金鶴二代目

营业中

休息中

本來好鍾意食呢度嘅下午茶，有個餐幾十蚊有三樣炸物，炸得好食而且啱我呢啲少澱粉質嘅人，點知今次你轉咗餐單冇咗，唯有食照燒雞扒飯，可惜失望。首先個qr code 系統冇得揀少飯，已經十分落後。然後係個蛋，menu見都係滑蛋狀態，嚟到係塊煎熟曬到有少少燶邊嘅蛋皮，同個飯完全融合唔到，隻蛋如果識講嘢都會好傷心咁喊，唔怪得菜名完全唔敢提個蛋字。過熟唔單止係啲蛋，連塊雞都係。張相嗰邊黑黑地嗰啲位其實已經係有燶味，苦苦地咁，完全係親子火焰地獄。又一間餐廳可以取消bookmark 。

喺香港好少有豚白湯，通常剩係得雞白湯，但係呢間新開嘅豚白湯令我覺得原來豬都可以做到咁濃厚嘅感覺！喺福岡之前都有見到有豚白湯，但係冇時間去食，到而家都有啲可惜，但係而家喺香港都可以試到，可以彌補到我呢個遺憾！下午茶吉列豬扒好大份好抵食。仲要唔使+1添～呢度嘅拉麵選用中粗麵條口感彈，令人一口接一口🤭半熟半熟蛋都好好食，仲有啲叉燒都唔錯！不過鍾意嘅人就會鍾意，唔鍾意嘅人就會唔鍾意，有啲人會覺得佢豬味濃，覺得有臊味🙂‍↕️

今日lunch叫咗極濃白豚湯拉麵，麵嘅質地偏淋同黏身，而白豚湯飲落只係似有咸味有泡嘅牛奶，兩樣一齊口感實在太黏口，未必附合大眾嘅口味。另外，需然冇加一服務費，但係lunch時間係冇提供lunch sets 㗎，所以想試嘅朋友仔要留意番呀。

失望肉有臊味，湯底唔香，位置唔好坐，飲品唔好飲唔會再有下一次光顧，兩片肉食咗一啖已經唔想食了，燒青魚有腥味同埋太乾太硬了，比想像中期望高了，價錢相比味道有差距🥹

上水廣場新店，位置在五樓，整層都是食店夠集中，試咗呢間新店食拉麵及日式飯，湯底濃郁，牛骨湯底幾甜，另外很多小食款式，蟹薯餅及串燒不錯，鰻魚燒烤得幾香濃，最後食埋忌廉卷蛋就大滿足