影片
以上资料只供参考，请与餐厅确认详情
喺牛头角凭著椒盐猪扒饭赢尽口碑嘅炒饭专门店金饭馆 最近喺港岛湾仔开设第3间分店🤩 继旺角金饭馆2.0肉饼焗饭专门店，金饭馆3.0就主打咖喱及干炒牛河‼️ 餐厅将茶餐厅美食升级为新店推出3款新菜式，包括：古法焦糖干炒牛河、咖哩蛋炒饭、自家制原粒干鲍鸡粒砂锅饭，每款菜式都即叫即做，热辣辣够哂镬气🔥咖喱吉列猪炒饭 : 炒饭炒至粒粒分明，干身又弹牙，佢哋每粒米饭都系被蛋汁完美包住🥚；而咖喱酱汁加入独门配方🍛，用上泰式香料🇹🇭，味道会较为清新，带点辛辣，捞饭食好刺激。吉列猪扒亦都好大块又厚身，即叫即炸，炸到外层酥脆，内𥚃松化又可以锁住肉汁，配埋㶶边半熟兰王蛋🍳，够哂邪恶😈古法焦糖干炒牛河: 小店以创新手法加入焦糖作为调味制作岀呢碟干炒牛河，入口带甜香微焦但又唔觉得腻，份量亦好惊人，见到枱枱有叫都要打包😱 用上新鲜牛肉，肉质鲜嫩又唔会好肥；再加入泰式芽菜、蛋丝、紫洋葱等炒香，当然唔少得㶶边半熟兰王蛋，蛋汁香浓～砂锅啫啫腐乳椒丝生菜煲: 以砂锅啫啫烹制，镬气十足，好惹味～
继续阅读
听朋友介绍，收工得闲就过黎食～幸运地不用排队排长龙，很快就有位坐～一入到门口就问到旁边位岩上台嘅炒饭，超级香😋😋就于是就叫了个虾头油炒饭【🔥镬气十足！一试难忘的完美炒饭】 炒饭一上桌就闻到浓烈嘅镬气，香气扑鼻，瞬间打开味蕾～ 米粒分明金黄，干身唔油腻，每粒饭都均匀沾有炒蛋，仲有小虾米，真系镬气逼人食落啖啖有口感兼满足。 如果钟意食炒饭，呢度绝对系必试之选！满分推荐🌟 然后仲有「金饭馆3.0」嘅招牌 **古法焦糖干炒牛河**，一上桌就闻到独特嘅焦糖香气混合传统镬气，甜香微焦却毫不违和，瞬间勾起食欲！ **镬气十足唔油腻**：碟底几乎无多余油分，河粉干身分明，焦香边缘带微微脆口，证明师傅火候控制功力深厚！ 整体评价：呢道菜完美演绎「传统与创新碰撞」！焦糖嘅甜香非但无破坏牛河传统风味，反而提升整体香气同层次，令人食过返寻味～搭配镬气十足嘅炒功同优质食材，绝对系「轻奢版」干炒牛河嘅代表作！最令我难忘嘅系「虾酱生菜锅」就是镬气与浓香的极致合体！一上桌那股霸道虾酱香气就攻占我地，咸鲜浓郁中带点焦香，真系未食先流口水～ 生菜炒得恰到好处，爽脆得嚟不失水分，挂满浓稠虾酱汁，入口先是咸香冲击，随后鲜味同蒜香慢慢渗出，夹杂啖啖虾膏香，邪恶但极度满足！ 师傅功力深厚，火候猛而不焦，虾酱均匀包裹每片生菜，咸度调得刚好，送饭一流！热辣辣上枱时滋滋作响，镬气十足，食到最尾都仲系暖笠笠～ 钟意重口味嘅朋友必点！风味浓烈又够镬气，绝对系白饭杀手🍚✨ 分量够大，而且最近要价钱合理，真心赞&推荐呀
继续阅读
干炒牛河专家，去试下，叫咗个招牌菜「焦糖干炒牛河」，盛惠港币98蚊，𠮶女侍应将碟嘢一上枱，面头只荷包蛋成只瀡落枱面，𠮶女侍应拿拿声将碟嘢攞返入厨房，之后摆返只蛋喺面，只蛋卖相完全接受唔到，收咁嘅价钱，唔系哗，忍唔到，叫佢换过只蛋，第二只，感觉好啲，好，开始食嘢，成碟嘢普通过唔普通，我觉得「太兴」重炒得好食过佢，咁卖98蚊......无语！又踩坑！拿拿声食埋佢，埋单，走人，无下次。第一次写食食评，忍唔到，发泄下！
继续阅读
咖喱炒饭底，可以一试。贵价干炒牛河….有哗一声嘅价钱，但味道唔够惊喜…而且镬气🈚️晒，上黎有d冻左了，感觉就有d伏，因为系餐厅主打推介，好易令人期望过高嘎！lunch time 人较多，但上菜都唔算等太耐。总体而言料系足够的，份量都几够大，多人食可以share，一人份量够晒饱⋯⋯但味道系偏甜，喜欢食甜的朋友可能就OK啦，但个牛河越食就越甜，感觉好奇怪呀⋯⋯😅😅😅，整体价钱都系偏贵了，应该唔会有下次了⋯⋯
继续阅读
如果成世人只可以食一间茶记，唔使谂一定拣呢间🤣 干炒牛河尤其出色，其他菜式都好正🙌🏻❝ 古法焦糖干炒牛河干炒牛河份量大得过分，餐牌张相细细碟，点知嚟到成座山咁高，差啲想举报佢违反商品说明条例🙂↔️牛河炒得干身香浓，酱汁渗入每条河粉，咸中带少许焦甜，加入葱花同蛋配搭又几清新✨冇谂过自己会比一碟干炒牛河惊艳到，但呢碟真系令人回味无穷！😋❝ 咖喱吉列猪扒饭吉列猪扒大到见唔到个饭🤣🤣因为挂住影相摊咗阵先食，本身仲有少少担心冻咗唔好食，点知微暖依然皮薄酥脆，肉质软嫩🤤 如果热辣辣食应该再正十倍🔥仲有另上香浓咖喱汁，微辣中带椰香，配上粒粒分明嘅炒饭底，真系会忍唔住食咗好多！🌶️❝ 沙嗲牛肉面沙嗲汤底浓郁香辣，牛肉片薄而嫩滑，吸尽酱汁精华。下午茶时段仲有无限任添沙嗲牛放题（限时一个钟），大胃王可以挑战吓🤪❝ 砂锅生菜煲生菜清甜爽脆，食得出系用靓料👍🏻 汤底温润，生菜吸满砂锅嘅浓郁汤汁，健康又暖胃的🥬❝ 慢煮瑞士鸡翼相比其他菜式，瑞士鸡翼就冇咁惊艳，不过依然好好食！如果干炒牛河攞A+，瑞士鸡翼都有A-🤣鸡翼经慢煮入味，肉质特别软嫩，而且每只都好多肉，掂㖞💪🏻
继续阅读