金銘潮州粉麵餐廳

营业中

休息中

It is my first time to try 崩沙腩 though I don't really know how many kinds of beef brisket.Fish ball is really goodLove this place

路過新填地搵食醫肚，見到呢間餐廳大大個門面，食潮洲粉面，好似唔錯咁，就入去試下。一入到去，已聞到好大陣牛「穌」味，即時被吸引，叫左碗蘿蔔沙崩腩（$40）， 沙崩腩呢個價錢絕對可接受，心諗唔知會唔會得幾舊⋯ 碗面來到，絕對覺得物超所值蘿蔔又甜又多汁，無渣的，沙崩腩好爽口，仲有好多舊添淨雲吞，就無乜特別 （唔記得幾錢了，好似係三十幾蚊，都有7-8粒）岩岩係Openrice search, 原來呢間餐廳有幾間分店！唔錯，下次可以去其他分店試試😬

呢到以前都有食開，最鐘意食雲吞麵，後黎愈黎愈多人幫親，生意愈黎愈旺，有次見到新出小鍋米線$22，可再另外加餸，個次之後就從此愛上，而家久唔久經過都會黎呢到食。每次都會叫小鍋米線少麻辣+雲吞，都只係$30 (已包外賣+$1)，價錢合理又好食 。一打開個蓋，麻辣味已經飄哂出黎，超香未食都已經流哂口水，底湯味道香濃，少少麻但又唔會好辣 (但唔會飲太多，始終味精多)，米線夠淋超滑，雖然淋但都仲有咬口，至於點解每次都揀雲吞，係因為雲吞皮薄又滑口，餡料又多，浸左麻辣味之後更正，不過只有2粒，真係唔多夠喉

行過此店聞到牛腩味，就被此味吸了我入去。但入到店內，又不想吃牛腩了。因我覺得牛膀及魚餃比較吸引，所以叫了雙併套餐。魚餃皮好滑，魚餃肉真有魚味，但吾知點解咬落有軟骨物體，令我發出'呵呵'聲;至於牛膀好粉，好有牛腩汁味。37元仲有炸魚皮送，尚算合理。

本來諗住去襯夏銘記結業前試一次，但係太多人，所以去左啲間金銘記。 可能係假期，好多人排隊，不過等左一陣就到我地。 叫左一碗牛筋崩沙腩河，一碗牛雜魚蛋麵。 牛筋好'淋', 崩沙腩都幾好食。 牛雜ok啦， 魚蛋食得出係冇落粉， 同出面食嗰啲有分別，我個人嚟講幾鐘意。

雖然位置偏僻 但卻无阻我地的食慾😝我地叫左呢个牛雜淨食 就甘100 但都還可接受 食落去點汁好入味 估計應該煲左好耐👍 就系吾系好鍾意食點牛腩 好粗糙 淨系鍾意食牛根😁😁外表看似茶餐廳 不过入面都有少少文艺气息👍👍

黎到哩個唔熟悉嘅地區，見哩間店門面幾大就去試下啦！ 雲吞牛膀麵強調我點嘅係麵，但最後比左薯粉我。。。變左薯粉~但錯有錯著，個薯粉好爽但唔彈牙，未食過咁爽口嘅薯粉，雲吞足料足味，牛膀都好入味，整體都唔差喎~

放學見肚餓, 就同個fd入去試下喇 我就叫左個牛腩河, d牛腩都幾多既! 廿令三十蚊碗牛腩河算係咁,  但個fd個牛根米啲份量就麻麻喇 食落又係普通水準,牛根又唔淋 不值一試!! 我個牛腩河真係唔錯, 啲腩汁味都幾ok! , 味道夠濃都好好味, 所以真係幾抵食 下次可以試下佢個魚旦米 都好似幾吸引!!

