影片
因为住附近所以都帮衬过好多次，但每次抱住应该系上次唔好彩的心态去食，结果每次都系令人失望。我地叫左最基本的干炒牛河同牛筋河外卖。先讲下茶餐厅必叫的干炒牛河；一打开已经闻到好大阵镬㶶味，成碟牛河都系一只色，冇光泽，食落去一大阵㶶味，仲要唔系好明点解干炒牛河要加蛋丝，干炒牛河黎讲真系唔合格。再讲讲牛筋河；牛筋不过不失，但我明明叫左要多腩汁，但食落去成碗粉居然淡而无味。不过佢地都有野要赞既地方就系服务，个个姐姐都好有善好好礼貌，但食物方面就真系......无言。
继续阅读
好耐冇食过炸脾沙律，以前做sales 日日都蛇去附近茶仔叹下午茶，自从转咗工之后就冇呢支歌仔唱lu~~今日终于忍唔住要叹返个tea~鸡脾虽然系冰鲜鸡，胜在即叫即炸热辣辣，要等成10几分钟㗎!size 属正常，外皮酥脆唔太油腻，但可惜入面d鸡肉炸得太干，可能因为只鸡脾太瘦!有少少𡁻柴feel~沙律用咗新鲜嘅甘笋、薯仔、青瓜同罐头杂果(有椰果果种)。记得好多年前都喺呢度食过，个沙律同样系呢几种材料做，都几欣赏餐厅坚持用新鲜材料!冻柠茶，正常味道。
继续阅读
我同男朋友系牵晴间住客,每个星期日都会O系依度食早餐或者午餐!话说十二月一个星期日下昼点几两点钟~我地一齐落楼到依间野饭LUNCH~因为贪佢够近,求求其其食一餐就算!!我地平时都会食佢D 公仔面餐,果日突如其来GE一时兴气,所以叫左个羊腩煲~其实我都觉得下昼食廿腩煲怪怪地咁~但又想食MA黎到之后,其实羊腩煲无咩野~如果要求佢好好食,对佢系唔公平~话晒佢都只系一间屋村茶餐厅ONLY~~想要高质素食物,无可能~个煲过得去, 但佢跟煲果个白饭就真系.......................差到唔可以再差~食饭去,面头果层饭暖暖地~~都算勒~~食多几啖~D饭痴实一旧旧,仲要冻冻地,好硬咁~~好明显系隔夜白饭~~我同我男朋友食食下都唔想再食~仲要有一碗饭系自己加GE~唉~~~~食到唔想再食,所以求其食晒个煲就算~最搞笑埋完单果阵, 忍唔住同柜面个阿婶讲问佢D 饭系咪隔夜饭~冻冰冰,一旧旧,痴实晒咁~好明显就系LA~禁埋有个阿叔伙记埋黎,个阿婶问大叔~阿婶同番我讲话D饭系朝早煲架㖞~劲丫,佢连白饭都可以煲到咁GE野~即日煲都可以咁样,打死我都唔信啰~仲要打开眼讲大话~讲真,我唔系隔意食隔夜饭,但佢比隔夜饭人食都唔好好似惊死人食唔出系隔夜白饭~仲要死撑唔认~~~~不知所谓～请好好检讨一下有时恃住果度得佢一间就咁～咁唔得啰～请尊重食客！好容易比人淘汰～～食物质素好紧要～虽然系一个白饭ＯＮＬＹ～讲番句公道话，佢Ｄ 烩意粉都食得落口！不过自从食过隔夜白饭后，就无再去过ＬＵ～亦唔打算再去～况且成个粉岭禁多野食，唔系得佢一间！！
继续阅读
基本上, 在粉岭南要好食根本没有很多选择或者系冇, 它们主要做街坊生意. 如果你懒行和懒煮, 更加死路一条, 熇食! 食硬你, 你话好唔好食. 有时我觉得此区其实几多人, 多后生及单身, 租比出面平, 如果好食, 一定够cover 及substain. 昨午到此餐厅食饭. 点了两个午市套餐.滑蛋义烧饭 - 睇义烧啲颜色就知, 啲开粉滑蛋似浆湖, 饭一碟啰!杨洲抄饭, 竟然会暖 和 盐都未溶!例汤, 好油好例汤!其实之前, 呢度啲牛什面和越南嘢食都OK, 不知是否成本问题. 也巳经变为得差了.由于同区食市食物质数一齐退步, 劣币途迏良币, 可惜. 总结 : 呢度好食系奢侈, 食饱就算.
继续阅读
原先是彩龙,主打越式食品,但自从改名为金龙后,已沦为不伦不类的茶餐厅,水准更每况愈下.水吧加设的潮式粉面档,简单的一碗牛什面都唔得,不单面底碱水味劲重,而且牛什炆得唔够入味,又唔够淋,真想同老板讲唔识唔想就唔好做.墙边经常有小强出没,咁都得?唯一可取的是,这店有一班好伙计,做野快手快脚,而且刻价比附近几间平宜些,所以午间都能吸引一班蓝领人士光顾,可惜晚饭就客人渐少了.
继续阅读