影片
呢间粉面都已经开咗好多年，间唔时都会食佢，不过好少堂食，因为其实佢啲位唔系几好坐之余仲有啲污糟，不过今日赶时间就冇办法。今次叫咗牛腩鱼皮饺双拼河粉加柠檬茶，就咁望落去量都几多，但系夹起就见到佢有一半嘅牛腩都系薄切切咁样，而且系瘦嘅，食落去就真系麻麻啦。鱼皮饺有三粒，份量算多，但系食落去唔系好够鱼味，同其他舖头嘅鱼皮饺争少少。柠檬茶茶底OK，系值得加分嘅地方。埋单$51尚算OK，不过如果过黎食嘅话就唔推介食牛腩啦，叫崩沙腩会比较好。
继续阅读
今日收工又做孤独的美食家自己揾食，系天水围想食下粉面无几多选择，行黎新北江呢间金铭都无乜点食过，见有位就坐底先啦。餐厅环境一眼望晒，好开扬，坐底睇下餐牌，价钱比一般既粉面店较为贵，但如果食物质素好就贵都值得，咁就一试究竟啦。六星级崩沙牛腩河今日一于食返我最爱既崩沙腩，佢仲要讲到话系六星级，就试下系咪先，先讲讲牛腩大约有7-8件，切得都几大块，食落无雪味，不过质地比较老，比较鞋口，好在都够腍，同带少少筋位，质素要讲六星级就一定唔系，胜在够大件，河粉系比较幼身果种，夹都算夹到但比较易断，未去到碎湿湿果种，叫做合格啦，汤底黎讲唔会好咸，起码食完唔会好口渴，ok既，另外我加左8蚊将个菜加底，加完都有超过10条生菜食下，但无得分开上成碗黎。整体黎讲金铭定价比较高，质素比较普通，相对性价比偏低，但未至于食到讲粗口，所以我觉得系潮式粉面店黎讲只属中下水准，环境方面去行商场中央冷气，环境比较局促，食到都出晒汗，好热，店员既态度相算不错，问野都会好好咁答唔会唔耐烦果只，系成日系度吹水比较大声d。
继续阅读
📍金铭潮州粉面（天水围）-#5🫶🏻系最高 环境：🫶🏻🫶🏻🫶🏻🫶🏻食物：🫶🏻🫶🏻🫶🏻🫶🏻🫶🏻回头率：🫶🏻🫶🏻🫶🏻🫶🏻🫶🏻服务态度：🫶🏻🫶🏻🫶🏻🫶🏻-牛腩河粉 -$46今次已经系第二次食！~\(≧▽≦)/~ 佢每件牛腩都系好淋 好入味 食完真系会每次经过都想再食 唔好睇相以为佢好细碗 食完都好饱架🤤 猪手面 -$46今次都试左佢嘅猪手 平均一碗会有4块猪手 而且上菜嘅时候会有埋个细碟比你放骨 唔驶放落枱面 佢嘅猪手都好入味 食到有满满嘅骨胶原🥹🥺我地两次都系星期六嘅3/4点去食 所以都唔需要排队 经过天水围嘅朋友 又中意食粉面 就要试下啦
继续阅读
虽然好近屋企，但未食过！次次经过都满座，以为系普通嘢，因为佢嘅位置麻麻地。今日放假见人少少地，就入去试下，点知：牛腩够冧，米线又弹牙，份量又超级多，因为我嘅食量好大，争d都食唔晒，一般女仔应该系食唔晒，服务态度很好，奶茶够滑，佢哋嘅辣椒油超级正👍🏻
继续阅读
就算出面食几多间牛腩河都觉得金铭好食d 今次系私心推介 因为以前份工收零晨 小巴经过金铭都会系红桥落车车一碗先返屋企训 哈哈 转左工之后好好彩 金铭都跟住我系天水围开左分店 虽然分店不见总店甘可以保持水准 不过河粉依旧爽滑 汤头超浓缩牛骨精华 食完真系好精神 又好开心 我身边朋友都俾我推介左去食 今日我系图书馆遇上我死党所以我同佢讲左我岩岩食完金铭 之后佢要我陪佢再去食返碗 超好笑 我每次叫𩠌都有少少唔同 但都不离牛腩加多一款𩠌 同埋要多葱加辣油 店员会用汤匙盛起葱花 甘唔钟意食葱既人客都可以自「走葱」好聪明既做法 不过餐厅唔提供纸巾 大家一定要带纸巾
继续阅读