鍾記粉麵店

最近見到網上有人推介鍾記粉麵店，決定親身去試下。未行到門口已經聞到陣陣冬菇香，真係令人期待！我叫咗兩碗車仔麵，一碗係米粉底配五香牛腩同牛筋，另一碗就揀咗蘿白底，加咗招牌冬菇、咖喱魷魚同鹵水大腸。值得一讚係佢可以轉菜底，我揀咗蘿白底，份量多到嚇親，粗俗數過有七至八舊！冬菇真係必叫，彈牙又入味；牛腩唔鞋，食落幾有口感；牛筋就有少少漂白水味，略為扣分。至於魷魚雖然有咬口，但味道偏淡；大腸就中規中矩，唔算突出。整體味道還好，價錢合理，但就未至於令人驚喜。…查看更多

好耐冇食過車仔麵，今日行過天后見到呢間啲餸好似幾特別，所以就決定試一試💪🏻一共揀咗四個餸，有水餃，豬紅，雞腸同埋火鴨絲。除咗豬紅之外，基本上其他三款都係出邊好少見嘅。🐖我覺得一間車仔麵好唔好食，試佢個豬紅就知道。有啲地方啲豬紅好結實，而且一啲都唔入味。但係呢間啲豬紅煮得好遠同埋好入味，而且唔會散開晒碎。非常良好。🥟另外水餃都非常出色，佢標榜係自家製嘅。雖然唔係話好大隻，但係都肉眼可見的足料。好似好少地方有雲吞水餃可以加到入車仔麵。🐥雞腸就不過不失啦，洗得好乾淨一啲怪味都冇。而家真係好少地方可以食到雞腸架🪿最後到火鴨絲，啖啖肉得來好香。而且份量好足，食到最後都仲有火鴨絲係個底度。大推！…查看更多

這桌美食，簡直是「牛」氣沖天！🐂先來說說那碗**雲吞牛腩紅薯粉**，這可是豪華版的「滑溜溜」套餐。雲吞皮薄餡多，像是小小的美食抱枕，一口咬下，內餡瞬間在嘴裡爆開，幸福感直接飆升！牛腩則是燉到軟嫩，滿滿的膠質彈牙又入味，搭配紅薯粉，一口滑溜溜，根本停不下來。湯底濃郁香醇，像是熬了幾百年的精華，喝一口，整個人都被牛腩汁擁抱了！再來看看**鴨胸牛腩米粉**，這組合真是「硬核」又溫柔。鴨胸肉質細膩，瘦而不柴，肥而不膩，每一片都像藝術品一樣地擺在碗中，光看就覺得高級！牛腩還是熟悉的那股濃郁，咬下去，肉汁直衝味蕾！至於米粉，這傢伙像是吸收了湯底的靈魂，每一口都超有味，每一條都滑順入喉，完全沒有糾結。最後，別忘了那瓶**豆漿**，這是一切美食的「化解之神」。吃得太濃太重？來一口豆漿，瞬間清爽。吃得太滿太膩？來一口豆漿，讓你的胃瞬間舒展。這瓶豆漿的角色，就像是負責收尾的「壓軸選手」，給整頓飯一個完美的ending！總結一句：這頓飯，牛腩汁是靈魂，麵條是載體，肉類是點睛之筆，豆漿是最後的回味，吃完只想說——還有第二輪嗎？😆…查看更多

勁難食，叫咗個大雜燴，蘿蔔個心絲凍的，滷水雞翼似沒有醃製過白灼雞翼，魚蛋不是彈牙是粉狀的，湯底和個右面都完全沒有味道已叫腩汁湯底，瘦肉完全感覺到乾冇肉汁，從來未食過咁難食嘅車仔麵，…查看更多

午餐食太飽，晚餐簡簡單單食碗車仔麵就算🙈配料選擇都幾多，價錢唔算好實惠，不過比起同區其他食肆已經係平價之選😆✴️魚蛋 牛柏業 牛筋 雲呑 配 芽菜底✴️湯底係普通清湯，唔係好重味，面頭有一少pat 牛腩汁(?)，都係無味的😆牛筋幾腍口，充滿膠質，一碗大根有5,6嚿，我幾鍾意🤎牛柏業好大塊，本身仲驚會好難咬，點知一咬就斷開，好正☺️魚蛋就普普通通白魚蛋，無咩特別～最後就係店家自製雲呑，有2粒，肉感較重蝦肉唔明顯～…查看更多

實在太鍾意食車仔麵，因為可以食到好多唔同嘅餸。成日周圍試，今日去咗天后一於試吓鍾記。樓面裝修簡單，座位唔算多，老闆娘熱情介紹有咩好食。餸嘅選擇都算多，基本車仔麵嘅餸都有，但有一個餸深深吸引咗我，就係雞腸，本身雞腸都無乜地方有得食，仲要係車仔麵店。今日叫咗雞腸，豬紅，水餃，麻辣爽肚，麻辣雞絲。雞腸好食，好多人都叫，水餃有驚喜，好鮮味。其實餸都出色。位於天后電器道65號舖地舖港鐵天后站A2出口，步行約2分鐘…查看更多

