鐘路雞林辣炖雞湯元祖

营业中

休息中

本身walk in 去食，店員同我講如無book 要等一個鐘，叫我出去行陣，佢話有位會打嚟！本身我都諗住食第間，下次先再嚟試。但店員同我講佢哋有用餐限時，所以一個鐘後會有位。咁好啦，我去附近行陣，等咗45分鐘時，我再打上去問係唔係差唔多有位，係的話可以準備行過去，店員個刻同我講話有枱埋緊單，陣間再打俾我。好喇，當我等夠一個鐘嗰陣，佢打嚟同我講要再等多40分鐘!!!!!其實如果你係full booking 其實可以早啲講，嗰係要客人白白咁等一個鐘！ 咁嘅服務，啲嘢食幾好食都無用!!!!!!!

看到ig 廣告而來的星期六的早上WhatsApp訂座 要8點多才有位最後 9點幾先有位😗鍋底只得辣和唔辣 兩種選擇揀左辣炖雞湯 朋友係唔多食辣嘅 本身仲擔心緊會唔會太辣但結果只係小小嘅辣 （個人來説 一D都唔辣）個湯真係好好飲 拍得住韓國嘅「一隻雞」👍🏻韓國食都冇依煲咁多蔥蒜😆雞好滑湯裏面本身就已經有年糕 但係都可以另外再加揀左個刀削麵 同韓國食嘅差唔多 都係好煙韌 會另人食上癮的味道👅·韓式糖餅同超市買到自己加熱嘅無咩分別😂但真係好好味😋

去親韓國都必食嘅燉雞起香港好少有，前排睇影片分享網站介紹銅鑼灣有，一直都好想去食，今日終於有機會～平日晏晝1點幾去到，餐廳有提供lunch set menu，但我哋想成鍋滾滾下咁食就叫咗個韓式雞肉火鍋（2人份）$328店員先為我上前菜～醃蘿蔔甜甜地，唔酸唔太辣，都幾啱個人口味，涼拌大豆芽味道較淡個鍋一上枱見到勁多蒜好正咁，材料除咗雞之外，仲有年糕、薯仔、大蔥，店員建議我哋個鍋滾起後可以先飲湯、食年糕再食雞🐔個湯本身清清地，飲落好香大蒜同雞湯味，好惹味～雞肉好鮮，食落肉質彈牙，薯仔同年糕煲到好淋好入味先食幾正～食到7788其實都飽，但因為個湯太好味，我哋加多個刀削麵$40 嚟食，麵條口感爽彈，一定要加！！

好好食，同小朋友一齊去食有煱可以慢慢食,唔使驚快凍韓國年糕超級好食,小朋友至愛有甜餅乾啊，直情爭住食大朋友可以輕鬆自在食一餐重要洗手間夠大,放心小朋友自己去清潔,員工服務一流上菜極快下次再去

他們的主打菜是香濃爽辣、份量十足的蒜香辣燉雞。只要一進店，你就能聞到濃濃的蒜味，讓人胃口大開！！剛好坐旁邊的是韓國人，看來真的很正宗。這裡的燉雞肉質鮮嫩多汁，完全不會乾巴巴的。薯仔和年糕燉至軟腍入味，與雞肉完美結合。如果你想要享受更為地道的韓式美食體驗，絕對不能錯過他們的韓式綿粥。這款粥綿密滑順，能將雞湯的精華完美展現。除了招牌的蒜香辣燉雞湯，我們還點了一些其他的小吃。薯仔煎餅和韓式糖餅。他們的阿豬媽態度好好，我們說真的好好吃，她很開心並很誠懇地答謝我們選擇來這裡晚餐。如果你是喜歡在韓國吃一只雞料理的，這裡一定能滿足你。鐘路雞林辣炖雞湯元祖 ＠jongrokelimhk1965📍銅鑼灣耀華街3號百樂中心7樓🕰️11:30–22:00🏷️人均 HK250#hkfoodie #hkeat #hkig #hkfood #美食博主 #探店 #香港美食 #銅鑼灣 #鐘路雞林辣炖雞湯元祖

俾錢試過一次就算～叫左2人份辣雞加拉麵～年糕唔入味～配料份量少可加配選擇亦十分有限～雞件斬得過大舊進食唔方便～爐既火唔均勻時大時細～最重要食完都唔飽～絕對無下次

這天，我和媽媽一起到銅鑼灣的鐘路雞林進餐。那裏環境既衛生，裝修也很優雅，服務更是很好！如果你的雞鍋需要加湯，服務員一看到便會過來加湯；如果你口渴點了飲品，不少一分鐘便送到你眼前。所以坐下也會覺得舒服自在！

難得放假，朋友又得閒，就約埋一齊去食飯，係open rice 搵咗好耐，最後見到呢間食韓國嘢嘅餐廳評價好似都唔錯，就book咗.枱黎試吓，一黎到，服務非常之好，waiter 見我哋第一次食，就介紹咗食法俾我吔知，品嚐了韓國炖雞湯，整體而言非常美味!環境乾淨舒適，而且服務態度友善周到。這道炖雞湯香氣撲鼻，湯汁清澈，雞肉軟嫩入味，搭配上一些條狀年糕和香蔥，口感更加豐富。非常推薦給喜歡韓國料理的朋友們一試。!* btw 雞腳有啲辣

