金飯館貳·零 肉餅·焗飯專門店

营业中

休息中

成日都唔知旺角有咩好食🤡誤打誤撞之下，搵到呢間餐廳👻立即點我最鐘意既肉醬飯🥹🥹🥹超好味！個飯底好有心！係蛋蔥粒炒飯，粒粒飯都好香🥚🍚仲要加隻蘭王蛋🍳🍳🍳🍳🍳肉醬既酸度剛好，再加有啲洋蔥粒，無咁寡🥹🥹🥹另外我地仲叫左一個咸蛋黃肉餅飯，都係好出色🥹🥹🥹只係六七十蚊，係旺角區黎講，真係算係咁🥹🥹要好好守住🥹🥹🥹🥹繼續用心做好啲食物會繼續幫襯的，加油💪🏻💪🏻💪🏻

呢間金飯館位置有點偏，遠離熱鬧嘅旺角唔熟路真係要兜下先到12點20到都坐滿咁濟過多陣已經要門口排隊*叫左出名嘅肉餅飯黑松露墨魚肉餅飯 $62有燶邊蘭王蛋 蔥油 同厚度十足嘅墨魚肉餅蘭王蛋煎得一般，有部分蛋白位未熟就起蛋黃全流心唔係好食得出蘭王蛋嘅蛋味墨魚肉餅有好多墨魚粒，爽口彈牙 增加左口感肉餅亦充滿肉汁 唔乾 因為有墨魚 肉餅口感彈牙外表有煎過 但唔係脆口 不過唔脆無咁乾都係唔錯嘅至於黑松露同個肉餅唔多夾只有香味 食落無咩黑松露味唔要呢個醬都唔影響肉餅嘅美味個醬有小小多餘😅飯邊有小小菜併碟個飯一定要加枱上嘅醬油加左醬油味道更好不過碟飯比想像中細女仔可以，男仔建議食炒飯，大碟好多*呢到咩都即整，所以起碼要等10分鐘先有野食要耐心等候而且上菜起時限45分鐘*QR code 落單免加一

之前已經見到呢間好吸引 咁啱今日同同事食晏晝就去咗試吓 招牌沙嗲牛肉雙蛋炒飯 沙嗲牛肉炒飯都幾有新意 喺出面暫時未食過 不過個炒飯就有啲普通冇乜驚喜，有啲似楊州炒飯 另外沙嗲牛幾入味，但有少少花生香味 不過價錢就偏高喺旺角區嚟講 另外芒椰奶茶 味道冇乜特別 價錢都係我同同事可以接受嘅範圍，

可能多人排就心紅了，排了半個鐘，出黎講句無晒牛肉就算，大家真係要有時間唔怕浪先好去排！ 唔係唔俾你賣晒，係咪見到咁長龍，都可以預下份量同人數，盡早同人講聲，而家係，排龍頭果個都在龍頭企左一排佢先出黎講，話無就無！

成日經過旺角見到一間新開好多人排隊，主打炒飯嘅餐廳，今日終於去試下。裝修好有茶記嘅感覺，有卡位同圓枱，繁忙時段係需要同人搭枱。🔶蝦頭油炒飯 高水準嘅炒飯，飯粒粒分明，份量足夠兩個人亨用，有蝦頭、有好大粒嘅蠔，仲有櫻花蝦，食落好有鑊氣！不愧係必食推介🔶蜜桃鮮茄焗豬扒飯 坊間好多嘅焗豬都選擇用菠蘿，但金飯館用蜜桃🍑，令到酸甜剛好。🔶即炸三寶丸(沙嗲汁)$26 唔知係咪當日太多人叫，只食到兩款丸，第一款係墨魚丸，第二款係牛丸。牛丸相對較為出色，好重牛肉味，配搭秘製沙嗲汁，增加另一種風味。金飯館2.0 性價比高，選擇種類多，下次再光臨想嘗試刈包。

收藏已久，今天放假終於有機會一試！準時開店到，裡面有三四桌客人仲早過我😆沙嗲牛肉雙燶邊蘭王蛋飯 $78沙嗲醬香濃有粒粒花生口感，炒飯做底，飯量不多，大概是一人份量，牛肉質地嫩滑，相當不錯古法鹵扣肉刈包 $58扣肉一大片，質感較厚實，個人喜歡較軟腍口感跟包食，一口咬唔開，少少麻煩但味道搭夠配料還有酸菜、台灣腸片感覺就似食左碗輕盈版滷肉飯😆店舖還有提供豬油、醬油和茅台醬在每枱上供客人自行添加，非常貼心餐牌仲有好多菜式想試，會再來😉