有啲車仔麵舖嗌肉類會收多幾蚊，但係鍾記唔會。就咁叫兩餸絕對係窮人恩物，餸嘅數量都唔會姑寒，好過食譚仔😅 要去康怡Aeon買野而又諗唔到食咩，想慳慳地我就會揀佢! 辭左職唔再喺呢區返工，唯有假日黎幫襯😊佢啲汁有4種，最鍾意腩汁+麻辣/咖哩，覺得唔夠可以叫呀姐比多啲，佢地都好好人嘅😊比較特別嘅係可以揀粉絲，浸耐左都唔會淋哂糊哂咁，仲係好爽口👍🏻 仲可以揀菜底，不過都係得生菜，N年前好似有通菜可以揀🥺餸方面，個人鍾意麻辣雞絲牛腩,齋,魚肉春卷,蘿蔔。當然其他野都唔差啦，蘿蔔大舊有少許湯味，牛腩唔姑寒，雞絲冇乜麻辣味但係量算多。唯一缺點就係唔岩啲鍾意乾淨清新嘅港女，呢間係街坊唔算乾淨嘅舖頭🤭 lunch time叫啲港女同事食可能會一臉嫌棄🤭 武肺其間裝修過但係睇唔出有咩分別，都係好暗好有歷史🤣…查看更多

車仔面給我的感覺是很有人情味，坐在凳仔上，一碗熱氣騰騰的面，揀自己喜歡的送菜，老板娘熱情地招呼客人。很想找回這種感覺，走入車仔面店，叫了碗面，揀左三樣送，紫菜，魚腐和羅蔔，要粗面。一食之下，完全不是哪回事。:(首先是麵的問題，沒有一點麵的香味，味如嚼蠟，揀錯了。幸好三樣送還算正常，但很奇怪現在的麵會變成這樣，是我落後了，孤陋寡聞，還是現在的食物質素普遍下降了。價錢也不便宜，三送麵＄41一碗，真是不值。…查看更多

10多年前仲係學生時期，一星期總有一、兩餐「鍾記」🍴 雖然說不上世界級好食，但哩度車仔麵湯底總係有一股特別嘅香氣，每次食完依舊殘留身上🥴《 豬手豬紅冬菇紅薯粉 🍲 》 $ 44 4 / 5「鍾記」嘅湯底調味獨特，好似熬左好耐好濃郁🤤 就算冇加腩汁嘅清湯依舊濃味，口味清淡嘅人士未必鍾意🥴 兩餸$32起，每個餸出手都重，豬紅都有至少8粒，相當實惠👍🏻特別鍾意佢哋秘製冬菇，厚肉得黎好入味又爽口😋 豬手肉亦好彈牙；腩肉肥瘦各半，富油脂香，其餘好多配料都出色👍🏻今次再訪，雖然換咗新裝修，比以前企理，但驚訝係價錢對比十多年前都無點加😍 味道依舊、份量依舊、情懷依舊，變嘅反而係食緊車仔麵嘅自己，過去嘅時光真係令人懷緬😌…查看更多

舊名字，新老闆。舖名一樣，但係味道走樣。店舖舊時我個人應為佢真係一般般，有時都會幫襯吓，未到好好味一定要試。不過，開返之後試過一次就真係完全放棄。就算我唔係咩食家，一食就知道有問題。（麵搞唔掂，餸就見仁見智）…查看更多

天后車仔麵小店叫咗兩餸米粉，雲吞+ 白魚旦白魚旦值得一讚，唔似出面溝好多粉嘅魚旦，食得出手打，冇點溝粉，有誠意👍🏼👍🏼雲吞也新鮮🥰🥰午餐食一碗冇飲嘢都好飽，份量合適！三十幾蚊喺天后算幾抵食，值得支持！…查看更多

今日路過天后；想食少少野；所以選擇左呢間車仔麵！（其實幾年前食過；味道尚可！）我們叫了兩碗車仔麵.... 個人認為車仔麵要做得好；面底同湯底係最為緊要☹️但呢間野兩樣都做吾到囉⋯⋯我叫了幼麵；真係估吾到個麵底可以咁難食！我朋友叫了個油麵；同樣難食到一個點... D麵淋到食吾落口！以後一定不會再光顧😌…查看更多

身為一個要瘋狂ot又貧窮ge audit狗，加班日子當然要揾d平靚正的晚餐，車仔麵就完全match曬我ge budget呢間車仔麵本身已經系公司附近開左好多年，但一直都未試過，所以今次就去試一試湯底有4種選擇，分別系牛腩汁、麻辣汁、咖哩汁同香辣汁，因為最近唔可以食辣所以我叫左牛腩汁湯底，兩餸要左滷水大腸+ 魚皮餃，面底要左油面其中滷水大腸最令我驚艷，滷水好入味，而且分量都唔少，但魚皮餃就得兩舊，稍嫌偏少呢間聽聞最出名系湯底好正，但今次試左牛腩汁，覺得味道偏淡，令碗車仔麵失色左唔少，不過以性價比黎講系贏左的，而且油面分量都唔少下下次應該再會試下香辣汁…查看更多

之前食咗好多年，見到佢哋之前關了門，好失望！一心見到佢哋重開，抱着興奮心情即去，見到舊師傅喺度，味道應該依舊不變，但碗麵嚟到之後，啲餸菜味道依舊，但係個湯底淡而無味，原來新老細要轉豬骨雞湯底，但係冇雞味冇豬骨味，正確嚟講係淡而無味，咁啱隔離枱個姐姐都話點解冇味。用返之前個車仔麵湯底咪好囉。如果唔𨍭返，應該都唔會再幫襯😢 …查看更多

食過不只一次的車仔麵, 不同種類的食材也做得很出色, 最愛是雞翼尖 牛筋 轉 伊麵 + 咖喱汁！ 係以前車仔檔的風味, 同文記有得揮但價錢實惠! 員工也很有人情味!推介支持小店 ! !!字數不夠評分我要形容多小小， 我鐘意後加是拉差辣醬, 同甜醬, 係以前落街車仔麵小販我都會咁, 同埋我會坐喺最近門口果張台, 一邊睇住路入行來行去, 一邊食, 連埋杯豆醬都很不錯... 仲未夠字數, 我又再講多小小, 呢度員工都會好有心地同你打招呼,好了, 終於夠字數了…查看更多