金香雲南米線 (已結業)

餐厅：金香云南米线 (深水埗)地址：深水埗九江街140-142号华苑地下A&B号舖1️⃣ 蒜香猪颈肉米线 $33咁啱经开，见到有下午茶，仲要包汔水，结果就入咗去试吓。米线跟清汤，唔算好特别，如果汤底唔系咁清嘅话，我觉得会好食好多。不过估唔到猪颈肉系分开上，而且系满满嘅一碗，我计过起码有十片，蒜香味道都几惹味，仲要跟埋饮品，呢个价钱都算系唔错。…查看更多

饺子无味汤底难饮重味精。谂住帮衬小店。点知变浪费食物。最后煮合味道杯面。今日叫左外卖。无餐具、醋、辣椒油。等外卖等左好耐。都算。饺子都未熟晒。饺子皮仲系食到粉。馅料唔多。完全无味。谂住个汤可能可以救一救。唔好食都食埋佢啦。点知谂住唔会死既蕃茄薯仔汤底都可以好难饮。饮左两啖已经感觉到味精好重。好颈渴。最后只好放弃。掉晒佢地。食合味道杯面无咁嬲。我无试米线。可能佢米线会好啲啦。佢可能考虑主力做米线。唔好再卖饺子。食饺子都系食返山东饺子或者家后好过。…查看更多

自从最爱食的《云贵香》无咗，就好少食米线... 好怕d食完劲口喝又死辣...所以深水埗某几大的米线店都甚少会食...呢间食过几次，觉得老板娘都有心做，d菜芯切得幼细，通常出面果d菜芯都系成条上，好少会咁细心，米线味道几好，唔会死咸死辣，又有d得特色菜！最出色系云南豆花捞米线& 青花椒麻鸡，青花椒麻鸡个汁捞米线都好未！！👍🏻👍🏻小朋友食清汤的都觉得好味，仲有杯菊花玫瑰蜜都值得推介！👏🏻👏🏻…查看更多

九江街金香云南米线 (新开)长沙湾啲米线店都几多，最近又开多间，咁梗系要试试佢啦点左烧猪颈肉，猪骨汤底烧猪颈肉正常，边位都够脆而个猪骨汤都够浓，奶白色，饮落仲微杰，好明显新开打造口碑，真系唔可以Hea，啖啖都有猪骨味其余配料有韭菜、腐皮，芽菜，芫茜，葱花，同最紧要，有免治猪肉，即系猪肉碎粒粒，有猪肉碎粒粒嘅米线，口感系香好多所以我都成碗连汤食哂，绝对唔系伏店，最紧要，价钱都抵食下次有机会试埋佢个麻辣汤底…查看更多