銀菱金店日本料理 (已搬遷) 新店位置

在日本料理中，它雖不算很特出，但食物種類很多，能給客人多種選擇，也應感到滿意吧！

琴晚同舊同學食飯, 本來話去元氣, 點知佢地話好多人唔想等, 所以就上左黎呢間. 超級唔夠人手, 不過我覺得態度都算好好.野食都唔算太差, 咁當然唔係好啦. 不過星期五晚食飯, 唔想等, 又唔會俾人趕, 呢個都可以算係一個好既選擇黎既.....

我們今天舊同事聚會, 一行6人. 因為我們有6個人,所以有一間房坐月子要除鞋的.一坐下便點了一個三文魚船,1磅的($80),之後點了其他刺身,一些壽司和特價的雜錦串燒($50), 食物來得都好快,刺身也沒有雪.太好食又唔講得,不過好過o的日本放題(大久x同全日x)多多聲.雖然工作人員不多,但加茶都好快(因為我們人多,她放下了一個壺比我們食自己). 之後吹下水,又再來一磅刺身加雜錦串燒,炒飯,炒麵同金菇牛肉捲.總共叫了以下食物:三文魚船2個其他刺身4種壽司20件雜錦串燒2客金菇牛肉捲2客炒飯,炒麵各1客埋單一共$670..我有九折card, 一人$100左右

地方不太清潔, 食物太細碟, 唔多底, 味道差勁, 刺身又不新鮮, 唉~ 一字記之>>>>差!!

上次同老婆試Lunch, 慘, 地板drity, 食物Menu 花過萬花筒, 食物無樣得, 樣樣都係凍的, =.=我食熱野喎...又勁細碟, 唔知d 侍應係咪去哂食野, 無人理, 無人加茶, 之後大約到2:30左右已沒有客人, 店也關了燈, 侍應也見不到了, 可怕.. 呀~ 仲有一提, 這店舖有些怪味, 本人食過很多的日本菜, 但呢間完全唔惦, 所以不明白你地為何無人評佢差? 我想評佢**極差**

我們叫了一個二人套餐，有剌身、弼、鰻魚汁炒烏冬、木魚豆腐、燒雞翼、燒壽司、麵豉湯、手磨紅豆沙、燒鰻魚、泰式奄生蝦。個餐雖然幾多野食，但食物的質素只屬一般，刺身船的剌身味道不太鮮甜，沒有驚喜，反而鰻魚汁炒烏冬及手磨紅豆沙就幾好食，連我平日唔食紅豆沙的都唔夠喉！而個龍蝦粥只有蝦殼，完全沒有龍蝦味！最唔開心的係服務方面，埋單叫了三個侍應，兼且等了十五分鐘以上都沒有人來，最後我要自己走去收銀處投訴才有反應，簡直激死人了！

人手超級不足，仲要服務態度奇差!! 好似個個都唔識聽廣東話咁，唔知係乜人...(一定唔會係日本人)叫o左6樣食物，其中兩樣o左催兩次都未o黎，最後等o左一個鐘都未到!!我地決定叫佢埋單，點知等o左好來張單都未到，最後要催多兩次張單先到!!到埋單時佢先話俾我地聽每人最低消費要$100，仲要加一，total每人數$110。我地話之前佢冇同我地講，佢指住其中一張點菜紙話上面寫住，唔使同我地講。(後來發覺點菜紙有5、6款，只有一款上面有寫)簡直係屈錢!!平還平，俾錢仲要受氣就唔好攪我!! 一定冇下次!!

果日去銀菱食飯,都好多人.D卡位夠大坐得好舒服.手卷D紫菜好脆,壽司D飯比較散,北寄貝等貝類非常唔錯,三文魚都ok,但係油甘魚及甘蝦就唔多掂.牛油焗露筍就好鹹,另外點了串燒拼盆,味道都幾鹹,可能落得太多鹽!最估唔到就係居然送甜品,叫手磨紅豆沙.磨到好滑完全冇豆,口感好特別!下次去開果頭食飯都會再幫襯!

最近同朋友去晚食，個度d壽司都幾好味，刺身同小食都唔錯，坐位幾舒適，人手就一般啦，忙d就唔多夠！

這裡人手很不足，但由於服務員的工作態度殷勤、有禮，令人感覺親切舒服，就算等得不耐煩想催單都不好意思。一般食品都幾抵食，剌身壽司手卷熟食等一應俱全，但因人手不足要等幾耐下，其中松皮牛肉手卷，泰式生奄蝦手卷超級好食，我柯打了幾次都覺得唔夠喉，但壽司就只屬一般，但魚生份量好足，送的甜品是手磨紅豆沙，不太甜都好好味道。

