影片
以上资料只供参考，请与餐厅确认详情
喺牛头角凭著椒盐猪扒饭赢尽口碑嘅炒饭专门店金饭馆 最近喺港岛湾仔开设第3间分店🤩 继旺角金饭馆2.0肉饼焗饭专门店，金饭馆3.0就主打咖喱及干炒牛河‼️ 餐厅将茶餐厅美食升级为新店推出3款新菜式，包括：古法焦糖干炒牛河、咖哩蛋炒饭、自家制原粒干鲍鸡粒砂锅饭，每款菜式都即叫即做，热辣辣够哂镬气🔥咖喱吉列猪炒饭 : 炒饭炒至粒粒分明，干身又弹牙，佢哋每粒米饭都系被蛋汁完美包住🥚；而咖喱酱汁加入独门配方🍛，用上泰式香料🇹🇭，味道会较为清新，带点辛辣，捞饭食好刺激。吉列猪扒亦都好大块又厚身，即叫即炸，炸到外层酥脆，内𥚃松化又可以锁住肉汁，配埋㶶边半熟兰王蛋🍳，够哂邪恶😈古法焦糖干炒牛河: 小店以创新手法加入焦糖作为调味制作岀呢碟干炒牛河，入口带甜香微焦但又唔觉得腻，份量亦好惊人，见到枱枱有叫都要打包😱 用上新鲜牛肉，肉质鲜嫩又唔会好肥；再加入泰式芽菜、蛋丝、紫洋葱等炒香，当然唔少得㶶边半熟兰王蛋，蛋汁香浓～砂锅啫啫腐乳椒丝生菜煲: 以砂锅啫啫烹制，镬气十足，好惹味～
继续阅读
咖喱海鲜炒饭味道可以，但系要等左至少半个钟先有得食，入边仲好冻。已经好早落单，但都等左成40分钟先有得食。所以建议最好预留足够时间，两三人聚餐比较适合，一个人午餐就唔好去啦
继续阅读
OT到20：00, 谂起依间新开嘅茶记，就决定嚟食个快饭； 坐低20：26， 用手机落好单就等嘢食，见好耐都唔嚟，问其中一个员工话炒饭要等耐啲，点知跟住见佢出餐，迟嚟过我嘅都已经有得食就系冇我份，已经好肚饿嘅我等到20：50忍唔住同另一个员工讲，我只会等多5分钟，唔嚟嘅可以唔洗嚟喇，佢先入厨房问话3分钟有，跟住我真系睇住手机个钟等，好彩佢冇呃我真系三分钟到。讲返我叫个饭---咖喱肉饼煎蛋炒饭，份量好足，两个女仔食都够饱，咖喱汁系另上嘅，个味偏咸，但因为另上嘅关系可以自己控加落饭嘅量所以都还好，味道就一般啦，冇萤光咖喱咁hea但都冇印度咖喱咁香，个饭就真系炒得好干身，啱钟意食爽饭嘅人，对我嚟讲就有啲太干，不过笃穿咗上面只兰王蛋捞埋就即刻好食咗，而个肉饼就好厚，可能因为要煎好耐先熟所以两面都偏干，里面肉汁就无乜架喇，感觉似比较干嘅汉堡扒。如果唔洗等咁耐，佢应该都系一个唔错嘅选择。
继续阅读
之前一直都有食过，路过见到系湾仔都新开咗😝干炒牛河牛河用料同镬气超足！牛肉一D都唔老非常嫩滑🔥咖喱吉列猪扒饭猪扒外皮酥脆挚爱佢哋家咖喱！！好送饭！！！😋瑞士鸡翼鸡翼好易脱骨，炖得好霖🤩瑞士汁一定要试下捞饭！！真系正到爆啊！
继续阅读