一個完美嘅開場。 鐵板煎牛舌拼肉眼牛扒配薯菜
呢個組合係我嘅至愛！牛舌煎得外層微焦，內裡嫩滑彈牙，咬落去啖啖肉香，完全唔韌。肉眼牛扒五成熟，肉質Juicy，配上濃郁嘅黑椒汁，滋滋作響嘅鐵板熱度將醬汁嘅香氣完全釋放，食落去好過癮。薯菜有薯仔同西蘭花，吸滿咗醬汁嘅精華，簡單卻好味。份量十足，食完真係有種大滿足嘅感覺。鐵板肉眼牛扒配薯菜
老公點嘅肉眼牛扒同樣出色，牛扒厚實多汁，煎得外焦內嫩，黑椒汁濃郁又唔會蓋過牛肉嘅鮮味。薯菜同樣吸汁，作為配菜好稱職。鐵板保持住熱度，食到最後一口都仲係熱辣辣，呢個港式鐵板餐嘅精髓真係令人懷念。凍檸茶同熱檸水都好夠檸味！凍檸茶

白湯Not too salty ! Creamy !!麵包夠熱🔥 **鐵板牛舌拼肉眼（$158）** ▫️ 牛舌厚切1cm，炭燒紋路清晰，彈牙帶焦香 牛舌嚴選澳洲。肉質彈牙中帶膠質黏口感，邊緣微焦脆如餅乾▫️ 美國肉眼扒三成熟，粉紅肉心鎖滿肉汁，鐵板「滋滋聲」上桌 🥩 **鐵板T骨牛扒（$148）** ▫️ 五成熟掌握精準，骨邊肉焦脆，肉質柔嫩 ▫️ 。五成熟的做法讓骨邊肉形成琥珀色脆殼，刀叉輕壓即可見肉汁緩緩滲出鐵板保溫效果極佳，即使拍照5分鐘後仍能保持50°C以上溫度🔥 **鐵板牛舌拼肉眼（$158）** ▫️ 牛舌厚切1cm，炭燒紋路清晰，彈牙帶焦香 ▫️ 美國肉眼扒三成熟，粉紅肉心鎖滿肉汁，鐵板「滋滋聲」上桌 🍹 **凍檸茶（$4/杯）** ▫️ 少冰版本茶味更濃，配鐵板餐解膩一流 雜果啫喱有花奶👍#港式鐵板 #牛舌控 #三成熟挑戰 #懷舊西餐

餐廳用格仔枱布，佈置有懷舊港或茶記嘅感覺，主打鐵板餐粟米忌廉湯配餐包濃郁的粟米忌廉湯，香甜滑順，搭配鬆軟的餐包，適合開胃鐵板牛舌拼肉眼牛扒配薯菜 五成熟鐵板上煎至五成熟的肉眼牛扒，肉質鮮嫩，搭配牛舌，口感層次豐富，睇住黑椒汁係鐵板上滾燙好過癮，餐廳提供超大餐巾，唔會整污糟衫，牛扒及薯條吸收左黑椒汁後更好味鐵板珍寶什扒（豬扒、雞扒、珍寶腸、煎蛋）配薯菜包含豬扒、雞扒、珍寶腸及煎蛋，香氣四溢，唔同肉類都煮得岩岩好，外層脆，內層肉鮮嫩，咩都有齊，啱哂選擇困難嘅人凍檸檬茶清新的凍檸檬茶，酸甜適中，為豐富的鐵板餐增添一絲清爽的感覺，完美解膩。

⚠️港式西餐，唔止花園餐廳，呢間幫到你⚠️ 位於金魚街後方嘅呢間鐵板世家睇落唔多掂，霓虹燈招牌唔著，但估佢唔到入面幾骨子，即刻番咗70年代。餐廳貫徹香港「超效率」文化，櫈都未坐暖就問你要紅湯定白湯，唔夠2分鐘就有溫熱軟熟嘅餐包送到，配埋個湯真係大滿足。難得嘅係白湯有多粒蘑茹，真材實料。🍧飯後仲贈送甜品，當日限定黑加侖子味雜果啫喱，食得出用羅拔臣啫喱粉，溝三花淡奶🥛 🥩鐵板牛舌拼肉眼 HKD158肉味比較濃，仲有埋牛舌，為食必選 🥩鐵板西冷牛扒 HKD148 分量全部都好足！*店員都是老員工，個個都好有禮貌，今時今日仲要無加一，真係抵到傻！