　　之前都黎過呢到幾次，環境清靜（可以睇到煙花），服務態度都唔錯，但以前抵D，三文魚刺身$60一磅，呢家變左$80。　　昨晚去食飯，食物真係值得一讚：1.三文魚刺身－－都幾新鮮。2.鹽燒走地雞扒－－好掂啊!雞扒肥瘦適中，唔似出邊個D咁多油，肥到死，肉質又十分嫩滑，調味同埋燒既手勢都一流！3.泰式生奄蝦手卷－－正啊！呢到既招牌泰式生奄蝦，汁好特別，手卷也是這裡的買點，即做，紫菜都仲係脆既，兩者配搭得天衣無縫。4.生牛肉Sushi－－必食，但D飯真係散左少少。5.鰻魚Sushi－－好味。6.蟹籽Sushi－－OK啦。7.雞軟骨串燒－－好食到想叫多串，但細細串就要$15，貴左D。8.蒜頭串燒－－好特別，第一次食成粒蒜頭，原來係咁香甜gar！（我平時是不食蒜頭的，覺得好臭...)9.甜品，手磨紅豆沙－－最期待的時刻，出邊食唔到咁好味既紅豆沙，甜度適中，豆磨得極幼細，好滑！

昨日去食lunch。依家d三文魚壽司5蚊兩件, 所以一坐落就叫左八件三文魚壽司打底。雖然係平, 但係絕不偷工減料。d三文魚有d un, 但都幾新鮮。之後叫左三文魚炒飯: 幾細碟, 1人份量。食到三文魚粒, 唔太鹹。龍蝦磨菇粥: 都係1人份量, 食唔到有龍蝦, 有好多紅蘿蔔絲。個粥都幾清甜, 可能佢話的龍蝦係龍蝦清湯。什錦刺身手卷: 食到好多新鮮的刺身, 有蝦,帶子等等。三文魚魚皮手卷: 男朋友話似蝦片。燒雞串(見圖): 得果一串, 但有香濃的肉汁味。多春魚(見圖): 係煎的, 唔太燶, 幾好味。甜品: 手磨紅豆沙。真係磨到見唔到d豆, 好濃郁的紅豆味道。

上星期六晚同朋友慶祝生日, 一行九人, 有一個廳仔俾我地。開始頭一輪點菜, 看見每款菜色都咁平, 真係唔知點咩好。頭輪菜係:1. 一磅三文魚刺身: 同我想像中的一磅有d距離, 但估計都有20件, ok fresh2. 雜錦刺身: 有鮑魚, 蝦, 三文魚, 吞拿魚, 八爪魚。d 鮑魚好鮮甜, 我冇咩機會品嚐其他刺身, 因為d刺身好快就清哂。3. 炒飯: 好salty,食左一碗仔就冇意欲再食4. 泠麵: d 都幾爽, 有炸蟹伴麵tim5. 秋刀魚: 10蚊一條, 但係絕不馬虎, 條條都好肥美, 仲有個lemon 俾你擠壓d 汁出黎伴食。6. 三文魚手卷: 5 蚊個, 抵到爛, 平還平, 但係冇欺場。仲有個唔知幾多人的套餐, 再食過:2.1 龍蝦粥: 雖然每人分得果少少, 但果少少已教我讚嘆不已。因為有龍蝦調味, 令到d粥好鮮甜。可惜得果少少, 有機會我一定要再試過。2.2 炒飯: 同上2.3 湯: 我唔喜歡飲出面d湯, 所以冇試過2.4 海膽刺身: 太袖珍啦, 都食唔出係咩味, 份量應該調大d。2.5 酸辣蝦刺身: 綠色的酸辣醬汁, 一食落口第一個感覺說係好酸, 之後先覺得辣。我個人好喜歡

我係第一次同男朋友去呢間食呀，幾好呀^0^三文魚刺身一磅只係$60咋!有好多架!其他刺身都好好食，而且好多野食都好平，唔貴。唔好食既就係壽司啦，d飯散既>"< 仲有最低消費要成$100/per people，食得好飽呀。

上星期六到灣仔英皇集團中心地庫的分店光顧, 晚上八時多卻不見人龍, 恐怕味道欠佳, 也曾經掙扎要進去不? 最後還是被它的平價所吸引. 此店order食物的方式有點似自助餐, 侍應會給你點食物的紙張, 我和大食Eric點了大約十多款食物, 質素OK, 由於每人的最低消費是100元, 所以點了很多食物, 味道不多說, 因為都是大路日本菜. 我想說的是該分店有些侍應木口木臉, 雖然價錢平, 但也可以寬容一點吧!但該店負責結帳的女侍應則服務態度相當好, 大食Eric話, 如果整頓晚餐都是由這位侍應服務我們, 他會給多些小費, 然而, 大部分時間服務我們的都是沒有表情的侍應, 所以我們沒有多給小費, 今時今日的時勢, 經營食肆除了要味道好之外, 服務質素也相當重要, 希望這些沒有表情的員工能夠反省一下.