金記燒臘飯店

营业中

休息中

今晚打算同老公係屋企玩煮飯仔, 所以揸車出元朗街市買餸老公好鍾意食金記的切雞, 買完餸經過, 斬料多隻切雞返屋企金記啲切雞又平又好味, 而且好多時都買到新鮮整起,拎到返屋企仲係熱, 雞肉嫩滑少少鹹, 而且$50全隻, 真係好抵食

金記的燒臘水準一時時, 有時 d 燒肉乳豬好好味好脆, 有時就林晒....佢 d 碟頭飯就真係唔錯, 好大碟 (可以兩個女仔 share 食)即炒好夠鑊氣, 用料好新鮮, 亦好足料o架!價錢都係廿幾蚊, 絕對係平靚正之選!

一支公係元朗唔知食乜午餐好, 燒味飯確實係一個選擇信步來到金記, 見到佢既乳豬都唔錯, 於是就叫左一碟乳豬飯嘩 $37一碟, 好貴, 所以例湯$7都免了, 淨飲清茶好了乳豬飯來到, 份量都唔少, 表面係脆脆豬皮, 底下的既骨連肉送飯梗係用骨肉啦, 之後先慢慢嘆燒豬皮, 點知就出事啦骨肉好味, 個D骨唔硬, 有些仲係我最喜歡的軟骨添之後食脆豬皮, 好脆好好食, 但越食越唔對路因為乳豬皮下面, 有一層接近一寸的脂粉層初時食一兩年個時, 都唔多覺, 之後越食越油最後, 要自己做人肉去肥膏, 先勉強將豬皮食晒食完呢碟乳豬飯之後, 成日個口都好油, 係喉嚨好似有一層油包住甘樣搞到夜晚都無乜胃口食野失敗

你地知唔知.元朗金記燒膮店有二間呀....一間近住大橋街市...另一間在水車館街...而你地講緊個間應該是水車館街個間黎架...我最鍾意食佢地個d叉燒飯啦...好好味又大碟想買剛剛出爐的燒鴨,最好下午五.六點倒.......見到師父羅D漲卜卜.熱辣辣的燒鴨出黎睇見都流口水..

出完field，又凍又餓，想起呢度嘅义燒飯...諗住之後再過隔籬嘅邦美蜀食法式三文治，所以只叫碗义鵝飯...吃一口义燒，蜜味依然好重，但肉就比以前韌咗好多，大失所望...鵝皮不脆，肉又不嫩...可以完全black list佢嘞...知該去對面又新街新順興排隊買鹵味好過...

一家人喺元朗飲完茶,順便喺元朗買埋餸返屋企食飯.哥哥臨去北海道前的晚餐,一家人喺屋企食.哥哥話好耐冇食過燒肉,媽媽就去斬料,媽媽又整我最愛的盤龍鱔及我們喜愛的餸菜,爸爸煲湯.開飯啦!嘩!真的又好味又滿足!又開心又溫暖!嘩!原來兩條燒肉要$140,條鱔要$100呢!

我之前返學成日都食d叉燒好sweet 又唔會好dryd雞都好食幾滑不過我覺得有d貴但d服務好好個呀姐成日都問我夠唔夠食話可以唔使$加飯好nice

返工果陣，唔想再食微波爐食物，所以就嗌左個外賣:叉油雞飯($20)，凍檸茶。(ttl:$25) 佢既叉燒好食，肥得黎唔會覺得好膩!油雞就正常，唔係特別好食。但個飯就唔得，好硬!其實佢係出名叉燒，所以行開元朗又想食蜜汁叉燒既話，金記係個好選擇!

多謝皇恩大赦五分鐘。門口落order 入去坐底甫定神先瞄個menu：哎，大鑊- 想問係用「煤氣乾衣寶」既近親「煤氣燒烤寶」，抑或係用「燒雞翼機」既近親「燒叉燒機」…照計你唔會用玩kebab 既轉燒機掛？叉燒炒蛋三文治，三分鐘食得：叉燒軟身唔乾身，皮軟少甜無火雞；鎖住肉汁，闊身薄切；加隻亂炒（甚至係亂抄）邊細蛋，再加兩片開邊街坊麵包；味道不寡，但軟腍腍，飲埋啖茶，又飽飽地，搞到我懶懶行，好想訓覺。叮，時限已到，快D 起錨。

之前來呢度斬叉燒多尋日都係第一次來呢度食晚飯由於突然間好想食燒鴨飯所以落車之後, 立即來呢度開飯一碟燒鴨飯$20, 雙拼都係一樣價錢但可能八點先食既關係, 燒鴨已經凍左, 皮唔脆但味道確實係好的, 而且佢既飯亦好有口感另外加五蚊有飲品或例湯尋晚既係西洋菜湯,入面有兩舊燒肉, 一隻雞腳, 好多菜五蚊一碗真係抵飲而且食完返到屋企都唔覺口渴值得下次再來試新鮮出爐的燒鴨

好少係度堂食, 因為幾乎都係買叉燒返屋企加菜一斤48, 好似貴左少少, 但水準中上應該都可以講係元朗最有水準既叉燒我每次都係買半斤/ 20蚊

我向編輯提出,即時被加入名單.作為推薦人,當然要講下有乜突出之處.圓鋼檯+摺橩,一大壺自己斟的粗茶,一望已知是街坊生意,要要奢求有貼身服務,入鄉隨俗,帶住街坊心態幫趁.但亞姐手腳快,而且冇名店的臭脾氣.這店韜韜曾經響雜誌推介過,但其實未介紹之前已經係區內名店.叉燒做得尤其出色,最愛肥叉油雞飯,飯是瘦長爽身,叉燒是新鮮梅頭肉,醃好放爐燒,再上糖膠,因不是冰鮮或急凍的肉,吃落有肉味,不是死甜,有酒香,燒烤味亦足,達到肉味與燒烤味平衡的水平.不太"革刃",有嚼頭,每次只燒六排,不會吃到放久變柴皮的叉燒.燒臘汁夠香味.油雞不太肥亦夠入味,肉夠滑,皮較乾身,亦是新鮮雞做出來的.燒鴨就更加冇得頂,醃得夠入味,記得要鴨背位,亦是最好味的部份.不過稍鞋口.必試-茶遠雜燴飯.以我所知,這裡的豬殼和和豬雜購買,所以供應的豬雜很新鮮.此店的雜燴碼,是豬心,肉片,豬肝,火腩,新鮮的魷魚片,間中會有豬肚,不是快餐店加蟹柳洋火腿的奇怪組合.食落啖啖濃肉味,而且夠新鮮的關係,沒有尿壓味.唯一要彈係條菜太大條,難於進食.不好獻汁者可能反感.例湯是大量雞頸鴨頸豬骨白菜煲出來,味道合格而已.相比之下,廚房小菜類就顯得普通