銀龍粉麵茶餐廳

营业中

休息中

朝早突然落黑雨 就落樓下銀龍食算 入面勁大冷氣 只好買外賣四寶飯- 揀左瘦叉燒 岩我食 切雞比較鞋同細件 紅腸有3片薄既 半隻咸蛋正常 麻婆豆腐飯- 味道幾香，但唔算辣 可以再辣些 份量好多 差唔多滿瀉我覺得佢燒味飯唔錯，下次可以再試吓其他嘢食

朝早六點正諗緊係便利店買個飛碟定係m記豬柳蛋漢堡好，又驚時間來唔切，經過銀龍覺得公司三文治都好，我知佢淨係收現金，係袋入面搵到50蚊，入去個職員同我講「你有無散紙呀，我地無散紙」？？？？？？好啦，八達通唔收，連現金都唔收，唔好做生意啦不過都多謝你，我又食到豬柳蛋漢堡同咪趕到切上巴士，無下次幫襯

人生第一次食銀龍，聽佢大名聽就聽得多，食完真係明白點解咁出名，到底有無尊重食物?尊重生命? 前幾日因為做義工去左彩榮，銀龍係個到的的獨家村，成條邨基本佢獨市，不過佢D食物可以媲美清水健康料理，我叫左個豆腐火腩飯，其實都已經係好common好普遍的野食，但都可以煮到咁?個炸豆腐腍不特止，入面仲要係濕的，出水ge，調味又鹹又唔好食，唔係落味精就代表d野好食ga其實，個廚師有無心，一食就知la。 加上d 員工態度又好差，無乜禮貌，令人好有hard feeling，食飯都要受氣?我唔知人地係老闆定點la，但都無理由咁無禮貌ga，定係無禮貌係佢地的signature?

彩盈邨屋村茶餐廳地方好大環境衛生就真係一般般地下好污糟 其實真係可以認真咁樣清潔下食物方面蠔仔肉碎泡飯其實好好食湯底鮮甜 蠔仔新鮮加少少冬菜 喎 冇咩胃口食湯飯一流快餐加埋凍飲$59

幫襯左呢間茶餐廳都有一段幾長日子. 由之前係彩德邨山上到家下搬落黎彩盈邨.其實一間茶餐廳都無咩好寫食評. 不過今次真係好想讚下佢地. 因為係呢數年間睇住佢地的麵食有進步. 本人因為夜晚食量奇少. 所以多數都係食粉麵. 好記得早幾年無論食牛腩米又好, 食淨雲吞又好, 又或者食其他粉麵都好. 都係咸到叫媽媽. 但最近呢幾個月幫襯, 跟朋友多數都係一碗淨雲吞再加一碗粉, 好似牛腩米, 或者雲肉雲吞米等等.家下無以前咁咸. 以前什至試過咸到要回返比佢地再叫其他食品. 講完前言. 講返今次的食品. 同樣叫左一碗淨雲吞. 雲吞都幾大粒. 重會有一兩條菜.味道對於我黎講係剛剛好, 已經唔會再好似以前咁死咸. 口感還算爽. 早幾星期食過菜肉雲吞. 兩者比較, 菜肉雲吞重有少少咸. 希望佢地可以輕手返少少就好.今次重點係牛腩米, 首先個牛腩唔係全瘦. 有少少肥. 食落去好林. 而且十分入味. 以前係咸到喊. 呢兩星期食味道都剛剛好.就算個米粉唔同個牛腩一齊食都好, 個米粉都充滿左牛腩的湯汁味. 超入味今次呢個牛腩唔係有塊好un的"皮",就完全完美.希望佢地以前可以繼續輕手d. 等大家都食得健康d. 開心

街坊茶餐廳這裡屋邨附近沒有幾間餐廳選擇，不然就要走再遠點的得寶商場或是更遠的淘大商場。街坊鄰里通常都在幫襯。食物味道正常，大部分菜品都不過不失，沒有特別驚豔的菜式，但食材和廚房火候掌握還不錯。環境尚算乾淨。

每個星期日我都會去九龍灣地鐵站，行5分鐘左右就到百佳，旁邊就有這間「銀龍茶餐廳」！一般而言，每逢週日早餐時段都有位。一般茶餐廳有的早餐這裡大致上都有！香港傳統的早餐，這裡都有：火腿通粉午餐肉公仔麵沙嗲牛肉通粉奶油厚多士牛奶燕麥我就叫「吵嗲牛肉公仔麵」配「香腸和炒蛋」加「熱檸茶」（HK$39.00）吵嗲牛：味道夠濃公仔麵：質地剛好，一點都不「林」炒滑蛋：夠滑，仍有蛋汁在面炒雙腸：無燶，但略嫌少少多油

伏咗！打開個面正常嘅，但食咗面之後就即刻現形。蓮藕太多，唔淋，似冇乜炆過。蘿白又系唔淋，有根。分開上嘅盤菜汁稀如水，只有小小南乳味。其他餸料就好小，非常失望！系劣食！同人有仇就介绍佢食啦，一定乜仇都報晒！