牛筋腩河一向都係我會揀既粉類之一。今晚同男友行經果度，見店面幾靚，又光猛兼入面好多人食就心郁郁入去試食。入面裝修得好高級，中式設計，感覺好舒服，比起平時去既中式食店高貴好多，似泰式餐廳既裝修。碗粉分量幾多，第一啖試河粉，幾幼滑，之後試牛腩，嘩！入唔到口，因為好厚脂肪，搵黎搵去得少少肉，脂肪對肉係3:1。肉好硬，黏牙，係肥脂入面搵到層牛筋，好冧。無疑塊牛脂係煲得好冧，層層分明，但點解肉咁硬呢?男友見到我幾件牛都係咁，勸我唔好食。結果只係食左河粉同菜。$32食一碗咁既質素既河粉太唔值，如果肉同筋比脂肪係3:1會較抵食。

今晚在油麻地看電影，傻仔敏想吃潮式粉面，沒有什麼頭緒，隨意選了附近的而看來乾淨企理的一間。傻仔敏點了一客「牛肚併墨丸面」，湯底濃郁，牛肚淰滑，面質尚算彈牙，吃完沒口喝。豬頭人的是「牛筋腩面」，我想味道應不錯，因為不消一會，他己KO了碗面。地點及味道都很不錯，下次睇戲時的晚餐選擇。

晚餐時分經過廟街附近，看到這間潮式粉麵店，便進去試試。看到有一張全日特價餐的牌，有多款食物都做一碗粉麵加飲品或菜，只是$22或$24！但到後來落單才發現，其實不只這二十多款粉麵有做套餐，連我點的紫菜墨魚丸粗麵也有，$24包了一份油菜。店員都算醒目有禮，地方也保持得乾淨。可是食物味道真的很一般。先說墨魚丸，太粉了，像在吃麵粉球。粗麵份量很多，正一大大碗！但很重鹼水，也煮得太'林'，不好吃。菜點了芥蘭全走。芥蘭雖煮的時間控制的不錯，菜很脆沒煮過久，但菜的本身沒有菜味。

因為去附近睇戲,又唔想去戲院既餐廳食,所以行左出戲院街口,見到有間食粉麵既舖頭,佢個門口招牌好大下架,見佢裝修都好靚,一於入去試下。雖然碗麵既湯底唔算好清甜,但食完之口一d口渴都無,我已經好滿足,仲要價錢唔算貴,加$2已經有凍飲good晒~~仲有既係由入去到落單再食埋加埋單都只需要30分鐘,所以如果趕住睇戲,又唔想餓住個肚,可以考慮一下既選擇手打魚旦河d魚旦都算彈牙,仲有2條菜送都算唔錯牛腩河牛腩夠淋

坐低叫咗全日特價餐（$23 3）紫菜墨丸河 細支裝可樂墨丸彈牙唔粉，仲有少少墨魚肉响裡面，一口一粒，河粉夠滑，清湯底，加咗碎冬菜，同辣椒油，味道即刻香濃兼有層次，蔥同冬菜放响湯匙度，可由客人自由決定落唔落，支裝可樂夠晒氣，而且細支裝份量剛好，食完不會口渴，好滿足。地方不大，幸好木製桌椅都不太密，雖然嘈雜，但是可接受，廁所就不太乾淨。

　　很久沒吃過潮洲粉麵，其實路過這裏已經好多次，一直被那個充滿中國氣息的裝潢吸引，今次決定嘗試。　　因為人多，我與別人同桌，是一家三口。　　服務生很慇勤，我一招手便有人來了，而且面帶笑容，予人禮貌、誠懇的感覺。　　我要的是水餃米粉，熱豆漿。　　因為顧客多，要等，我是可以理解的。　　米粉的質地比較硬，不夠通透軟稔，就像是未完全浸泡的粉絲一樣，很一般。水餃方面，它和北方水餃不一樣，選用粉皮比較黃澄，餃皮較薄，形狀較扁，餡料有木耳、豬肉碎，但沒放菜，我個人比較喜歡北方水餃，但湯式很清。　　至於豆漿，我要熱的他們給了我冷的，而且是支狀的，他們沒有熱的，我一向少喝冷飲，但也沒法子。算了吧。那支豆漿還讓我等了好久，因為他們忙了。如果一早知道只有冷的，我便選擇其他的了。　　雖然他們很抱歉，但我期望他們真的能用心聆聽。

食物不過不失，起碼好過後面街嘅果間夏銘記。在夏銘記吃完嘢後，整天都好口渴，飲多多水都唔掂，就是湯底下了太多味精，新開張時都OK，後期可能生意不大好，所以用味精代替標榜自誇嘅魚湯底，食咗幾次都冇改善後，以後都唔會光顧LoL。希望＂金銘＂引以為戒，唔好比我地吃到太多＂師父＂。坑腩、魚片都OK嘅。外賣都OK快，最低工資實施後就唔知la