影片
食记 (7)
青木瓜沙律做头盘醒胃酸酸甜甜好好味,卖相又靓.蒜茸包就麻麻!可能食咗浓味青木瓜沙律先,所以觉得冇蒜味又唔系暖!问仕应有冇素食?佢介绍咗哩个杂菜鲜菇蛋炒饭俾我,唔油好食.嗌咗啲嘢饮唔记得叫乜名!仲有晚饭后送嘅甜品,鲜椰青水晶糕,几好食.订咗四位八点半,唔系太多人唔糟,嗌咗五个嘢食,两肉三素,送咗个甜品,一共六个嘢食,四杯嘢饮.四百元有找,平均每人一百元.服务唔错,有问必答.
继续阅读
除夕夜同女朋友去食饭，女朋友想食泰国嘢，所以就嚟咗呢度喇。整体来说味道很不错，蚝仔蛋包饭多蚝仔，炒通菜味够浓，黄咖喱牛腩个咖喱汁又好味，只系觉得牛腩嘅份量就少咗啲。
继续阅读
周末去边度食野都咁多人, 所以就去大元村美食广场~ 本想去新意, 不过老豆想食泰国野, 就入左呢间...入到去望望餐牌... 弊了, 样样野都好贵下, 系令人冇意欲去点果只, 所以最终叫左三样碟头算数.先黎海南鸡饭, 系几好食, 个酱汁令人有食欲, 不过太细碟了湿炒河用窝上, 唔差, 但又系太细窝了冬荫功炒饭, 够香够味唔太辣, 不过都系太细碟了餐包括饮品, 叫左三色冰及红豆冰, 各加8蚊, standard野冇特别呢间会比较适合女仕或学生帮衬, 泰式布景环境不俗, 下午茶几丁友聚埋叫杯野吹下水倒也不俗, 但若果要食得饱就唔好去呢间另外要赞的是老板娘十分好礼貌
继续阅读
呢度已经唔系我第一次帮衬, 平时食lunch有时都会嚟呢度, 炒粉面同海南鸡饭都食过, 不过自己实在太懒, 相愈储愈多, 都系时候清清佢, 当然, 呢间都系一间非常值得称赞嘅食肆。 5月18日晚上, 朋友回到大埔娘家, 顺道一齐到附近行街街, 朋友问去边食好, 选择(1)梦工房, (2)金香, 两间朋友都未去过, 就先去较近的金香睇睇餐牌, 见啱心水就入去2位女士食量有限, 见散听同套餐价差唔多, 就决定散叫餐:1. 马拉盏炒河(碟头餐+$6转特饮椰汁红豆冰)2. 虾酱炒通菜3. 腌生虾4. 冬荫公(细)炒河食落一d都唔觉油, 碟头份量冇咁大碟, 啱晒2个女仔食, 炒得均匀, 有镬气, 唔错炒通菜虾酱味唔算好浓郁, 不过冇咁多虾酱就唔会过咸, 我自己几中意, 不会食到咸到"嗱"咀腌生虾, 朋友同我主要为咗佢先入去食, 因佢平过出面好多, 50蚊有找就有一碟, 出面九龙真系唔驶旨意用嚟个价钱食得到, 唔好以为平就冇好野, 虾肉好厚身, 仲好爽, 系新鲜果种爽同弹牙, 唔系化学过, 不过唔知点解有8只虾, 9个虾头???虾头经过炸香, 好脆口, 直情成个食都得, 送酒就一流, 呢味系必食之选冬荫公呢度做得唔错, 入面有几只大虾, 都几鲜味, 但就唔系太辣, 可能佢蕃茄落得比较多, 中和咗d辣, 饮时亦都唔会太呛喉, 正唔正宗我唔知, 不过老板娘就系正宗泰国人黎, 仲好nice添架椰汁红豆冰饮过出面好多, 但好多泰越菜馆都唔掂, 成日沟水沟到淡晒, 仲要加钱, 呢度就冇偷工减料, 满足晒我呢个椰子怪入面仲有好多野都好似好正, 而且平过出面好多, 可能始终做街坊生意, 但水准真系唔错, 下次要约多d朋友黎食先可以试晒我想食嘅野, 好似明炉乌头($5x), 泰式烧鸡, 猪颈肉等等, 睇黎我好快就会再去帮衬lu~
继续阅读
我今日又放假喇,庆幸无人得闲陪我,先俾我无啦啦揾到d好野食...训到黄朝百晏,成两点先走落街揾野拜下个五脏庙,系大埔中心行左几个圈都无咩心水,人又多(因为礼拜日),突然灵光一闪,不如上大元村美食广场碰下运气.一上到去,都有唔少舖头,死啦,食边间好呢?依...越南野wow,就入去博一博....下午茶时间,大约19-2x蚊啦,有饭、汤粉、小食...包热饮,冻饮就加2,特饮就加6..睇左一阵,好,就叫个"香叶辣椒肉碎炒饭"同一杯"冻柠茶",冻柠茶到先,味道唔系咁好,主要系d茶唔系咁得,不过我都预左,饮咁耐都只系o系茶餐厅先饮到好好味o既冻柠茶,呢样唔计入评分之内,个饭到喇,依...份量少左d wow,我都预左下午茶可能会少d份量,但都俾预期中少,好在唔系太肚饿,唔系饿鬼投胎个种,一食落去,ok wow,炒得好香,无因为下午茶时段就求其炒,而我意料不到o既系竟然系屋村美食广场有d咁好食o既野...晚餐我就未试过喇,不过我拎过佢d menu o黎睇,价钱同其他越南餐厅差唔多,无因为佢身处系屋村而平左,我都会揾日夜晚o黎试下,但我建议最少4个人先好o黎试,如果唔系食唔到好多野,顺便提下大家,呢个美食广场有免费泊车优惠,但详情就唔系咁清楚,因为我系无车阶级....P.S. 呢次食评只系讲下午茶,下次试完晚餐再讲俾大家知啦...
继续阅读