今早經過金魚街, 見到二間茶記都有早餐吃, 不過好似見依間比較多人d, 而且外面看, 好似依間裝修吸引d😅, 入面完全係西式餐廳🥰裝修佈置, 望下早餐menu, 想食羅宋湯🍅, 唔食牛的我, 揀左午餐肉🐷, 另外揀左🐷豬柳漢堡加煎蛋🍳, 轉多士🥪要熱奶茶☕, 等左一陣早餐送到, 豬柳食落幾香👍, 味道唔錯, 煎蛋🍳食落都有蛋香味🥰, 羅宋湯湯底好正, 有d蕃茄🍅紅蘿蔔🥕西芹椰菜, 飲落有d酸甜味, 夠開胃, d通粉份量都唔少, 有坑紋👍👍, 粉入面流左d羅宋湯入去, 就更加好食😘, 多士食落也是脆😘🥰, 再之後飲埋杯熱奶茶, 雖然凍左但味道唔差😄👍, 有下次, 有機會可以試埋佢哋d晚餐😆

咁啱想食啲地道啲嘅鋸扒，之前都聽聞過呢一間鐵板餐廳好受歡迎，一入去嘅時候都差唔多坐滿晒！🫨鐵板餐嘅種類都好多，以份量同質素嚟講價錢亦都唔算好貴！😗每個扒餐都包咗一款扒、餐湯、飲品、仲有甜品添！我同朋友都想大大啖食肉！兩個都揀咗鐵板煎牛舌拼肉眼牛扒配薯菜 ($158)，仲叫咗忌廉湯、凍檸茶少甜少冰、而甜品就係花奶配啫喱！😍鐵板煎牛舌拼肉眼牛扒配薯菜🥩我哋分別叫咗三成同五成，同樣都係叫咗黑椒汁，唔夠汁仲可以添！肉眼牛扒比想像中厚身同大塊，食落唔算超嫩滑，但係勝在肉味好足！有兩塊大大牛舌，牛舌略嫌煎得唔夠焦，如果本身唔鍾意牛舌質感嘅可能會覺得好raw🫣花奶配啫喱好耐冇食過黑加侖子啫喱，仲要配埋花奶，童年回憶即刻返晒嚟😉入邊都好足料，仲有椰果添！

同女朋友行完花墟 落大雨 天氣涼涼地佢話想鋸扒用apps一搵就搵到呢間係太子站附近嘅鐵板世家座位好闊落 裝修係傳統扒房 用格仔枱布 加配一啲懷舊嘅牆紙 成件事好有feel一坐低侍應已經好快問你飲咩湯再上埋餐包 好有效率羅宋湯好開胃，勁多配料忌廉湯好Creamy，夠哂濃同女朋友一人點咗一份扒用鐵板上 jar jar聲 一份肉眼一份西冷 都係138同148 原本已經配咗好多薯條 夠哂飽鋸扒就最怕佢煮到Over Cook，又或者一舊扒入邊有一大部份係肥膏或者筋呢度做得好好，冇呢啲事發生而且伴碟嗰啲菜都係食得落口 唔會一陣臭青味飲品夠大杯無嗌小冰啲冰都唔會太多檸檬有四片 成杯凍檸茶好夠味道最後仲有啫喱送最有驚喜嘅係啫喱入邊係有果肉食落去個口感係非常之豐富食到飽一飽兩個人都唔使$300 ！

