金記冰室 (已結業)

吃出温暖温度。精彩限時臘味炒飯天氣忽冷忽熱，一個黑次就病左喇！病左，無咩地方可以去，剛巧朋友有手信比我，一場泥到無理由唔食埋飯走咖！飯堂就係呢個時候出場得剛剛好！一碟臘味炒飯配一份公司三文治完全滿足了我病左兩日想食香口野的慾望！一份好食的公司三文治可以滿足視覺和味覺，金記的公治可以算係足料，新鮮好味涵料夠多，火腿，雞蛋，餐肉，蕃茄，生菜等等，應有盡有，面包烘得香脆！正！還有季節限定的臘味炒飯，其實如果係我自己一定叫臘味飯，呢度嘅臘味真心係好正，好靚料，而且我中意食潤腸，所以炒飯未來適合我但因為要同朋友share 食，加上我有點病，炒飯應該係最穩陣，本身無咩期望，點知很有驚喜炒飯份量很多，飯炒得乾身，粒粒金黃，配料十足，香味撲鼻，臘味粒很多，臘腸，潤腸，臘肉共治一爐！很正啊！這裡長期整潔乾淨，坐得舒適，成為飯堂不無原因啊！

新年繼續中上環一日遊，因為係新年好多想試的餐廳都未開市，好彩揾左好耐，發現呢度有開，簡直係勁開心！當時下午茶時間，鋪頭話新年都有做下午茶餐，我地仲留意到唔駛加20%，真係良心餐廳，隔離街的翠河就寫到明加20，我心諗茶餐廳而家都要加成咁，會唔會太誇張！講番呢度，佢個menu 好特別係用乒乓波板整好得意，睇得出有用心思去整，我叫做日式豬扒抄烏冬，再加凍檸茶，因為下午茶$3x 到都預左份量唔會多，所以份量比起平時茶餐廳大大碟細d,但每一條烏冬都好夠味豬扒好入味，都有好幾塊，唔會話得一、二塊咁！豉油甜甜的好惹味，火候炒得唔錯，唔會話太多油，凍檸檬茶好有茶味，算得上唔錯。朋友叫左雞排炒公仔麵，見佢炒得條條分明，朋友話好夠味，公仔麵仲彈牙，很不錯！佢話好有水準！整體感覺不錯，職員都有禮貌，下次有機會會再來懷舊一下！

金記真的值得一去再去，無論小菜，茶餐，小吃也不錯！今次想介紹一下美味的厚切鮮油多士⋯⋯喜歡牛油的，一定要一試！多士夾著超厚牛油，咬落去十分有質感，牛油味香濃，多士脆度剛剛好⋯⋯一流！這樣當然不夠，點了常餐一個⋯⋯有火腿炒蛋配牛油多士，羅宋湯意粉⋯⋯特別推介羅宋湯意粉！羅宋湯有大量的蔬菜，很香濃的蕃茄香味，意粉軟硬適中，連湯都飲埋⋯⋯十分美味！

為了品嘗早餐，特意於11前來到金記，原來冰室的早餐供應至中午12時，早知我就不用趕急了。甫入冰室，牆上除了有舊時代香港相片，還有新潮漫畫，配以乒乓球拍型餐牌 ，可謂創意之作，但我郤看不出和食肆本身的關係。早餐配搭為火腿通粉、火腿奄列和牛油多士。心想，已經有火腿通粉，為何又以火腿為奄列配料? 何不改以蘑菇或其他食材?奶茶，入口柔滑，並沒有苦澀味，值得一讚。我第一次見的特色糖罐，夠創意。火腿通粉，有些燒焦了，要扣分。多士夠厚身，又夠脆，但侍應忘了給我牛油另一扣分位。

今晚一個人食飯, 突然想起金記的農夫包, 雖然真係好大個, 但我都係決定去食. 因為真係超好食, 外皮鬆脆可口, 牛腩大大件且嫩滑, 配上香濃的咖喱汁, 另我無法抗拒.呢度仲有好出色的蓮藕湯飲, 大大塊蓮藕, 真材實料, 味道濃郁.

