錦尚甜 (柴灣道)

营业中

休息中

等候時間極耐(15分鐘)，已比錢無辦法，水果唔新鮮，有酸臭味，環境衞生又差，門口地下有垃圾水，多甴曱又超臭，我買外賣錢都畀曬，反而後來行入嚟堂食啲人幾枱人嘢食都到曬，以後都唔會幫襯！！！

難得朋友聚餐，所以食完飯，緊係要食點甜品啦我們4個人，剛好店裡無枱，服務員就在外面開了張枱給我們座，反正我們吸🚬人仕，所以可以開到枱在外面，更加好啦😂😂😂鮮果什盤，榴槤甘撈，兩個鮮奶燉蛋白（熱）鮮果什盤，生果種類都多，都夠新鮮榴槤甘撈都算ok啦，啲榴槤唔夠嗅😅😅😅，可能唔岩時候呱😁😁😁這區來說，西式甜品，這間也算是首選😜😜😜鮮奶燉蛋白也不是太甜，都夠滑的大至上都不算差，也不是超正😬😬😬

有日晚上去開柴灣，正準備走嘅時候，經過一間客人多到要不停開枱坐喺路邊嘅甜品店，咁旺，唔係唔試吓下話？！平時去「乜記」、「物記」就食得多，呢間錦尚甜就真係第一次，甜品價錢同大路甜品店差唔多，大約二十幾三十蚊，我今晚就貪心啲，想一次過試幾款芒果甜品，就叫咗「芒之世界」 ($43)～呢款包括咗三樣嘢，有芒果布甸、芒果小丸子 (我唔食小丸子，店員畀我轉做西米) 同芒果糯米糍，款式多就多，不過size就比我想像中細，可能我真係想太多了🤦🏻‍♀️味道方面，最重要一點，芒果係甜嘅！質素中規中矩，未去到驚艷，但都好食！

位於柴灣區最當旺的街口位，每次在附近睇午夜場，總會黎呢間糖水舖。雪耳冰糖燉木瓜、紅蓮冰糖燉雪蛤呢類滋補養顏系列竟然只需二三十蚊，足足平九龍區大部分糖水鋪接近4成。男朋友喜歡食紫米露，有淡淡的紫米香，紫米硬度適中，不過紫米份量不多，而且甜度過過過高，直接影響口感。我就點左原隻木瓜雪蛤，尋日先在太子區食要$70，呢度只需35個大洋👍🏼👍🏼👍🏼椰汁木瓜雪蛤，雪蛤分量，木瓜稍稍過熟，表皮有少少爛，但不太影響口感。建議甜度可高少少。

夜咗返屋企，返屋企之前心思思想食嘢添柴灣友越夜越熱鬧，大街小巷都有唔少人食嘢，去咗錦尚甜醫肚本來想叫窩夫，但製作需時，想快啲食完返屋企，都係叫甜品食鮮雜果雙汁小圓子涼粉 $40汁底有椰汁同芒果配上西米露，小圓子同涼粉， 一份甜品同時mix咁多材料，仲要併埋雜果，一個人食哂佢真喺豐富到極除咗西瓜同蜜瓜唔夠甜，其他也ok味道跟水果算是合格，下次一於嚟食窩夫

夜晚10幾點有啲肚餓，行返屋企之前就外賣左碗香芋紫米露，加小丸子，舖頭入面好多學生，等左10 分鐘先有，小丸子煙煙叨叨幾好食，紫米都好香，唔會太甜，但有啲酸味，唔知係咪落左啲 yogurt 🙈

喺柴灣食糖水 最愛就喺食呢間雖然舖面不大 座位不多 但勝在糖品夠料 有凍有熱 足料糖水 木瓜新鮮 雪蛤質感不錯 夠份量 好清甜 揀左熱既 熱度稍為遜色 微溫 如可稍為加熱啲就更好～又喺新鮮同足料糖水 好清新&甜～

吃完午餐後在轉角見到間甜品店, 心思思想食, 看了門口的餐牌有生磨芝麻糊, 好吸引, 價錢又不算貴, 就入去食返碗, 4個人叫了一碗生磨芝麻糊, 一碗生磨合桃糊, 諗住試試先唔夠再叫, 怎知原來份量也不少, 而且很幼滑, 之後再繼續看餐牌, 又叫了個椰皇燉蛋白, 嘩, 印象中未試過咁香濃的椰皇燉蛋白, 很有驚喜, 實在值得推介～埋單$80有找, 店舖不算大, 但坐得舒服, 在下午一點已開門的甜品店不多, 入去時只有我們一枱客, 但之後也不斷有疑似街坊客, 亦有小朋友來買甜品外賣～