前排睇社交平台發現有foodie推介金飯館嘅下午茶，意外發現自己好想試吓佢哋嘅肉餅飯，就即刻搵個大食嘅朋友一齊去試試！知道佢哋第一分店喺牛頭角，但對我嚟講唔太方便，所以試旺角分店吧～適逢假期同踩中lunchtime，等咗大約10分鐘有位 (搭枱)兩條友仔乜都想食，最後叫咗2個主食＋炒腸粉＋每人一杯手搖～ 雖然睇openrice好似無乜人叫炒腸炒，但本身我哋兩個都好喜歡炒腸粉，不妨一試吧！唔係講笑，真係好好食😆😆 每條腸粉都沾滿炒蛋，蛋味香濃，沙嗲牛肉牛肉滑，沙嗲味香濃但唔咸，正！秒清😂下個到場嘅係蔥油肉餅飯～  厚厚嘅肉餅配上流心蘭王雞蛋，性價比算高的肉餅肉質鬆軟，外脆內軟的，味道剛好，感覺似食緊獅子頭⋯⋯ 蔥油撈飯唔錯，個飯底亦唔會好油～ 雞蛋煎得香香脆脆，連肉餅一次過送入口，正！重點推介：蝦頭油炒飯！一嚟到嚇咗一嚇⋯⋯咁大碟嘅 點食😂😂😂 賣相本身已經好吸睛，好足料，一翻起勁香蝦頭油味！啲飯炒得夠乾身，每粒都沾上滿滿的蝦頭油同蛋漿，口感香味十足～配料有蝦、帶子、蠔仔同海量櫻花蝦，啖啖飯都跟到少少配料～肉餅飯同炒飯兩者相比之下，肉餅飯明顯顯得遜色，好彩我哋係先食肉餅😌😌

由細到大超級愛肉餅飯，金飯館肉餅一直享負盛名，馬上去體驗一下，果然名副其實，沒有令我失望👍🏻👍🏻👍🏻。蝦頭油肉餅飯 $68即叫即煎，色澤誘人，賣相十分吸引 。肉餅厚度猶如大型漢堡扒🤩，非常夠份量。一口咬落去啖啖肉，肉餅結構緊實，肥瘦比例恰到好處，層次分明，每一口都充滿了肉汁的鮮美。最令人驚喜的是鮮味十足的蝦頭油🦐，聽聞是店家獨門秘製㊙️，炸蝦取油再加添乾蔥及蒜蓉於其中，更同時搭配著大量的櫻花蝦，故更添風味，香氣四溢😍😍。大大隻橙紅色蘭王蛋鋪面，令人食慾大增😍。一羹𠝹開，美味可口的蘭王蛋汁立即包裹著飽滿的飯粒，搭配店家的秘製豬油，淋上一圈，獨特的香味和豐富的口感，令人欲罷不能。X記瑞士雞翼（五隻）$42雞翼肉質滑嫩，瑞士汁濃郁香甜且可口，這樣的最佳組合，食到我舔舔脷😋。下午兩點到店，仍然大排長龍，可見十分之受歡迎。想吃的朋友，請預留好一定時間😊。@big_big_foodie

朋友介紹話有間餐廳嘅太陽蛋送飯好好味，話要帶我去encore一下，於是就帶咗我嚟廣華街嘅金飯館！我哋就揀咗幾樣嘢食啦, 黑松露墨魚肉餅飯: 呢個係朋友大推嘅肉餅飯,肉餅係即叫即煎而且好厚身，入面食到一粒粒嘅墨魚，仲有翠玉瓜,食落唔會覺得油膩,而且好有口感, 蘭王蛋嘅蛋汁撈埋白飯同埋肉餅一齊食好滿足！蔥油香煎雞扒蘭王蛋配炒飯: 雞扒係即叫即煎嘅,外皮炸得好香脆入邊仲有肉汁,配埋餐廳不能錯過嘅炒飯底,炒飯粒粒分明好乾爽,蘭王蛋橙紅色嘅蛋汁不能錯過,蛋味十足,配埋蔥油一齊食,我哋鯨吞晒成個炒飯！即炸三寶丸: 三寶丸有豬肉丸牛丸同埋墨魚丸, 配沙嗲汁！其中墨汁墨魚丸比較出色！好有口感！最後配埋一人一杯阿薩姆珍珠奶茶！捧住個肚得出門口

呢到好旺場! 星期5晚8點幾黎到都要排隊，大家要食真係要預早D黎。由於呢到係即叫即整，所以要比D耐性等食物。黑松露墨魚肉餅飯呢到最出名係肉餅，一定要叫一款黎試試，隻蛋煎得好靚，有燶邊。肉餅好厚，好足料，平時比較少見黑松露口味，有種fushion既感覺。黑松露醬鋪曬係肉餅個面到，撈飯食都好好食。咬開肉餅入面仲有翠玉瓜粒，有多重口感，食落又冇咁膩。仲可以自行調味，加豬油同埋豉油！蜜桃鮮茄焗豬扒飯炒飯底加分! 蜜桃好甜。豬扒大大塊，吸曬蕃茄汁，好食! 而且上菜時係熱辣辣，好正!另外都叫左款小食，炸燒賣，呢到係配沙嗲汁，好惹味。

