金香雞

营业中

休息中

本來係高峰樂園海洋天地係想食麥當勞既，但係無食一排好似貴左好多，反而麥當勞對面果間金香雞價錢比較優惠，之前又未食過即管試下。海洋公園全年會籍 85 折優惠，買兩個指定餐有套餐仲有熊貓雪糕批，揀左一個炸雞件、薯條配汽水（22 安士）餐，一個炸雞翼、薯條配汽水（22 安士）餐，再散叫左 2 串脆炸旋風薯棒。香脆的炸雞令人食指大動，炸雞件、炸雞翼、薯條全部都新鮮熱辣，特別係脆炸旋風薯棒，之前係其他地方未食過，非常惹味！最吸引一定係熊貓雪糕批，萌爆登場！呍呢拿味及朱古力雪糕配朱古力外層，好睇又好食！

🏷 炸雞翼套餐&炸雞件套餐🐥（$98/套餐）套餐包含薯條🍟、Häagen-Dazs雲呢拿雪糕、汽水🥤，配送布甸🍮（芒果味🥭or荔枝味）。雞翼和雞件嘅肉質尚算新鮮幼嫩，炸雞件外皮香脆可口，火喉適中，不太油膩；雞翼外皮炸得較為乾身，味道帶微辣🌶。薯條🍟厚身，但薯仔🥔味唔夠重。價錢方面：上年10月每個套餐售價只係$92，依家貴咗$6；不過之前要跟餐加$20先有Häagen-Dazs雲呢拿雪糕，而家包含咗喺套餐裹面，雖然size比之前果個細咗，但係依然都係抵食咗🐒。

我们在不算人很多的时候去的，这家相对旁边的麦当劳来说排队没那么恐怖，我们一人要一份炸鸡翅套餐，取餐之后我们发现座位非常有限于是走了好一段路，才勉强看到了一个有桌子但只能站着吃的地方，就感觉超级麻烦，餐品味道只能说，相比很多游乐区的来看好吃一些。

前幾日去海洋公園玩，都預左要係入面食嘢，隔離嗰位只係會食魚柳包，我就想食下炸雞。。難得入到來唔想食M 記，見又有$30 food coupon 就諗住試下呢度啲炸雞🍗, 一個set 有炸雞2件，薯條仲有汽水 $92/set ….. 拎左枝叉，一拮入去隻炸雞度發現拮唔入，心知不妙，唯有用手拎住來食，結果硬到核爆，真心覺得會咬崩牙！😒😒😒 個皮勁硬，入面都唔Juicy , 未去到好柴，但真心好硬😭😭 好在食完第二隻就好啲，無咁硬，不過都係乾，係咪翻炸再翻炸？啲薯條係粗而扁身，無薯仔味，無鹽味，無乜味，唔知食梗啲乜咁。。😒😒😭😭😭 汽水都幾大杯，正正常常一杯汽水咁。。。望住隔離嗰位食魚柳包，彷彿就係度嘲笑我做乜唔跟機食M 記，佢都有炸雞set , 仲平啲。。。😭😭😭😭😭真心靠錯左邊呀😭😭😭

小編買咗無限fun入場證，食嘢有85折（除咗麥當勞🍔，同埋Ciao Chow之外)另外，每個人都有一張30蚊現金卷，可以同85折折扣同時使用。我哋幫襯咗園內依間小食亭。📍香金雞 （海洋天地小食亭）🏷炸雞翼🐥、薯條🍟、芒果布甸🍮配汽水🥤（$92）雞翼炸得好夠火候，味道帶微辣🌶。薯條🍟比麥記嘅厚身；芒果布甸細細個；可樂汽水🥤好大杯。我哋仲加$20加咗個Häagen-Dazs雲呢拿雪糕。

位置：地圖K7，斜路盡頭的路旁邊環境：只有買野食既店（座位要同買麥當勞既人共用）服務：不俗價錢：貴過麥當勞一倍食物：整體唔錯👣👣👣👣👣👣👣👣👣👣👣👣👣👣👣👣👣👣👣海洋公園唔多餐廳開，大部份都12點先開。到食飯時間，如果冇訂位要walk-in等待時間一小時以上，夏日炎炎帶住一家大細真係頭都暈😂因為園內設計，必須兜遠路先去到呢間小食店，去到仲要自己搵位坐，但已經覺得係恩賜😅店內選擇唔多，但都有一個飯餐，如果有小朋友/老人同行係唔錯👍🏻買票入場既人士仲會有現金券可用，變相只係補少少錢就可以買到幾個套餐，有飲品，仲有jelley消暑😋呢間既炸雞同薯條都唔錯，少油少鹽，比較乾身。飯餐既肉，蔬菜粒，醬汁都唔少，旁邊仲配有薯條，小朋友都可以食到👍🏻佢地既粟米都幾甜，鐘意食粟米既人可以試下，如果仲食得落既話，因為一個餐已經好夠飽。

