鐘路雞林辣炖雞湯元祖

【暴雨夜探店·韩国一只鸡食评】暴雨夜专登嚟试呢间韩式小店，暖黄灯光加热辣辣食物，瞬间驱散坏天气嘅闷气！以下分类细评：🍗 主菜：韩国一只鸡传统韩式做法，原只春鸡以清汤炖煮，鸡肉极嫩滑，几乎离骨！汤底清澈鲜甜，带淡淡人参同红枣香气，饮落好舒服。食完鸡后可以加汤变火锅，吸收精华后更暖身。🌹 玫瑰酱年糕全晚最大惊喜！年糕烟韧有嚼劲，玫瑰酱香甜微辣，带淡淡奶香，味道层次丰富到忍唔住用嚟点所有嘢——蘸炸鸡、拌煎饼甚至捞饭都超夹！酱汁控必点。🍗 炸鸡（皮下酒小菜）韩式炸鸡粉浆薄脆，肉汁锁得好好，点埋Cass啤酒真系一流配搭。不过略嫌调味偏甜，如果多个辣酱版本选择更好。🍺 Cass啤酒冰凉清爽，气泡细密，完美中和炸物同浓味菜式嘅油腻感，系韩餐不可或缺嘅配搭。🥞 杂锦煎饼煎饼拼盘有韭菜、泡菜、薯仔三款，煎得香口唔油腻。最特别系薯仔煎饼，口感软糯带焦香，点埋玫瑰酱意外地夹！泡菜煎饼酸辣开胃，韭菜版本就香气十足。总结：暴雨夜中嘅温暖慰藉！一只鸡汤底清甜，玫瑰酱年糕惊艳到可以单点酱汁，煎饼同炸鸡都系稳阵之选。会为咗玫瑰酱同鸡汤再嚟！…查看更多

未试过食一间韩国野食到咁差味道差、份量少、价钱贵由小菜开始，得水浸嘅芽菜同苦到爆嘅萝卜，连基本嘅泡菜都冇仲要收$30一细碟，难食到傻。叫咗招牌炖辣鸡汤 $368成个汤得蒜头味，大约十旧鸡 (两只鸡翼)，几粒年糕，大量葱蒜，根本完全食唔到蒜头外嘅味。啲鸡少肉，又冇味。之后用$50加咗个炒饭，正常食法系喺个汤度炒埋，但系呢度就系攞入厨房用好难食嘅甜辣酱炒出嚟。见到隔篱枱叫咗碟炒章鱼，成只碟大约一只手掌大细~20cm，仲有一半系芽菜，收$130。啲炸鸡就好似萎缩咁，乳鸽都大只过佢。食完个鸡锅加炒饭都好肚饿，但系真系叫唔落手。一支韩国嘅Terra啤酒，饮开酒嘅都知韩国啤酒有几平，500 mL佢竟然够胆死卖$62一支，呢个价钱，又喺出面日本或者韩国餐厅嗌过啤酒饮嘅都知有几离谱。总括而言，价钱，味道，食物种类，系食过前所未有咁差。好真心咁样真系唔建议任何人去食。…查看更多

嗌咗个招牌辣炖鸡汤，啲鸡都OK，但食到中间已经好咸，加多个拉面食咗一半都冇已经食唔到嗌咗个紫菜粉丝卷，味道都OK 跟住再嗌咗个炸鸡， total有六至八件，每人食咗一件已经食唔到落去，啲鸡超级咸，个味同KFC好似总括而言，以后唔会…查看更多

由韩国开过嚟嘅「钟路鸡林辣炖鸡汤元祖」，主打韩式鸡肉火锅同辣炖鸡汤，今次我拣咗唔辣嘅版本，试下最原味嘅风味，鸡汤同鸡肉都好有惊喜！🔥 必试推介
✔ 韩式鸡肉火锅（细）$368
适合2-3人，汤底清澈鲜甜，用上半只鸡，堆满蒜蓉同大葱，香气十足！鸡汤一饮落去好浓郁又唔油腻，饮完令人怀念韩国🇰🇷～配料有年糕、土豆等，鸡肉嫩滑到爆，即使煮耐咗都保持滑嫩，超惊喜。✔ 泡菜煎饼 $70
贴心地分细细块，每块都煎得脆卜卜，唔会油淋淋，泡菜香味突出，越食越开胃～💡 总结
想食韩式鸡火锅唔一定要重辣，原味版都一样有惊喜！汤底香浓，鸡肉滑嫩，环境舒服，几啱三五知己坐低慢慢叹～…查看更多

韩国过江龙炖鸡汤！餐厅韩式设计 冇得去韩国嚟呢度度过吓口瘾都唔错～不过觉得冷气太冻🤣🤣辣炖鸡汤 Spicy Chicken Stew $368鸡汤略嫌味精太重 食完好颈渴不过鸡好滑 蒜味重 年糕煲腍咗之后好好食！蟹籽紫菜饭团 Rice Balls with Flying Fish Row $50好有惊喜！呢个绝对系我喺香港食过最好食嘅手抓饭白饭配上麻油、腌萝卜碎、紫菜碎、蟹籽加分位系蟹籽好脆口大粒 每一啖都卜卜脆🙂‍↕️🙂‍↕️…查看更多