旺角的金飯館跟牛頭角不一樣，主打肉餅和沙嗲牛肉。近日他推出了沙嗲牛肉放題，可是只有星期一至五下午茶時間有，我們每次都是週末來，下午茶時間試試不是放題的沙嗲牛也很幸福。沙嗲牛肉群組推薦這裏的沙嗲牛肉麵，據說湯底十分濃郁，今次來一試究竟。我平常很喜歡吃很濃郁湯底的沙嗲牛肉，這裏的湯底算是濃郁，但比起我很喜歡的其他茶餐廳的沙嗲牛肉麵又不算太濃。牛肉入味嫩滑，也是個值得推薦的沙牛麵。而黑松露墨魚肉餅飯很驚喜，豬肉餅裏面的墨魚增添口感，豬餅厚厚一塊很滿足，上面鋪上層黑松露醬香氣撲鼻，旁邊加上一隻煎得焦香的蘭王蛋，再自行添加豬油和醬油拌飯，實在太邪惡了！據說碗底有抽獎遊戲，大家記得把它吃完喔。另外，這裡還有台式飲品供應，我們點的椰芒奶茶，喝起來有點像楊枝甘露，十分好喝，飲料也毫不遜色。

朋友知道我喜歡食煎肉餅，介紹旺角一間小店, 除咗主打肉餅飯之外，佢哋焗飯更是必點之一。餐廳位置在旺角廣華街「金飯碗」好容易找到。裝修設計都係茶餐廳格局，份外親切。打開餐牌淨係肉餅飯都多種選擇最後我揀選咗老闆推介黑松露墨魚肉餅飯 $62肉餅即叫即煎，厚身彈牙，仲食到墨魚粒，口感鬆軟。再加上燶邊蘭王疍更提升味道。蘭王蛋價錢比一般蛋高，蛋黃呈橙紅色，色澤光亮，而且蛋香非常濃郁，茶餐廳用上蘭王蛋我都系第一次見。是餐牌必食之選蜜桃鮮茄焗豬扒飯 $78滿滿的醬汁及拉絲芝士好吸引，蜜桃的香味同豬扒好夾，每一粒飯都有蛋香，豬扒肉質軟滑又入味，好滿足鐵觀音珍奶 $22茶味濃奶都幾滑百香果綠茶 $24好香百香果味，配焗飯一流

呢間嘢喺旺角軍器廠街附近，喺麥花臣嗰邊行落去轉彎就到。附近都有好多嘢食，今次就試吓呢間聽講豬扒飯同埋肉餅都好出色，有朋友就話呢度啲炒飯都唔錯。不過今次就試咗個焗豬扒飯先，一嚟就見到上面啲菠蘿識落非常之好食。試一試舊豬扒，唔韌之餘口感亦都唔會太過散呢個蕃茄汁嘅底就一定係唔差架喇。講到最出色嘅位應該會係個炒底。焗完之後啲飯都係粒粒分明嘅，份量就一定夠食。 唯一唔好嘅就係呢個70幾蚊嘅豬扒飯竟然唔包嘢飲，加咗一杯$22嘅泰式奶茶。 下次嚟應該會試埋其他肉餅。

.‼️❤️ 記得CLICK我PROFILE關注我呀 ❤️‼️.🧆 R̾i̾c̾h̾n̾e̾s̾s̾ ̾o̾f̾ ̾M̾e̾a̾t̾ ̾P̾i̾e̾ ̾a̾n̾d̾ ̾B̾a̾k̾e̾d̾ ̾R̾i̾c̾e̾ ̾C̾a̾s̾s̾e̾r̾o̾l̾e̾s̾ @ 🌟 金飯館貳·零 肉餅·焗飯專門店《👽食神大媽食肉餅》.💁‍♀️ 圖片展示美食為：Pan-fried Pork Patty Rice with Lotus Root and Salted Fish HKD 62Baked Pork Chop Rice with Peach and Tomato HKD 78Old-school-style Swiss Chicken Wings HKD 42Tieguanyin Bubble Milk Tea HKD 22Orange Yogurt Green Tea HKD 27.👽 每次經過都唔明點解透過玻璃窗望到全場爆滿，今次終於咁啱喺繁忙時間之前經過，決定嚟試吓一探究竟。.🧆 招牌菜係肉餅飯，咁當然要試吓啦！揀咗一個經典中嘅經典味道「蓮藕梅香鹹魚肉餅飯」。店員上菜嘅時候話可以隨意加添枱面上嘅豬油或者調製好嘅豉油，呢一點值得加分。呢個肉餅飯係配上即叫即煎嘅蘭王蛋，蛋汁爆開嘅一刻真係好療癒！蓮藕梅

呢間餐廳係茶餐廳FEEL,好多卡位同埋座位,我地叫左一碗黑松露肉餅飯,呢個肉餅飯仲有好厚既手打肉餅入面啖啖肉好厚既肉糰組成,另外呢個飯既特點係要加入豉油同埋秘制豬油去制成,將豬油豉油加入飯度真係好唔同口感,豬油飯即時變到好香滑,黑松露好多香味濃郁,另外我地叫左個沙嗲牛肉少飯入面既雞蛋係蘭王蛋係日本頂級雞蛋,炒飯加入呢隻雙黃既蘭王蛋蛋味勁濃郁,炒飯粒粒分明,沙嗲牛肉好大塊,食物份量偏大碗,真係好抵食既。