影片
好味 巳经系第二次帮衬 食店老板及员工亲切 价钱又平又好食 选择又多 虽然系响市政大楼 同一般泰国菜嘅铺头食感觉有啲唔同但总算叫坐得阔落 起码唔使同人迫 因为钟意饮佢个冬阴功汤 系诚意推介 仲有蔗虾特别钟意食 会再继续黎冬阴公汤马拉盏炒椰菜苗炸虾饼珍多冰烧乌头鱼蔗虾椰青
继续阅读
三八妇女节系需要约啲3姑6婆嘻嘻哈哈一下，其中一个啊姑偏好深水埗区嘅廉价美食，佢今次嘅推介位于长沙湾街市嘅熟食中心，个人来说，对熟食中心感觉不太良好，因为卫生情况恶劣，几好食都假，坐得周身唔舒服，又唔知会唔会食到肚仔痛( ･᷄ὢ･᷅ )但5个人得我一个反对，咁我都系收声跟大队啦( ‾᷄꒫‾᷅ )出咗长沙湾地铁站要行一段路先到，坐电梯上到3楼，熟食中心来说，卫生情况还可以，起码地下无湿漉漉，成层熟食中心都好光猛，枱凳亦算干净。因为我比较迟来，啲啊姑已经叫哂野食，佢地差不多成个menu叫哂啰😑食唔食得哂架…叫个椰青先🤤清甜啊～饮完又有椰青肉食下好过瘾～生虾$887只虾要$88…有啲贵，但佢系我食泰国菜嘅目的，不可不食，生虾上面啲配料好辣，建议拨开少少配料先食，会比较容易入口。串烧沙爹$65串烧分别有牛、鸡、猪，全部都风味十足，马拉盏虾干炒椰菜苗$55第一次食呢种叫椰菜苗嘅东西，大厨煮到刚熟，爽口非常，马拉盏虾干炒埋一齐超野味，呢个菜满分👍🏼肉碎生菜包$58又系一道受欢迎嘅泰国菜，基本上好少会有餐厅整得唔好食，呢度都整得唔错，生菜新鲜，肉碎有淡淡嘅冬阴公味，几特别。泰式烧猪颈肉$58嫩嫩滑滑的肉(❁´ω`❁)泰式炒金边粉$55外表不讨好的金边粉，但里头有海鲜加上多种香料炒成，食落口甜甜地，好好味架㖞泰式菠萝海鲜炒饭$78熟食中心都用新鲜菠萝制作炒饭，心思诚意十足，食材新鲜，味道当然good啦(ღ˘⌣˘ღ)炸虾饼$58好热ᏊꈍꈊꈍᏊ✧Ꮚˊ͈ꈊˋ͈Ꮚ✧好弹焖猪手（无睇价钱㖭…）猪手好淋好入味，但呢碟𩠌嘅亮点系猪手下面嘅菜心，大厨切走咗菜心外表𠮶啲鞋口嘅部份，剩底嘅只有菜心最嫩嘅部分，啲菜心吸收咗猪手嘅油同汁，好味到停唔到口啰(⑉･̆⌓･̆⑉)椒盐九肚鱼炸浆厚而无味，食落去好似净食到啲炸浆咁，又厚又硬冬阴公汤味道很好，但可以食嘅汤料很少，唔食得嘅香料就好多😔差不多每碟𩠌都有独有嘅酱汁，刺激客人嘅味蕾，净系口味嘅配制，都见老板下了一番工夫。做侍应嘅系一个上咗年纪嘅婆婆，我地同佢落单，佢转头就唔记得咗😂但之后有个年轻女仔就走过来问返我地叫咗咩，态度有礼，每次落单都多谢一次，睇得出佢地唔系本地人，应该系一家人喺泰国来香港开店吧，婆婆虽然年纪不轻，但好有活力，虽然只系喺街市嘅熟食中心，但都会化哂妆咁招呼客人，间唔时又会有啲街坊同佢地打招呼，呢种地方就系有人情味。最令我惊讶嘅系，当我地行去厨房旁边埋单嘅时候，发现为我地出面成10枱人煮野食嘅只系得一个人，唔怪得啲野食来得越来越慢啦，但一个人可煮出咁多款，而且每碟都咁出色嘅泰国菜，真系好利害(//°ꈊ°//)客人多但佢地对食物都咁坚持，呢个熟食中心真系唔可以睇少
继续阅读
之前已经听过老爷奶奶极力推介，心思思想试，嘈左老公好耐先肯陪我去食因为佢坐唔惯街市~美味又抵食，不得不试，一定会再帮衬~青柠梳打原支泰国大象梳打~正，超够气泰式生虾~超新鲜，又唔会太辣，好味！碳烧猪颈肉~D肉好弹牙，绝对唔会鞋恰恰~青芒果软壳蟹~超级好味！必试~软壳蟹炸得好好味，一咬落去d汁bi晒出黎~加埋青芒果好清新，所以一d都唔肥腻~有蟹膏炸虾饼~原本有5旧，不过比我老公偷食左一旧~不得不提，呢间d炸物真系炸得好好味~
继续阅读
由朋友介绍，旧舖喺香港时唔订位都唔使指意食到，而家搬左黎长沙湾，大部份时间walkin就食到，强烈推介炸物及小炒类，炸虾饼系可以一试再试果只，无老点架，而小炒非常够镬气(甚至比一般中式小炒更好)，推介所有炒菜类及椒盐软壳蟹，一试就知个老板d功力，而其他食品都好有水准，尤以炒河粉或金边粉，够镬气之余食哂后碟底一d油都无，如喜欢食辣嘅仲可以叫佢地攞调味料再加辣，呢方面就系本人至爱帮衬原因，虽然在街市但环境都好干净，值得专登捧场
继续阅读
依间系街市中都系略贵选择.但都平过出面.炒金边粉好好食,睇落去份量唔系话好多,但食完原来好饱.我食个时仲系$35蚊包特式冻饮.炒饭都好好味.其实内里肉类较少.但味道同镬气都好足够.可以听到佢强功既火炉声炒呀炒.配埋青柠冰,有时饮下龙眼冰.好好味.个MENU 系旧架啦.对上一次去食,佢休息左一排开返好似想转新MENU.
继续阅读