住係呢到附近嘅居民大多都幫襯過🙈最鍾意佢有得外送，可以打電話外賣自取又得，打電話叫送餐上門都得，得左💪🏻同爸爸兩個人叫外賣，一個乾炒牛河，一個焗豬排飯，乾炒牛河好有wok氣，牛肉有牛味又唔韌👍🏻番茄焗豬排飯係呢到最正🥰我老豆每次叫都食佢，百試不厭，豬排係連骨，而且會有啲脂肪，唔係全瘦肉，配埋番茄醬食好香😋外送速度超快，7:15pm打電話7:40就送到，好似啱啱打個電話眨眼就到🤣🤣

以前喺旺角返工成日都嗌銀龍嘅外賣，對銀龍呢個名都有啲情意結，今日先知原來九龍灣都有一間銀龍，呢個位置真係比較難搵。黎到茶餐廳梗係叫返常餐啦，叫咗個沙嗲牛肉公仔麵嘅早餐，有埋炒蛋同埋牛角包，都只係30幾蚊，價錢都OK。沙嗲牛肉公仔麵，面生都唔會太林啱啱好，我最鍾意食佢哋嘅沙嗲牛肉，咬落去充滿着濃濃花生醬香味嘅沙嗲牛肉，我個靈魂翻返嚟啦，在搭配埋杯奶茶，最正嘅配搭。牛角包都值得一讚，唔會太油，充滿着牛油香。下次再試下佢哋啲通粉

「銀龍」連鎖式茶餐廳，聽聞奶茶最出色，趁住下午茶時間來，又平又少人。叫咗三個下午茶：美極乾炒牛河 - 牛河炒得乾身有鑊氣，夠香，但是始終是茶餐廳出品，比較多油椒鹽肉排飯 - 椒鹽肉排好香，但是份量比較少，飯嘅份量是足夠的星洲炒米 - 料多米粉爽，但係都係比較多油個人真心覺得奶茶不錯，又香又滑。總括來說，價錢$43一份，份量不少，有鑊氣，是不錯的。所以下午茶時間，餐廳內也是坐滿的，客人絡繹不絕地來。作為一間住宅區嘅地道街坊茶餐廳🍴係應該以平、靚、正、作為賣點。

一早起身等朋友出去去左朋友家附近等候 順便嘆個早餐入左呢間銀龍坐低叫左個沙嗲牛肉麵餐配炒蛋牛角酥熱奶茶上菜落單時間都快 餐廳坐位多 都算闊落奶茶都幾滑炒蛋就唔滑嫩 但夠蛋味 自己加少許左鹽配食牛角酥對比其他銀龍無咁好食味道有點烘焦味至於沙嗲牛肉味道ok 但份量少 麵就無質感可言凍飲要加6蚊整體好普通既味道 價格唔太化算

我自己本身比較少食茶餐廳。但係今日係別無其他選擇底下就揀左哩間就腳的銀龍茶餐廳是個quick lunch. 原來而家物價都幾貴。講緊兩年前茶餐廳一個午市套餐先係三十零蚊，而家講緊差唔多50蚊一個餐。係唔係太多option下我揀左洋蔥汁豬扒伴煎魚扒 $49，跟意粉，包熱飲一半我揀左銀龍嘅招牌熱奶茶，如果揀凍飲就要加3蚊。豬扒都幾大塊。醃得都ok好味。有口感唔會太淋。個魚扒都煎得幾香，看似糸普通鯰魚，不過就好細件，兩啖食曬。比較缺憾的是洋蔥汁超油，我見狀馬上把所有汁潑開一邊。係沒有汁底下都豬扒/魚扒/意粉都好夠味。如果連埋d洋蔥汁食恐怕又油又鹹。個熱奶茶我叫左茶走，茶味夠，而且頗滑。好飲。例湯係蓮藕豬骨湯，味道正常。

今晚同男朋友跑完步！！兩個都超肚餓！！但又怕食番太多嘅話咪會嘥左做運動的心機囉！！於是我提議去九龍灣彩盈邨嗰間銀龍粉麵茶餐廳食晚餐！！咦！！成6點半都仲有下午茶！！正！！我叫左魚皮餃米加凍擰茶！！魚皮餃嘅魚皮係真係用魚做㗎！！坊間好多食店都係用粉做！！但呢度真係吾同！！連餡料都夠晒份量！！米粉竟然係用銀絲米粉！！好有驚喜！！再加埋辣油食！！完美呀！！不過凍檸茶好快成杯飲晒！！而男友叫左個魚旦河！！佢話魚旦都好彈口！！好好味喎！！再嚟埋杯柚子蜜！！潤哂！！最後再叫左個炸魚皮！！脆度一般！！但厨師都很細心！！加埋個上湯上枱來中和個油腻感！！抵讚！！

牛頭角區晚餐時段也破緊張, 一般都 full 了. 兩個人行行下, 這間未食過, 門口又掛著有我們至愛吃羊肉宣傳2拉架. 仲要這間不多人 😅😅。不防試一下. 一個大煲怕食吾晒, 就叫了2個不同的羊肉煲, 原味和咖哩羊肉煲..... 整體來說也是一個不錯的晚餐. 🙏🏻