錦壽築地 (已結業)

1️⃣三文魚海膽卷價錢：$85三文魚勁新鮮，食落口好鮮味🤤加上海膽係勁鮮甜！完全唔似其他壽司店既海膽會苦既！所以係勁好味架👍🏻👍🏻2️⃣牛油果🥑軟殼蟹卷價錢：$65本身鐘意食牛油果同軟殼蟹見到呢款壽司係必點架😍牛油果好滑好香🤤軟殼蟹又脆又多肉！配埋沙律醬同蟹子食，一流呀🤩3️⃣火灸京蔥鵝肝壽司價錢：$76小編好少食鵝肝，因為太貴而且好難搵到好好味既鵝肝，點知呢度既鵝肝壽司非常有驚喜！入口即融既鵝肝，好滑好香，完全係齒頰留香！好想再食多幾件呀🤤🤤🤤4️⃣特長三文魚🍣壽司價錢：$38我係超級三文魚愛好者！食親壽司必點三文魚！呢款簡直係我大愛😍佢係19吋長既三文魚！睇相就知佢有幾長！！三文魚依舊都係好新鮮，完全係必食！！👍🏻5️⃣魚生沙律價錢：$82呢碗沙律勁大碗！完全無諗過會有咁多！上面有勁多既蟹子，三文魚粒，吞拿魚粒，油甘魚粒，下面就有沙律🥗菜，配埋芝麻醬一齊食，好香好鮮甜！正呀🤤🤤6️⃣羊架價錢：$55羊架燒得好香，食落去勁淋勁入味！唔會太騷而且有好香既羊味，必點呀🤩🤩🤩

錦壽築地Oishi Sushi 可能大家都未必聽過, 但係講到超級無敵獎門人- 辣辣壽司遊戲邊個食 (關於所整既壽司我諗大家都記得)而錦壽就正正係超級無敵獎門人, 辣辣壽司遊戲中的主廚 - 錦師傅所創的「錦壽築地」餐廳位於佐敦德興街18號德成軒一樓全層離港鐵佐敦站 B1 出口, 步行約2分鐘，樓底夠高，而且透光設計, 使陽光透光更光猛，坐落很舒服。角切魚生丼 - $108角切魚生丼鋪滿了一層厚厚的天婦羅脆脆, 天婦羅脆脆入口鬆脆, 而且撥開脆脆後, 可看到不少角切魚生(我諗都不下數10種魚生), 食落口感豐富, 非常抵食餃子雞翼  - $58 餃子雞翼去骨而塞滿了釀滿了脹卜卜雞肉，咬開時香脆可口, 而且肉汁更不斷流出來, 口感一流鯖花魚 - $68鯖花魚經過燒後, 食落香脆, 而魚肉又不會因燒過而變得實, 而食落含入口感到豐厚油脂, 肉質嫩滑鐵板牛舌 ($78)鐵板牛舌爽口彈牙，亦不會太韌，配合埋佢既秘製汁更一流

今日朋友請食飯，來咗佐敦試下哩間錦壽築地！睇介紹先知係辣辣壽司掌門人個師傅，都有十幾年歷史！入來坐之後，環境幾好，有d私房菜feel，叫咗幾款刺身和壽司，還有即日由日本送過來的飛機貨，非常新鮮可口，係出邊好少機會可以試到⋯⋯拖羅刺身肥美多汁，入口即融，忍不住要加單⋯⋯哈！服務態度都幾好，仲及時幫我們加茶水換碟，十分周到體貼。見到隔離檯有小朋友，仲有小玩具玩，真的是很溫馨的氣氛見到海報話哩度仲有特色生日壽司蛋糕，下次生日都可以過來試試先！

