影片
前日中午，正当周围都要排队等位，早排还以为已经折埋左嘅老店，原来经过过多月简单装修之后，已经重开了，出其地唔洗等位。整体光猛干净左好多，冷气充足，以前嘅员工呀姐姐已经不再，师傅就照旧系度。
继续阅读
星期日同朋友去完 #慈山寺 出嚟咁鬼肚饿，谂住去 #大埔 揾嘢食啦，点知大家一早已有安排，我又唔想跟佢哋上 #山顶 同班 #自由人 迫😅 宁愿一支公揾间茶餐厅「麻甩」一吓🤣 我哋坐 #火车 到 #九龙塘，刚好有 #小巴 直接到我 #屋企，不过实在太饿，我拣咗中途落车，去「金龙华」整碗 #云吞 填肚先。「金龙华」大大话喺呢区开咗二三十年，舖里舖内都几残旧吓😅 不过主流做街坊生意，大家似乎都唔介意。$31一大碗云吞河，味道同份量都成正比，加埋啲腩汁，都算唔错😉 不过罐可乐$12认真太贵😪 最衰我落得太多辣油，唔饮啲冻嘢又食唔落去... 唯有照比啰🤨 好在 #厨房阿姐 喺我临走先大叫话厨房好臭，怀疑有死老鼠... 吓死人咩
继续阅读
本身自己都唔系一个对食物讲究嘅人，凡系摆入口唔难食嘅嘢食我一律都叫做好食。不过呢间嘢真系极品嚟！极品到令我人生第一次写食评就系写俾呢间嘢！话说禽晚半夜见饿落街揾嘢食，一嚟又食厌咗老麦，二嚟揾嘢食果刹那都唔知系咪俾鬼迷，明明有好几间铺头可以拣，但系我就偏偏拣著呢间铺头！一行近望见间铺面，似系四十年冇装修过咁款，心谂...算，都系食个饭啫，于是就死咗入去叫咗碟一猪扒饭沟洋葱汁配生菜。谁知碟饭食落淡而无味(就算有啲业余级嘅洋葱汁吊下味，都掩盖唔到)...之余，揸镬铲果个仲要一路队烟一路整嘢食，啲二手烟嘅味仲要入晒落碟菜度！万宝路味嘅菜你食过未？今铺认真背脊骨落！皆因食呢碟垃圾饭加碟二手烟生菜咁就要$56！呢个教训真系贵！
继续阅读
这也许是我最后一次在金龙华进食并不是这里会结业的原固，因为金龙华永垂不朽。回想当天初尝金龙华美食厅的美食，小弟是不敢恭维的，伴随著一块块的水煮香煎烟肉，深海鱼肉烧卖，原来有些味道已刻印在心的深处，陪伴我们走往后的人生路。回看昔日的照片，心头不时传来阵阵刺痛，遗憾有些照片和回忆一样已无法再挽回、再重现。烟肉面有一天终于忍不住问老板娘烟肉能否煎，即使加钱也在所不计，老板娘过了两秒后，回了一句 咪有煎啰。我静了但有一次，真的从表面的色泽上看到煎过的烟肉。甚为香脆。生菜鱼肉经常售罄，鱼肉新鲜攞货，味道极独特，不肯定世界上有其他地方可以攞到这货。烧卖特色鱼味烧卖加喼汁，或许像牛油果加豉油，欢迎自行品尝。炸云吞金龙华炸物相当有水准，新鲜炸好且啖啖肉，再加上沙律酱，十分推荐。鱼蛋面胶牛腩河很多人叫的一种食品，但试过数次都不知为何河粉是冻的。鸡扒牛扒面牛有牛味鸡扒 不能理解的干身。多士中间有著一层薄薄的柠檬味夹心饼味道。但奄列餐中的多士应为普通多士。炸墨丸皮薄，有鱼味，加上沙律酱，并未有像碰上炸鱼柳般配合。炸鲮鱼球拳头咁大粒，眼看邻桌叔叔五分钟也未吃完一粒，目测应为炸鲮鱼球，敬请食后告之其味道。友人前段时间来这里时遇到前- 年长侍应，并未如老板娘之前说的死X左。胆粗粗问老板娘店中对联的由来，惊见店内四位员工聚首一堂，甚怕耽误其他客人的美食享受，讨论约半分后，老板娘回来说了一句 你地有无读过书？常言道- 切勿窥探力不所及之处。无论谈及国际大事，或香港艳星绝版写真，甚至特色烟肉，总能在此找到，金龙华就是一个这样的地方。就如前-年长侍应一样，大概我们都要跟从著某种社会的法则，继续前进。愿每人也找到各自的金龙华。再会
继续阅读
呢间小店一向都有好多司机聚集，论门面并不吸引，喺𠮶条街其实好多选择，唔知为乜仲咁多人帮衬？经过我实地了解，此店确以食物的质素和合理的价钱吸引一众食客。四十几蚊个晚餐，有饭、有𩠌包埋餐汤，非常抵食本人极力推介猪手面，目测识食嘅人都唔少，本身个猪手汁好够味，而猪手也煮得够“淋”，无论拣粉面做底都好夹。汤头几深色黑椒汁系列嘅饭也是不错之选，佢将D黑椒磨碎，所以个汁好够味，配上牛柳及鸡扒也很合适。鸡扒好厚肉，即叫即炸，鸡皮很爽脆牛柳好鲜嫩，份量好足，嗜牛啱哂呢款小食---炸云吞，非常香脆，即叫即炸，内里的虾非常足料，大大只，比酒楼的沙律明虾角好上百倍，值得一试。炸菜蒸牛肉卖点是份量很足，属饱肚之选，论食味不及以上的推介，我认为炸菜的分量应比牛肉多，这样吃时不会感到太油腻，另炸菜能以薄片上碟，会较入味，口感亦更佳。港式老牌茶餐厅奶茶，质素当然无用置疑，水滚茶靓，浓香幼滑，上佳之品！总括而言，首次路过此店系唔会有冲动入去，但食过会番寻味。正所谓“禾秆冚珍珠”，唔怪得咁多老饕聚集。
继续阅读