一入門口已經聞到好香嘅炖雞味 好吸引嗌咗2人份辣炖雞 啱啱好 食落去唔係好辣 但好惹味 糖餅甜而不膩 有種懷舊嘅感覺～整體而言好推薦大家嚟食 店員服務態度都非常好 好有耐性同細心

上次去百樂中心嘅時候見到呢間舖好多韓國人幫襯，原來係韓國過江龍餐廳，韓國人主理，主打辣炖雞湯，即刻試試先😛—————辣炖雞湯 ( S $328/M $438/L $538 )2-3人可以叫份細嘅，都有一隻雞嫁🤣 辣度冇得揀，初初食落唔算辣但湯越滾越辣，雞都越嚟越入味😌 雞肉軟件上，夠嫩滑～ 湯底充滿蒜蓉超邪惡😈店員建議滾起食咗年糕先，之後食雞件，最後先食薯仔，薯仔同年糕索晒湯軟淋淋真係好正🤤 怕唔夠食嘅可以再加配料，港🐷就加咗芝士年糕 ( $30 )同刀削麵 ( $40 )，麵煮5分鐘就已經熟而且好有咬口！最後點少得芝士炒飯🍚 ( $50 )，微辣嘅湯汁加上紫菜同芝士，唔油膩又惹味😋-泡菜煎餅 ( $70 )外面微焦入面軟熟，微辣唔會好似食緊舊粉咁🤣韓式糖餅 ( $50/2件 )一定要趁熱食！外面煙煙韌韌內裏甜度適中，有陣陣肉桂味，同埋好大塊，一定填飽到第二個胃🤣

見到好多人都推介呢間韓國🇰🇷過江龍餐廳，喺韓國嘅分店由1965 年開業，曾接受不少美食電視節目訪問🎥個個都讚不絕口👍🏻餐廳主打原始燉雞湯風味同辣炖雞湯，我地都去一探究竟。1️⃣ 辣炖雞湯 $328/2人份👱🏼咁鍾意食辣，一定要叫返個招牌菜「辣炖雞湯」，唔好俾佢橙紅色的湯底嚇到，連👱🏼‍♀️唔係好食得辣都handle 到，呢個辣炖雞湯有別於以前韓國食過的清雞湯，上面鋪滿一大堆蒜泥🧄雞係斬件上，再配有大蔥、年糕、薯仔🥔雞件仲好滑，吸收哂湯汁同蔥蒜，非常濃郁入味，而且年糕都好煙韌，如果嫌唔夠喉，仲可以再追加不同配料，我地就加左$30嘅杏鮑菇🍄非常滿足。不過要注意雞湯滾起會彈汁，容易整污糟件衫，記得著餐廳提供嘅圍裙，咁就唔怕彈到啦。2️⃣ 韓式無骨鷄腳 $150好少韓國餐廳有提供呢度菜，估唔到無骨雞腳🐓會咁爽彈有嚼勁，而且仲係啖啖肉，好方便，不過要注意佢比炖雞辣，應該有中辣程度，配返啤酒🍻邊飲邊食就最啱。總的來說，餐廳由韓國人主理，好有地道風味，眼見有唔少韓國人都黎幫襯，而且落單後就會送上泡菜同芽菜，雞湯亦有得按人數比例咁叫，非常貼心，值得一試。#foodie_couple_hk_sm816

1965 年開業的鐘路雞林辣炖雞湯元祖，餐廳在韓國有 35 間分店，這家炖雞湯曾在韓國不少美食電視節目中亮相，就連韓國廚神、《姜食堂》及《白Packer》 等美食節目主持白種元也讚不絕口。而家終於登陸香港啦，令人驚喜的豐富午餐，食雞肉飲雞湯可以咁有層次，雞肉仲一啲都唔鞋。好正既一隻雞， 值得再嚟

雞湯好有鮮味．雞肉亦好嫩滑，好入味。o(*////▽////*)q雖然我同啲friend子唔係好食得辣，但都接受到😋😋一入到餐廳已經聞到好香雞湯味 yummy!!!!

呢間餐廳係韓國由1965 年開業🇰🇷連美食節目主持白鐘元都讚不絕口👍🏼今次係香港設立首間分店，直送原始炖雞湯風味🍲✨附上自家醃漬蘿蔔泡菜、芽菜💗韓式鷄肉火鍋 ($328/ S)選用原隻本地鮮白雞，加入大量蒜蓉同其他香料炖成雞湯🐓湯底清澈見底，有濃濃雞肉鮮味同蒜味，無論雞髀同雞胸肉都非常嫩滑，再蘸上韓式醬油、韓式辣粉、蒜蓉調配嘅醬汁更顯惹味🧄鍋內仲有薯仔、大葱同韓國年糕，索盡雞湯精華🥔💗韓式無骨鷄腳 ($150)無骨鳳爪爽彈有嚼勁，啖啖肉夠哂方便，以韓式香辣醬料醃漬，仲有炭香味，越食越辣越過癮🌶💗韓式糖餅 ($50/ 2pc)糖餡餅煎烤得外表香脆煙韌，帶麵包口感，內餡係流心黑糖漿，滲出淡淡肉桂香，甜而不膩🍯

Manu 少選擇，辣雞煲味道唔錯，雞幾滑，不過切得太大舊，嘴細既人比較難入口，抽氣麻麻，大煙，其他整他都ok,食完個然煲最後配炒飯或者粥，炒飯ok,係份量少左少少。