一出電梯便看到大大個標誌，還有創辦人與不少藝人的合照。原來創辦人是當年超級無敵掌門人中「辣辣壽司邊個食」遊戲中的壽司師傅。裝潢簡潔，空間感大，座位也舒適。下單只需寫在點菜紙上，再交給服務便可。角切魚生丼 ($108)這裡的角切魚生丼很特別，丼飯上鋪滿了香脆的天婦羅脆漿。撥開了可見到有三、四款魚生，而且魚生經已作出調味；飯入面還有腐皮絲。酥脆的天婦羅脆漿的脆、腐皮絲的甜、魚生的軟， 三者互相配合，帶出超級豐富的口感。餃子雞翼 ($58)雞翼胖胖的很飽滿，一口咬下去餃子的汁會流出來，吃的時候要小心一點。雞翼香脆可口，肉嫩汁多，惹味香口，口感一流!鐵板牛舌 ($78)熱呼呼的鐵盤上放滿了牛舌，當淋上日式醬汁時，香氣四溢，滋滋作響的聲音更令人食指大動。牛舌爽口彈牙，一點都不韌，十分美味。鯖花魚 ($68)外皮呈現微微的金黃色，肉質軟嫩，油脂豐厚，味道不錯。服務員態度好又有禮貌，而且食物有水準，有機會的話會再光顧。

黎開佐敦，諗住嚟食吓日本野就去試下，點知。。。。唉。。。。好失望一開始去到間野樓下，招呼嗰個人好好奇咁問我點解會搵到呢間野，第幾次黎，其實已經覺得好奇怪。。。入到去，諗住開開心心食餐飯。叫咗個壽司拼盤，黎到個賣相好似好靚咁，一食落口，刺身真係唔好食，啲壽司飯偏向凍同硬。我第一次叫壽司拼盤會食唔晒。我哋另外帶咗啲串燒，等左成30分鐘先有，偏向乾。我地兩個人比$600，真係失望。。。公平地講一句，呢間鋪頭嘅服務態度係好好嘅。

就友人們放工揀嘅地方，唔熟路都唔係太難搵。芒果蟹籽沙律(大)：芒果唔酸，啲菜同蟹籽都好爽，仲有少少蟹肉味。三文魚海膽卷：侍應話本身果隻海膽無貨，要+$38，友人想食，我唔識食。羊架：有啲筋位韌咗少少，大部份都OK，唔羶。餃子雞翼：友人想食，我試咗少少，嘩！好香！好味！不過鹹味重咗啲啲。唔記得係豬軟骨定豚肉炒飯：好味！尾聲去洗手間嘅時候到師傅整緊魚生蛋糕，唔知係唔係要訂架呢!?全晚唯一嘅不足係點咗幾個飲品，其中一個杯有啲疑似唇膏印，即刻換過一杯。最後要提一提，經 openrice 訂枱有九拆呀！

今日同朋友們突然有即興飯局 , 於是去了佐敦搵食 ，大家都沒有特別提議 ，就上OpenRice睇吓那裡有訂座優惠 ，只可惜這間餐廳不能即日用訂座優惠 ，好在餐廳質素不錯。每台之間的空間算闊落  ，所以是傾談好地方。這個是推介，聞說這家餐廳最出名就是壽司及刺身，這是由超級無敵獎門人-辣辣壽司遊戲中的主廚 - 錦師傅所創的 ；食物新鮮 賣相精美  打卡首選；大件夾抵食  洋蔥很鮮甜  豬扒炸得剛剛好不會過火佐酒一流    炸得好脆  加上椒鹽粉非常惹味這個不過不失  蝦很脆  飯伴紫菜很好味 但是份量很少而且餡不夠多份量看似很少  但是三個人食就剛剛好  ，青瓜很翠綠  ，而且蟹子適中,不太多不太少  ,不錯的就是沙律醬分開上的，那就可以按照各人喜好而決定分量這個是推介,  因為很像fusion  菜  ，有一點川菜燒烤的影子,但是這個是不辣的配上大量的蒜蓉及葱把本來沒有什麼味的茄子變得惹味起來整體來說這家餐廳的環境服務食物質素不錯還有一個吧位可以看着師傅切魚生也是一種娛樂，是朋友知己把酒傾談的好地方

今日參加左親子壽司班，大家一齊整咗鰻魚手卷、蟹子軍艦、玉子小卷、芝麻反卷、吞拿魚飯團。錦師傅、平師傅好有心機同埋耐性教大家，有得玩又有得食，大人細路都好開心！原來壽司都唔容易整㗎喎

經過佐敦今日想食日本壽司，想試下新餐廳!睇左幾間搵食評不錯決定試試!不過5點食左雪糕，其他7點都未消化晒所以唔係點左好多食物!餐廳職員每位服務態度都好好，值得一讚!不過，訂左枱以為安排個好少少的位置，怎料是偏小的路口位，坐得有點辛苦!今日點左什錦魚生沙律、炸軟殼蟹同4件壽司!沙律的菜份量幾多，個魚生唔多而且切得好細粒!軟殼蟹份量偏少，不過味道不錯!壽司味道較為普通，唔值這些價錢!是日打咭有甜品送，睇賣相真係估間到咩黎，食左幾啖都唔知，直到底部見到疑似紅棗先知可能係紅棗果凍/啫喱之類!埋單294，總括而言，如果唔係食左雪糕，呢個份量應該唔飽!味道老係普通質素，應該無下次!