甜品對女人來說是另外一個胃, 晚飯過後無聊有多夜, 絕對要嚐一份甜品才回家柴灣錦尚甜店鋪不算大, 但對於小店來說, 種類款式多, 中西式花款甜品都有, 價錢亦親民, 屬街坊價由於天氣還是寒冷, 還是選了一款滋潤甜品 - 香芋紫米露(熱)回家慢慢品嚐..深紫色的紫米露滿淡淡椰香味, 紫米就是黑糯米, 還有麥米, 軟糯適口, 非常有口感, 甜度適中, 份量不算大碗但食完後就有飽肚的感覺, 紫米具有很高的營養價值, 還可以補血, 絕對是女生恩物

農曆年假最後一日，食完飯去食個糖水，今次黎到柴灣嘅錦尚甜。舖頭唔大，所以好多時都要坐出街，今日黎到都唔例外。係就係大塵啲，不過都okay嘅，又唔會坐好耐。餐牌甜品唔算貴，仲好多選擇添！諗左陣就點左3樣嘢，等左唔夠5分鐘就有得食芒果布甸西米露布甸幾滑，但芒果味唔算重芝麻糊豆腐花芝麻鮮奶蛋白芝麻糊加左喺燉蛋白上面，2樣加埋都唔會太甜，不過食完成個會有啲滯。因為新年，所以今次黎食要加一。有機會再黎試下其他糖水。

柴灣都有幾間食甜品舖, 有中式, 有港式, 亦有同連鎖店以芒果為主的這間錦尚甜其實這家店係港區島總共有3間分店.不過我係第一次食是日食完晚飯經過, 在店外看過MENU覺得價錢唔貴, 所以就試下啦我地兩個人叫了一個甜品share,這款係撈野系列"錦尚至尊"一講撈野系列,我就想起大型連鎖店"許XX", 當年真係好流行.但該店既價錢愈來愈貴, 都已經好幾年無食喇.見到這款"錦尚至尊"撈野只需要$40 配芒果汁一於就試下啦.大約等了5分鐘左右就送上了生果大約有5款, 仲有紅豆, 白玉, 爆珠, 以及Jelly, 底是芒果味的綿綿冰看似好豐富, 但其實綿綿冰份量唔算好多, 芒果都切得好細一片.好彩生果都新鮮的, 白玉就比較粉口, 唔算太煙韌, 紅豆煮到起沙不錯, 但可以雪凍少少會令到這款凍雪糕更加好味.芒果汁綿綿冰幾好味, 不過容易溶化, 要快快吃完.不然就變了一灘芒果汁價錢黎講就"許XX"平好多, 要求不高的話是值得一試.回憶一下以前既味道

今日好熱好熱，忍唔住走入去食碗芒果撈野。店舖的姨姨好好人，又好傾又有禮貌。坐左唔夠十分鐘已經有嘢食芒果好甜，其他生果仲有奇異果士多啤梨火龍果西瓜哈蜜瓜都好新鮮。下次一定要再幫襯！

平時最愛吃這店的椰香燉奶但今天想試新款式要不滯又要健康只好選鮮果拼盤六種水果 賣相相當精美好甜 只係略嫌唔夠凍一個人食一個都幾飽但如果想減肥又要吸收維他命就非這莫屬

最近朋友經常黎搵我, 間唔中會帶佢去呢度食.最新出既窩夫好好食, 有4種味道e.g 芒果,士多啤利....窩夫係即叫即整, 要一D時間, 不過整完出黎都幾脆口.加埋D汁(例如叫芒果味), 同埋佢地既椰汁雪球, 一齊食就好正.仲有心太軟都好好食. 價錢係接受範圍內, 二,三十蚊左右就搞點.亦都係即叫即整, 要8分鐘左右, 有D甜, 但我個人就覺得okay,裡面既朱古力溶, 我食左幾次, 都唔會乾.黎開柴灣既朋友可以去試下架.

再次來到柴灣會朋友，飯後食個糖水，於是就同佢黎左呢間食  點左個開心撈（椰子味），開始唔知係咩黎，以為係生果撈椰汁冰，原來唔係，個底原來全部係椰汁雪糕👍 老闆介紹係全部自家製造，冇防腐！食落去果然同其他糖水舖，食既口感唔同，味道夠濃，夠鮮味，生果睇色澤就已經好滿足 值得期待，值得推介👍