銘興山西刀削麵 (和豐行)

营业中

休息中

員工全部0合作性叫極都無人寫單，行過去員工面前話要落單，應承完話過嚟，又會無左回事，叫多9萬次終於嚟叫左麻辣豬肚絲刀削麵，麵送係分開上，但個湯麵到左十分鐘，個餸都未到咁就當然同職員講話漏咗個餸未上，隔6,7分鐘都未有，如是者又再追，又隔多5分鐘都未有，個面足足攤左20分鐘多，追3次先有個執枱姐姐岩岩執完枱戴住對執枱洗碗手套拎住個餸黎，衛生問題真係好離譜！面都凍哂，乜都無意思間嘢亂七八糟真係勸你們唔洗黎，垃圾管理每個員工都係冗員隔離枱姨姨叫落單都叫左4次後面枱同我掉轉個餸到左好耐個麵都未到個哥哥仔同職員講話個麵好耐都未到個職員竟然答佢:梗係啦，麵要淥架嘛唔洗錢都唔食食完都背脊骨落

以前食開荃灣既刀削麵，一直都想搵下其他鋪頭試，無意間發現銘興旺角店，原來係新開。去到既時候都有好多人等緊位同外賣，好在我地兩個人都唔算等太耐。鋪頭入面感覺都好光猛同乾淨。 我地叫左兩個麵餐同一個小食，好滿足，哈哈。 🤣🤣醉雞刀削麵 $60 包熱飲碟雞黎既時候真係嚇一跳，勁多呀，應該真係有份例牌咁大碟。雞都有酒香，又唔算太肥，都ok滑呀。另外仲有隻雞蛋，反而雞蛋就真係無乜味道。 湯底好正，幾鐘意個麵唔會太硬🥰另一個係麻辣手撕雞刀削麵 $48 包熱飲雞撕又係勁多,麻辣夠香唔夠麻 涼拌皮蛋 每粒皮蛋都沾有麻辣，食得爽 最最最開心既係有酸蘿蔔任加，而家講起又想去食多碗喇🥺

喺旺角行完街路過這間小店, 見到一罐滿滿酸蘿蔔就吸引咗我入去，😊😊因為都好耐無食過。我就叫咗一個特色墨魚刀削麵，涼拌青瓜、木耳，我朋友叫咗牛筋腩飯，同涼拌豬耳。 呢間餐廳嘢食嘅分量都比出面多好多，例如墨魚刀削麵，墨魚丸而完全沒有偷工減料，食落有墨魚味之餘，亦都好彈口，最正嘅係佢足足有五大粒，十分頂癮。刀削麵一食就知係堅嘢，條條都結實有口感，是手工做，特別好食。絕對是女孩子的最愛。麻辣涼拌，麻辣當然整得好啱口味，夠辣夠麻，鹹度適中，全部食落都爽口新鮮，豬耳有咬口又唔硬，食落滋味。我本身食我嗰啲已經食飽，所以只食咗一舊牛腩，味道都幾好食。

呢間嘢終於開到去旺角喇！以前係紅磡經常食，佢哋個刀削麵真係世一！紅磡嗰間好細間，以次次都要排隊。剛剛係旺角開咗分店，店舖勁大，坐得好舒適。都係以刀削麵為主，另外仲有小食、飯同飲品等等。花雕醉雞刀削麵（$60）- 每次必嗌！刀削麵無得頂，份量夠晒多，條條都粗身煙韌。而個醉雞好似例牌咁多，酒味好香好入味，雞肉啖啖肉又嫩滑，仲有一隻蛋，真係要試！嗌麵加8蚊仲有成枝凍豆漿香茅炸雞翼（$42）- 估唔到有5隻咁多，個雞翼炸到好穌脆，但一啲都唔覺得好油，而雞肉仲保持到juicy鮮嫩。涼拌黑木耳（$30）- 今日唔想嗌菜所以嗌咗黑本耳，口感爽脆，味道酸酸辣辣咁好惹味，底下仲有青瓜絲。

經過發現有間新店開張 於是決定入去睇下 😆 睇下個餐單 見到都有好多款刀削麵揀有辣有唔辣 有湯麵 亦有拌麵揀天氣開始有啲熱於是就揀左「豬頸肉冷拌刀削麵 」走辣 Ps: 可以揀單併/雙併㗎 跟餐有熱飲 凍飲就+$3 當食物到左之後 見到有芝麻醬同擔擔醬可以撈 (叫辣就會有麻辣汁) 見到超大碗 入面都有好多塊豬頸肉 (如圖)麵量&青瓜絲都多 所以唔怕唔夠飽豬頸肉口感都好好 啲麵都有咬口 唔係淋哂個啲嚟 整體黎講都唔錯٩(˃̶͈̀௰˂̶͈́)و 值得一試特別推介比夏天想食下啲涼快食物嘅朋友仔入面嘅姐姐都好勤快 會留意你&即刻幫你落單(不過可能係今日新開 唔係個個姐姐都好熟習落單個部機 可能要比小小時間 但佢地都會同係複單一次 唔怕叫錯食物) 相信佢地會愈做愈好亦希望第時個份量可以keep住咁足料啊😆