今日同班同事去試試新口味，平時都好少約埋一齊食日本野，但係今次心血來潮好想試食呢間餐廳🤗好啦首先入到來見到座位都幾好坐，個餐牌上既野食都好吸引，因為大家都太肚餓既關係所以一開始已經叫左好多野食。諗住日本餐都係細細份，點知呢間餐廳既野食份量出乎意料都幾大份👍🏻性價比高，價錢適中又食得飽😋壽司同燒物都做得好出色，好好味建議如果細食既朋友每樣都叫住一啲試左先，因為都真係幾大份整體黎講質素不錯👍🏻值得推介，下次會再幫襯的

每逢路經佐敦，我都會在這裏吃午餐，因為平、快、靚、正，四個字形容曬，你想吃湯麵有湯麵，想吃壽司魚生，這裏樣樣齊。最開心係午市套餐都會包飲品，兼且唔加一 ，這個時勢，你想點啊?直頭係冇得彈啦。

I came here for dinner- we had some sushi rolls, udon, and a salad. The portions were generous and the sushi was very tasty (not hard and frozen). The server and waiting staff were polite, courteous, and very amicable. They advised us on the order of service and gave us their personal recommendations.One minor area to improve is your door staff downstairs- she asked me if I was a delivery man! (I was with my girlfriend) 🤷🏻‍♂️

餐廳的出品要always 保持高水準，不論食物質素、服務質素都從不令人失望，不是容易的事。這間日本餐廳，我間中都來幫襯一下，而每次都令人有驚喜，也有質素保證，所以我決定列它為我的飯堂之一。我今天與家人一起來。我們先嘗生魚片。拖羅真的非常新鮮、三文魚腩也十分肥美。新鮮的生蠔更是令人回味。贊！我們還吃了軟殼蟹天婦羅，這是我印象中吃過最大的軟殼蟹。不少得吃的是我很喜愛的火炙右口魚壽司。我的家人也贊不絕口，很開心今天過了一個既開心又美味的晚上。

先唔講食物，淨係打去訂枱已經好深刻印象，職員好有禮貌，唔會機關槍式對答，只係訂枱嘅過程感覺已經良好上到餐廳，裝潢幾好，餐廳幾大，我覺得枱都闊落，去洗手間個陣仲發現裡面有兩間房，人多朋友聚會可以自成一角點左芝麻豆腐沙律，芝麻八爪魚，刺身拼盤，雞泡魚干，雞翼，野菌炒雜菜兩個小食都好好，豆腐好香好滑，芝麻醬係分開上，而且唔會太咸，可以隨自己口味添加；我地覺得八爪魚都幾驚喜，因為未見過咁大隻八爪魚，而且醬汁有別出面食嘅，唔會死咸，帶啲甜味；刺身我地覺得以價錢黎講都好好架啦，綜合黎講，冷盤啲食物夠凍，我地最怕食到比室溫凍少少嘅冷盤，原因你懂的雞泡魚干無咩特別，只係壞朋友飲酒幫佢地點啲下酒菜；野菌炒雜菜反而有啲驚喜，有牛油香但係唔會太油膩，味道調得幾好；雞翼都不過不失，重口味嘅人可能覺得會淡口啲落單個陣職員都好細心問我地當中有無人唔食魚生，因為佢地可以先安排熟食。不過呢，坐椅唔夠高，變左無隔音，環境係有少少嘈囉。

最鍾意有得訂枱，因為時間可以預得到，午餐Menu選擇非常多，而且食材新鮮，侍應生亦友善熱情，早前自己一個來，整個午餐過程好順利，好快完成，不用等太耐上菜，啱晒返工人士，建議選擇十二點到一點午餐，少人一點。