金龍華美食店 (已易手) 新餐厅

前日中午，正當周圍都要排隊等位，早排還以為已經摺埋左嘅老店，原來經過過多月簡單裝修之後，已經重開了，出其地唔洗等位。整體光猛乾淨左好多，冷氣充足，以前嘅員工呀姐姐已經不再，師傅就照舊係度。

星期日同朋友去完 #慈山寺 出嚟咁鬼肚餓，諗住去 #大埔 搵嘢食啦，點知大家一早已有安排，我又唔想跟佢哋上 #山頂 同班 #自由人 迫😅 寧願一支公搵間茶餐廳「麻甩」一吓🤣 我哋坐 #火車 到 #九龍塘，剛好有 #小巴 直接到我 #屋企，不過實在太餓，我揀咗中途落車，去「金龍華」整碗 #雲吞 填肚先。「金龍華」大大話喺呢區開咗二三十年，舖裡舖內都幾殘舊吓😅 不過主流做街坊生意，大家似乎都唔介意。$31一大碗雲吞河，味道同份量都成正比，加埋啲腩汁，都算唔錯😉 不過罐可樂$12認真太貴😪 最衰我落得太多辣油，唔飲啲凍嘢又食唔落去... 唯有照比囉🤨 好在 #廚房阿姐 喺我臨走先大叫話廚房好臭，懷疑有死老鼠... 嚇死人咩

本身自己都唔係一個對食物講究嘅人，凡係擺入口唔難食嘅嘢食我一律都叫做好食。不過呢間嘢真係極品嚟！極品到令我人生第一次寫食評就係寫俾呢間嘢！話說禽晚半夜見餓落街搵嘢食，一嚟又食厭咗老麥，二嚟搵嘢食果剎那都唔知係咪俾鬼迷，明明有好幾間鋪頭可以揀，但係我就偏偏揀著呢間鋪頭！一行近望見間鋪面，似係四十年冇裝修過咁款，心諗...算，都係食個飯啫，於是就死咗入去叫咗碟一豬扒飯溝洋蔥汁配生菜。誰知碟飯食落淡而無味(就算有啲業餘級嘅洋蔥汁吊下味，都掩蓋唔到)...之餘，揸鑊鏟果個仲要一路隊煙一路整嘢食，啲二手煙嘅味仲要入晒落碟菜度！萬寶路味嘅菜你食過未？今鋪認真背脊骨落！皆因食呢碟垃圾飯加碟二手煙生菜咁就要$56！呢個教訓真係貴！

這也許是我最後一次在金龍華進食並不是這裡會結業的原固，因為金龍華永垂不朽。回想當天初嘗金龍華美食廳的美食，小弟是不敢恭維的，伴隨著一塊塊的水煮香煎煙肉，深海魚肉燒賣，原來有些味道已刻印在心的深處，陪伴我們走往後的人生路。回看昔日的照片，心頭不時傳來陣陣刺痛，遺憾有些照片和回憶一樣已無法再挽回、再重現。煙肉麵有一天終於忍不住問老闆娘煙肉能否煎，即使加錢也在所不計，老闆娘過了兩秒後，回了一句 咪有煎囉。我靜了但有一次，真的從表面的色澤上看到煎過的煙肉。甚為香脆。生菜魚肉經常售罄，魚肉新鮮攞貨，味道極獨特，不肯定世界上有其他地方可以攞到這貨。燒賣特色魚味燒賣加喼汁，或許像牛油果加豉油，歡迎自行品嘗。炸雲吞金龍華炸物相當有水準，新鮮炸好且啖啖肉，再加上沙律醬，十分推薦。魚蛋麵膠牛腩河很多人叫的一種食品，但試過數次都不知為何河粉是凍的。雞扒牛扒麵牛有牛味雞扒　不能理解的乾身。多士中間有著一層薄薄的檸檬味夾心餅味道。但奄列餐中的多士應為普通多士。炸墨丸皮薄，有魚味，加上沙律醬，並未有像碰上炸魚柳般配合。炸鯪魚球拳頭咁大粒，眼看鄰桌叔叔五分鐘也未吃完一粒，目測應為炸鯪魚球，敬請食後告之其味道。友人前