金 記 冰 室 💭#一直對冰室係情有獨鍾💕 懷緬過去系列先係個餐牌已經好qq 係個乒乓波餐牌食既種類多到一個點炒粉麵飯基本既野都有 仲有三文治 西多 常餐等等我尼隻包怪係出動既時候🏃Order左尼個馬來咖哩牛腩一口農夫包$89而我不知道什麼是農夫包😐原來係個法包口感既大大大包個包真係好大個既😳睇相係感受唔到佢既龐大倒入咖哩汁 上面加芝士烘到脆卜卜咖哩好惹味👍佢係望落好辣但食落唔辣既咖哩麵包點咖哩 巧巧味至於佢既牛腩唔巧食 有喳🙆原來個包底仲有d飯 太搞笑😂 但又幾夾

自從西環有地鐵站後，易左去覓食。呢間冰室好出名，有好耐歷史 冰室餐牌好得意，用乒乓球拍做底。入面係彩色，而且有好多圖。去個時係下午茶，下午茶的食物同普通茶餐廳無咩分別，都係抄面抄粉，薯條西多個d。 西多炸雞翼，平平無奇，下次試其他先 好細份 熱辣辣粗薯條，炸魚柳加上好多沙律醬不過薯條太好食，多d薯條食就好啦 熱奶茶夠茶味，好香濃。 紅豆冰大大杯好重椰汁味，紅豆夠甜

最冷一天香港六十年第一次的低温，零至三度的日子，令我回想一首哥哥的名曲，最冷一天這個晚上，哼住這首歌，我走進了金記，在這個最冷的一天，很可惜，沒有如歌詞般長夜有人，陪我嘅係呢個超好食臘味飯臘味飯餸多過飯，上枱香味撲鼻，有臘腸潤腸臘鴨髀同埋臘肉，單單這四個臘！已經足夠我温暖一個晚上，呢度嘅臘鴨髀鹹香十足，質感口實，而且不會過油，配上我至愛嘅潤腸，潤腸潤香回甘，仲有新鮮菜心兩條，平衡一下油份，點少得係鹹蛋半顆，呢個碟頭飯，立即暖人我心！足料惹味，金記就係咁抵食夾大件！雖然最冷的這一天，長夜得我一人，但唯願我和你會及時擁抱入眠，留住這世上最暖一面，會是。。最後那對變更！

之前到過食下午茶後，覺得可以再一試，今晚巧合到西營盤放工，就來試一下晚飯。今次到來原來加多了一個舖位，剛好舊舖滿坐，來到新舖地方比較寬敞，懷舊既裝修加上用乒乓球拍狀的餐牌，完全係該店特色 鮮茄焗豬扒飯加上熱唂咕，點餐昤待應很細心提醒要等15分鐘，先嘆一下熱唂咕，不太甜帶有少許苦的朱古力味，那種味道只能響舊式茶餐廳拾回感覺。等了不到15分鐘，鮮茄焗豬扒飯就送上，新鮮番茄、洋蔥，加上芝士茄汁，焗得香稔軟嫩，豬肉不乾示濃富有水份，炒飯乾身，整個配搭豐厚味濃，恰到好處！