今日女朋友生日🎉🎉 唔係海洋公園玩簡直係一個常識🤣，因為生日免費嘛，正當我哋玩得好開心之際，覺得有少少肚餓🤤所以我周圍去搵嘢食🍽，大家都知啦其實海洋公園入面唔係太多選擇 🤷‍♂️，經過海洋世界嘅時候，見到呢間炸雞嘅鋪頭🍟🍿，女朋友話不如食雞，所以我哋就企咗喺度一陣間，睇下有咩食，企喺度嘅時候已經聞到炸雞嘅香味🤪我哋即刻揀咗，一個餐 同埋一個鹽酥雞🐥好快啲嘢就齊曬，我哋亦都搵到位坐，👍驟眼睇落去份量都算多🤩目測都夠兩個人食👫食落去雞都還脆嘅，但係又淡口咗啲，不過食得健康啲唔太鹹都好嘅🤣整體嚟講，炸雞都算有雞味加埋佢做特價🤑所以都算幾抵食👌🏼去到海洋公園不妨你呢間試下

well 今日來到海洋公園玩入場票價+飲食都預左要成千蚊無論去迪士尼也好海洋公園也好我都係食炸雞店 雖然呢幾年海洋公園擴張咗又多左好多室內餐廳 譬如 海洋館有餐廳 又有可以睇住企鵝食飯呢餐廳 但係想像得到 室內餐廳嘅價錢 真係好昂貴但退而求其次又唔想食麥當勞嘅話（ 麥當勞新地筒都要20蚊）就唯有熱少少坐室外買快餐相比一般街外餐廳價錢都唔平每個餐都要$112包薯條 一杯大汽水 一個芒果啫喱(?)再配炸雞/烤雞/雞翼/白汁飯其實夠曬飽仲食唔曬添搵好位去點餐 唔使排隊 即點即有 呢度都慳返唔少時間嘅茄汁啊鹽啊其它醬料手套飲管紙巾都係自助拎唔使問店員 小編就幾鍾意算係大方份量真係好多 大量粗薯條薯條真係乜調味都未小編總共用左大半包鹽同四包茄汁可惜嘅係可能當日人流少薯條一早炸定溫度同新鮮度都唔合格 啲薯條全淋又暖㗎炸雞就好得 唔會係kfc啲縮水雞咁細隻又熱又juicy放最尾食都肉嫩皮脆調味啱啱好 有jollibee感覺滿足滿足大家食完記得自己清理垃圾啊

入主題樂園食野就一定預咗比出面大概貴一倍，一個餐大約$11x ，好彩今次有coupon 可以平返少少。同男朋友叫一個餐當午餐墊一墊肚再玩過。金香雞在最舊的機動遊戲區附近，所以特別多人。大概排咗20分鐘，搵到長櫈食已經好好彩炸雞唔算好油，肉質未到嫩滑不過亦唔係好鞋，味道算不錯。薯條唔太似茶餐廳或連鎖快餐店那種，好似甜多少少。不過最大缺點係唔夠熱。。。雖然露天食已經好熱，不過食物唔夠熱會影響到香味。另外汽水無汽 變咗糖水。。

新年前去Ocean Park, 玩到咁上下見肚餓就去搵野食，但食飯時間間間食肆都排長龍。既然都要排隊，咁就唔排麥當勞啦，試呢間炸雞外賣店。我排完落單，再排拎野食，我諗我等候時間超過半個鐘。佢有幾個set都係雞配薯條配可樂配布甸。本身想試佢嘅燒春雞set,點知賣晒，咁就叫左炸雞件set同埋洋蔥圈同埋粟米（overall $150內）以價錢來說，係有點貴，但園區內食肆都係做獨市生意，所以都可接受的。因為園區太多人啦，搵唔到檯食，唯有行遠d坐矮牆食。炸雞，洋蔥圈同粟米都好正常，味道唔錯。我地就簡簡單單用炸雞解決我地嘅午餐。