呢間小店一向都有好多司機聚集，論門面並不吸引，喺嗰條街其實好多選擇，唔知為乜仲咁多人幫襯？經過我實地了解，此店確以食物的質素和合理的價錢吸引一眾食客。四十幾蚊個晚餐，有飯、有餸包埋餐湯，非常抵食本人極力推介豬手麵，目測識食嘅人都唔少，本身個豬手汁好夠味，而豬手也煮得夠“淋”，無論揀粉麵做底都好夾。湯頭幾深色黑椒汁系列嘅飯也是不錯之選，佢將D黑椒磨碎，所以個汁好夠味，配上牛柳及雞扒也很合適。雞扒好厚肉，即叫即炸，雞皮很爽脆牛柳好鲜嫩，份量好足，嗜牛啱哂呢款小食---炸雲吞，非常香脆，即叫即炸，内裡的蝦非常足料，大大隻，比酒樓的沙律明蝦角好上百倍，值得一試。炸菜蒸牛肉賣點是份量很足，屬飽肚之選，論食味不及以上的推介，我認為炸菜的分量應比牛肉多，這樣吃時不會感到太油膩，另炸菜能以薄片上碟，會較入味，口感亦更佳。港式老牌茶餐廳奶茶，質素當然無用置疑，水滾茶靚，濃香幼滑，上佳之品！總括而言，首次路過此店係唔會有衝動入去，但食過會番尋味。正所謂“禾稈冚珍珠”，唔怪得咁多老饕聚集。

小秘書其實都幾享受麻甩風味，尤其係得返一支公果時😑 捱咗五日，終終可以一個人清靜吓... 行吓行吓行到去「金龍華」👀 既然咁耐無幫襯，就入去回味吓！一直都好懷念「金龍華」嘅豬排煎蛋飯，所以今日都叫咗一客，雖然好想加個凍奶茶，不過戒到嘅都盡量戒飲有甜嘅飲品... 要健康啲🙃 「金龍華」師傅果然無令我失望，半熟嘅煎蛋放喺碎上嘅煎豬排上面，再淋上專用嘅豉油汁💨💨💨 好味到呢！豬排醃得入味、肉質鬆軟，如果白飯底可以熱啲就更完美。$39有呢個質素... 我收貨㗎喇！

遊至深夜，以往年少無知，只會去7x 24 的M 記，著實過於膚淺，殊不知錯失了多少光陰和品嚐美食之機會在那冷冰冰的 M記。煙肉麵每次必點的常餐煙肉麵，看似是烚的煙肉其實是有微煎過的，當然吃也吃不出來。但經本人再三驗證後，煙肉確實有經過名為煎的工序。雞翼麵雞翼帶有蜜糖獨有之甜味，加上炸得相當有水準，想必全世界茶記也難以有此佳品。縱 bbq 時可能會碰到，卻是燒的。豬扒麵就如有些餐廳用美極炒飯一樣，這裡的豬扒也有用美極來餣，喜歡美極的人定會十分喜歡。反正一試無妨。友人最愛。還有很多不同的美味等待我們逐一發堀。望再 update 。很多人說屋村小鋪吃的是人情味，是對的。問及老闆那位每次都見到的年長待應去哪了，老闆想了兩秒後，回答 死X 左。無可置疑，這就是屋村裡的人情味。無論我身在何方，也定會掂記著這裡的各種味道。

我都係嚮往平民地方食嘢呢度我已經間中幫襯好多年。食嚟食去都係水餃米皆因個米粉好幼身好滑！湯濃度又ok，重點係水餃多料好大隻！木耳絲同竹荀絲都夠爽、隻蝦口感唔會好實唔膠、冇宿味、豬肉肥瘦適中，成隻餃有肉香味夠肉汁唔會好油，一啖連皮咬半隻，同一時間咬落所有涵料再加埋個湯加少少浙醋餃皮唔會太厚。有時都要睇彩數，如果餃存放時間唔太耐會新鮮D，餃皮會冇咁實。呢碗麵好似$30有找，好抵！要搵好食嘅水餃確實唔易，我間中都會買一打返屋企自己烚，食唔曬雪住佢，都有一番風味！一打只係$44

深宵時份，留在家中有點無聊，肚子有點空虛感，於是外出覓食😋今次系小女子第一次寫食評，不喜物插來到黃大仙區，金龍華餐廳，2個人，叫左好多野食....雞翼薯條，火腿奄列，炸雲吞，蠔仔肉碎泡飯....1個字...凍檸茶，4片檸檬，有檸檬香味，茶五會太苦澀...蠔仔肉碎泡飯...不過不失火腿奄列...大大份，足料炸雲吞....雖然多左小小油，但每粒都有2隻蝦雞翼薯條...雞翼有點蜜糖味，但食落又冇😅薯條都可以，五會額外加鹽又五會咸

