影片
以上资料只供参考，请与餐厅确认详情
食家推介
-行完观塘工厦又唔知食咩、最后拣咗金饭馆食佢最出名嘅炒饭，下面全部饭都系炒饭底本身我都打算叫猪扒饭、见到其他枱嘅成品都系成座山咁😂，为咗减脂最后我叫咗虾头油炒饭，炒饭炒到十分干身，除咗虾仁、大量樱花虾同埋蚝之外，本身个饭都虾味十足食落非常过瘾，同时我亦都加咗$15去食佢嘅兰王蛋，单点另上几贵🙂，食完我觉得冇咩特别可以唔使加只蛋冻柠茶好彩唔系手打柠檬茶、而系茶餐厅普遍嘅冻柠茶，茶底都好够味，唔会好多冰☺️之后我有同其他朋友交换食，黑松露炒饭，有少量带子粒、虾仁同白菜一齐炒，黑松露味唔会话太过出，相对起其他炒饭，有点逊色即炸猪扒㶶边兰王蛋饭，逢亲有猪扒嘅炒饭，都系好似成座山咁，得呢一个饭系包埋兰王蛋，猪扒炸到非常脆身、亦都系超级厚身大件，成个饭简直就系邪恶嘅化身，只系椒盐猪扒太过出色、太过入味椒盐猪扒饭都系炒饭底，成品非常澎湃，系避风塘风格嘅炸猪扒，十分惹味，作为脂肪达人我好钟意呢个😙脆皮牛腩饭系过瘾嘅组合，完全冇办法想像点样谂到呢个组合，炒饭底就唔多讲，佢个炸皮系好食嘅，牛腩肥瘦均匀够淋都系好食，但我觉得成个组合唔夹，怪怪的最后我哋七个女仔叫咗七个饭都系食唔晒，老板一直好热情同我哋倾偈，后来发现其实每人最低消费唔一定要每人一个饭😂-▶︎招牌虾头油炒饭 | $78▶︎㶶边兰王蛋 | $15▶︎手搅柠檬茶（冻） | $8▶︎黑松露炒饭 | $78▶︎即炸猪扒㶶边兰王蛋饭 | $78▶︎即叫即炸椒盐猪扒饭 | $78▶︎脆皮牛腩饭 | $88 配咖哩汁--🏠【金饭馆 Golden Bowl】📍牛头角牛头角道323号地下J号舖📍旺角广华街38号地舖🕑星期一至日 11:30 - 22:00
继续阅读
金饭馆嘅招牌虾头油炒饭真系令人一试难忘！炒饭炒得粒粒分明，唔会黐埋一旧，口感一流。𩠌料方面绝对唔手软，有蚝仔、大虾、虾仁、樱花虾同带子粒，层次丰富又惹味，虾头油香气扑鼻，令人食到停唔到口。份量方面都好有诚意，一碟够两个人分，性价比极高，值得推介！至于芋头腊肠粒炒饭就稍为逊色啲，虽然炒饭都系粒粒分明，但芋头炸过再炒，口感偏硬，冇预期中咁绵密。不过腊肠香味都几突出，整体都算好味，只系比起虾头油炒饭就冇咁惊喜。总括而言，金饭馆嘅炒饭系列值得一试，尤其系虾头油炒饭，真系食过会想再食！
继续阅读
嚟到牛头角金饭馆，正路唔使讲，一定系食佢嘅招牌菜，葱油香煎猪扒兰王蛋配炒饭，但系今日我奇兵一路试食佢嘅限量下午茶，爆茜王酒鸡子米线，一嚟到唔使讲嘢影相先，鸡子见到都兴奋，全部大大粒，唔系细细粒𠮶啲，系个口入面爆开，𠮶种感觉，非笔墨可以形容，通常打边炉嘅时候会含一啖啤酒，咁样咬爆鸡子冇咁烫口，而家饮住冻奶茶一样有咁嘅效果，其他出名嘅小食当然唔使讲啦，好正，离开牛头角嘅朋友一定要嚟试下呀，一定冇介绍错。
继续阅读
牛头角呢间有些少人气既金饭馆，弛名椒盐猪扒饭，今日下午茶时段到店，冇乜食客，相比我上次午餐时段到店，要在店外排队，有好大既差距。㨂了张二人枱坐低，望一望个餐牌，虾头油炒饭食过，龙趸炒饭又食过，系呢个椒盐猪扒饭就未食过，咁就一于点佢。讲真佢呢碟椒盐猪扒饭真系好大碟，猪扒又多炒饭又多，炒饭干身合格，猪扒啖啖肉，系就味道方面比较淡口，饭同猪扒都系。整体一般满意。口味：🥚🥚🥚环境：🥚🥚🥚🥚服务：🥚🥚🥚🥚性价比：🥚🥚🥚
继续阅读
见到呢排几hit特登去牛头角食呢间炒饭👉🏻即叫即炸椒盐猪扒炒饭 猪扒真心几正，咬落仲有肉汁，椒盐调味刚刚好。炒饭够镬气，份量超大，两个女仔share都够食。唯一扣分系炸蒜多到有啲抢戏，少啲就更好下次会再试试其他炒饭👉🏻沙嗲三宝换购价$38。但伏！沙嗲味唔香浓，有鱿鱼、猪皮、牛柏叶冇咩口感，冇咩味🙂↔️🙂↔️🙂↔️👉🏻樱花虾菜心不过不失，菜心够嫩，樱花虾装饰。咁啱要碟菜食可以一试。
继续阅读
您可能会有兴趣的...