前幾日係youtube見到有介紹呢間平民鐵板餐，決定試試。這家餐廳的港式鐵板餐給人一種懷舊的感覺，菜式選擇多樣，適合喜愛肉類的食客。鐵板牛舌配肉眼扒拼薯菜牛舌的口感柔軟，整體味道非常不錯。鐵板的熱度保持得很好，倒汁時需要小心，建議用紙巾遮住自己，避免燙傷。鐵板T骨牛排配蔬菜接著是鐵板T骨牛排，搭配蔬菜。牛排帶有濃郁的燒烤香氣。整道菜不會過於油膩。飯前的牛油餐包非常松軟，抹上牛油後香氣四溢，配上羅宋湯和忌廉湯，無論是開胃還是暖身都很合適。最後，甜品的黑加侖子雜果啫喱好有童年回憶。

突然想飲港式羅宋湯😂記得之前去睇小動物時行過見到有間黃色大招牌“鐵板世家”十分搶眼！門口放著一大個晚餐的告示牌👍有鐵板餐同特色意粉和飯選擇充滿懷舊氣氛紅色格仔枱布我們一定是食鐵板餐餐已包含主食、餐湯、牛油餐包、飲品😍送甜品👉🏻重點免加一👍加$10可加配白飯或意粉👉🏻羅宋湯湯好夠熱！基本材料蕃茄、椰菜、紅蘿蔔和西芹👉🏻餐包都係靈魂之一鮮牛油餐鬆軟好味，正😋👉🏻鐵板西冷牛扒（7成熟）鐵板牛扒餐上檯時店員會拿着兩桶的醬汁：(燒汁或黑椒汁比你選擇）鐡板好夠熱👍渣渣聲好多白煙升起香氣滿滿添加食慾👉🏻鐵板肉眼牛扒（7成熟）肉厚勁嫩又多汁肉質鮮嫩醃製得牛肉很入味配燒汁更惹味配菜有西蘭花、車厘茄和曲形粗薯條👉🏻另加$8 有特飲菠蘿冰同紅豆冰值得一讚紅豆好大粒好腍😋👉🏻最後甜品花花杯啫喱加了雜果𠻹

有日夜晚出旺角食飯忽然好想食港式鐵板餐加羅宋湯😂search到喺金魚街附近有密密的金魚店 好彩離遠就見到🍞餐包甜餐包係暖暖哋嘅🫕跟餐例湯，我哋兩個都叫咗紅湯係預期港式西餐羅宋湯嘅味道足料，微微酸少少辣，最緊要夠熱👌🏿👌🏿🍖A餐～鐵板牛舌拼肉眼牛扒🍖C餐～鐵板西冷牛扒西冷同肉眼分別唔係真係太大但係勝在都係大大份，份量取勝食港式西餐牛扒，最怕係太多鬆肉粉呢度唔算太嚴重，都真係啖啖肉而且叫五成熟，佢真係俾到五成熟我哋有誠意😂😂牛舌都正常唔太厚，過下口癮👌🏿基本上呢個鐵板餐都抵食 塊扒夠大塊女仔嘅話可以淨係食薯菜唔使加意粉隔籬嗰個加完個意粉之後飽到連甜品都唔使食見人地個甜品好似係經典啫喱加花奶🤤jeng.P.S奶茶控表示呢間奶茶都okay 合格✅

夜晚同朋友去咗太子呢間人氣扒房，全場爆滿，好彩早到唔使等位！餐廳主打平民價鐵板牛扒，免收加一，仲送甜品，性價比超高，難怪咁多人捧場～ 餐湯有紅湯同白湯，紅湯好足料！鐵板西冷牛扒配薯菜 $148西冷叫左七成熟，切開粉嫩唔會好多血水，肉質鬆軟，有牛香但唔算好濃郁，以呢個價錢來講合格有餘。可選黑椒或蒜蓉汁，揀咗黑椒汁，微辣惹味，撈埋鐵板嘅「滋滋」聲好有氣氛！ 薯菜有薯仔、西蘭花同車厘茄。鐵板T骨牛扒配薯菜 $148T骨牛扒同樣七成熟，T骨一邊西冷一邊牛柳，西冷有嚼勁，牛柳部分更嫩滑，一次過試到兩種口感。比西冷大塊，骨邊肉帶少少筋，鍾意咬口嘅人會鍾意。 飲品加$8有紅豆冰，甜度適中。甜品係黑加侖子啫喱。加左淡奶更順滑更好味！