一向很小去慈雲山。今晚揸車經過，原來附近都有不少宵夜舖。晚上12點幾入左間最多人既金龍華叫左個雲呑麵。雲呑入面既蝦大大粒好足料，湯底清甜不會太咸，麵沒有規水味叫埋杯凍檸茶埋單$37。宵夜又都個選擇，久不久平平地食返餐都唔錯。

雞翼話明馳名重點在於把外皮炸得香脆加上雞翼本來就爽滑彈牙嘅肉質👄～名付其實外脆內軟😁～而配上硬身煙韌嘅福字麵底🍜～四隻雞翼跟一碗麵嘅配搭，令你吃一小攝麵又吃一隻，像壽司般的比例，一層又一層的層層叠叠，兩者混合相映成趣～相互輝映😍，而最後來一杯清潤滾水蛋🐣，從剛開始的絲絲蛋白包裹晶瑩蛋黃，隨著加糖攪拌成腐竹糖水般，從中細賞，把剛剛的剛中帶柔，柔中帶剛嘅雞翼麵再中和一下💞～給你一㮔柔柔細，軟棉棉嘅感覺💘，令剛才炸脆皮嘅尖銳口感更為濃烈～😱識食就係咁食～正呀！強烈推薦👍🏻👍🏻👍🏻

是晚上學,放學大人話陪我食飯,又於太夜又唔想食咁多既關係,就去左/金龍華/度食...之前都食過,,ok啦.上次食炸雲吞,墨丸好好咋...因為呢排減緊肥,夜媽媽唔好食咁多野所以就叫左魚肉翅,燒賣同腸粉..魚肉翅ok,唔太杰,魚肉唔太粉...因為我好怕d舖頭d魚肉係粉..而呢度都食得出有魚肉,唔係粉燒賣.正常啦..都應該係黎貨架姐...腸粉: 食左第一啖先記得上次食完話以後都唔嗌腸粉好怪,好硬,好難食,d甜醬又好怪.....overall夜媽媽有d野食都幾好...但我真係唔會再食呢度既腸粉

有大地魚做湯底加上用料十足的水餃; 有, 肥豬肉粒，冬菇, 木耳, 笋絲, 先聞到大地魚的香湯, 再望見皮薄飽滿的水餃, 立刻把整隻水餃放入口; 冬菇加笋絲的香味爆發出嚟, 正到暈! 而河粉好滑, 水餃河加凍0茶只係23蚊，可算係平靚正！但杯凍0荼就嘛嘛, 荼色偏黑

3月8日晚, 四個人去咗去鳳凰新村果邊食宵夜(對我嚟講只係晚餐),最後我叫咗個雞扒洋蔥汁意粉配芥蘭跟杯熱杏霜,老公就叫咗煙肉公仔麵配火腿奄列跟熱菜蜜。有幾好食? 呢次真係唔好問我, 因為太餓, 所以唔太差既嘢對我嚟講都好好食!!甚至連呢間食市叫乜名都冇留意.................... 後來先查得噃呢間嘢原來叫「金龍華」!!Ref : http://hk.myblog.yahoo.com/joycewai616/article?new=1&mid=6152

喪行數句鐘，已是夜宵時間，由於中途殺出程咬妹，要照料一番，肚裡六粒餃子早已煙消雲散，相信程咬妹個包早就消耗完，返回寨吃粉麵過口癮便算。見有中式粉麵餐十九大洋，凍飲加二元，加菜三元，倒是合理，要轉飲汽水的話預再加錢，於是叫了一個墨丸河+ 菜+ 汽水，味道無甚特別，普通茶餐廳貨式。埋單時，卻見數目不分明，多加了數元，細問之下，原來「唔叫其他ｏ野，淨加碟菜要加五蚊．．．」，理解這句說話之時兼望四周有否「淨飲雙計」、「個人最低消費」．．．完全沒有，我想她意思應該是指建議一人一餐，眼見兩個人吃一個餐，所以菜加多數元。不是在意那數塊錢，只是落單的時候可否解釋一下，或請列明。算數吧，這裡是做街坊生意，只是我們兩夜鬼是稀客，未熟架步而已。