去到海洋公園無啦啦想食炸雞😳🤤.呢一定要試試呢間👍🏻.一開始以為會好普通，因為外帶形式感覺會唔好食.抱住試下既心態😏.嘩！外皮好香脆，仲好juicy🤤🤤🤤🤤🤤.好食過KFC好多好多😬.薯條則普通...一個餐仲有芒果味jelly.foodiebuddy18.價值：$112.更多海洋公園美食👉🏻#kimmyfoodieoceanpark.環境❤️❤️衛生❤️❤️❤️人手❤️❤️❤️食物質素❤️❤️❤️❤️禮貌❤️❤️❤️午膳選擇❤️❤️❤️送菜速度❤️❤️❤️❤️座位數量 ❤️❤️❤️攝影環境❤️❤️.5❤️為滿分

烤雞好出色，香草味很香，且雞肉肉質十分嫩滑，同時亦很多汁，水準相當唔錯。整隻烤雞的份量也不少，再加上小食的話，相信兩至三人享用。除了烤雞外，還點了烤洋蔥圈及加了薯條，兩者表現平平，不夠熱及香脆。

每次行過「金香雞」都會聞到陣陣炸雞香味，今次終於決定要試下。以快餐店形式，點餐付款後拎食物，再去旁邊拎餐具、紙巾、茄汁、然後去附近枱櫈坐底食。炸雞翼套餐($108)套餐包含六隻炸雞翼，粗薯條，一杯汽水，未影得切相友人已拎左件雞翼食，雞翼味道吾錯炸到好香口，雞肉吾會好乾身，粗薯條偏淋身，份量都吾少。韓式炸雞鎚（$60/3件)叫左兩份，韓式醬汁可選辣或吾辣，六十蚊有三件系海洋公園泥講系超級抵，雞鎚大大件，外皮炸至金黃香脆，肉質非常嫩滑，一咬落去熱辣辣有肉汁流出，沾上甜甜地帶點辣既醬汁，好滿足，十分推介。是次消費$228，以海洋公園泥講尚算抵食，味道亦都吾錯，但夏天系到食應該會好熱好多蚊，加上位置吾多，假期應該無位坐。

黎海洋公園冇理由食麥當勞咁頹今次見有一間炸雞店 就揀左佢我地叫咗一份炸雞件同一份炸雞翼跟餐有埋一杯大汽水 有得揀雀巢檸檬茶正特別大贊個炸雞件 同KFC嘅炸雞完全唔同味個皮非常之脆 又唔會油膩到食到成口油雞肉質嫩滑 薯條仲係粗薯條 特別有口感另外估吾到炸雞翼有六件 以樂園套餐來講算非常之多 而且唔會炸到黑晒 賣相算吾錯不過所有套餐食物吾係即炸 吾算太熱 $108個餐以樂園黎計算可接受

早前到海洋公園哈囉喂玩優先場，3時左右到場，玩過一些攤位及機動遊戲過後打算找點吃的，然後就正式排隊玩鬼屋了。(題外話,幸好當天沒有到H14那間超恐怖鬼屋，由於當日還是第一天，還未有報章報道過鬼屋內的情況，看過報道後，實在無法接受！)玩過攤位後，到附近打點東西吃，其實每次也自然地到了「金香雞」，因為於眾速食店當中，算是較為特別的一間，而且價格上於園內說，是可以接受的。大至分為5款套餐，記得上次吃過燒雞餐，所以這次就試試炸雞～2號餐 （炸雞兩件+薯條+汽水）炸雞大大件炸得熱辣辣，脆皮炸得金黃鬆脆，賣相甚佳，試試下脾，脆皮鬆脆非常，咬下去時發生卜卜聲的！繼而流出肉汁，粉嫩色的雞肉香嫩非常，肉質意想不到的滑膩，而且味道適中，不會出現過咸的情況，質素比大型連鎖炸雞店好，雖然這個套餐也需要$70多元，但與園內其他餐廳作比較，其實不算昂貴，以其質素來算，也感到難得了但美中不足的是粗薯條已預先炸好，可能已擺放了一段時間，所以變得較為淋身及油膩，其實份量蠻多的，薯味亦不錯，實在有點可惜，快快吃完後又再開始行程了～