自從大半年前去過金記冰室食野後，覺得野食不錯，我依加偶然也會去一次，上星期我又來到這冰室.內裡的裝修充滿懷舊感覺.今次點了雞扒炒公仔麵.上檯已香味撲鼻.就甘睇好似好簡單，其實越簡單的菜式越考師傅的技巧和功夫.雞扒內質夠腍身，又多汁，入口時完全不會感覺硬和乾.而公仔麵軟硬度適中，麵質算彈牙，炒出來的麵夠乾身，味道幾濃郁，啱晒我口味.另外，我地仲點了雜扒配洋蔥汁.份量好大碟，足夠兩個女仔食，醬汁會在客人面前淋在扒上.材料豐富，包括牛扒，豬扒，雞扒，香腸，雞翼等…我試了當中的牛扒和豬扒，全部也夠腍身，也夠嫩滑，調味也適中.而薯條吸收晒汁的精華, 點不點茄汁除你鍾意.朋友試了雞翼，外皮帶少許微脆，內裡肉質不錯.平日食豬膶我多是配粥食, 配麵就較少, 因為最怕豬膶又硬又乾.試過這裡的豬膶後, 口感完全不同. 豬膶夠腍身, 但唔會覺得乾, 口感不俗. 麵我地點了福字麵.入口時麵質也算彈牙, 味道不錯.

好多冰室/茶餐廳都以懷舊作招倆，真正做到懷舊而食物又高質卻不多，金記係其中少有嘅一間。以下叫了三樣菜式同朋友share食油香臘味四寶飯估唔到咁大碟又多料臘味真係一流，超香口，不過略為鹹咗些牛腩公仔麵牛腩夠腍又入味，配合公仔麵爽爽地嘅口感都好夾最後嚟多個雞腿沙律多甜品，沙律味道清新，正好中和又襯托下雞脾的野味老字號果然好食，下次再幫襯

前排去西環探朋友，朋友話附近有間懷舊冰室唔錯，提議去一齊食飯吹水。一入到去真係有種懷舊的感覺，令我回想起自己細個時阿媽第一次帶我去冰室食飯，真係好有親切感。 我亦叫了杯滾水蛋飲回味一番，價錢當然比當年貴好多了，要約$10。不過唔係好多餐廳有呢款飲品了，就豪比佢啦。侍應提議可以加糖或加鹽，再將生雞蛋攪均。我跟佢指示咁做，果然就變出一杯香滑的雞蛋水，仲要一D腥味都無，飲落就好似腐竹糖水一樣香甜. 另外仲order了鮮豬潤福字面，約$40。豬潤咬落軟淋淋又夠鮮味，加埋自己落那包味精粉散發出來的香濃味，簡直絕配!

某大集團之焗豬扒飯算幾好食之外，原來金記冰室嘅鮮茄焗豬扒飯，$47，都幾好食，真的有好多新鮮番茄、洋蔥，配上芝士、茄汁，真的焗得好香，好惹味，豬扒整得夠淋時仍然好咬口，炒飯底夠乾身，配茄汁食一流。 凍檸茶，加$3，都夠茶味又夠凍。

這次再來金記的西環店, 它的店舖不單止擴充了, 更有乒乓球拍狀的餐牌, 甚為有趣.上次令我回味的羅宋湯, 今次當然要再飲一碗喇. 湯仍然是濃稠, 集甜酸辣於一身, 湯中的蕃茄, 西芹, 紅蘿蔔也甚多哩.然後, 來一碗豬潤麵. 大大塊的豬潤, 雖然是膽固醇的朋友, 但我不顧得這麼多, 食了才減肥吧. 豬潤帶有爽口感覺, 腥味輕微. 福麵是煮到剛熟的, 略為煙韌, 十分討好.  另一邪惡傑作, 焗豬扒飯是也. 其實一向也愛吃焗豬扒飯, 只是怕肥而不夠膽吃而已. 這是一個充滿鮮茄和茄汁的焗豬扒飯, 看哪, 切件的豬扒和炒飯粒都沾滿著茄汁了, 超正哦! 厚厚的豬扒件是軟腍的, 與鮮蕃茄塊同吃, 如此這麼簡單, 就是我喜歡的美食了.     

呢晚去左西環找好耐冇見的朋友食飯,她去左外國一段時間,話好好掛住香港的美食,一於帶她到她家附近的<金記冰室>食晚飯,其實我都係第一次黎,因為之前見到朋友的推介, 已經好想黎食~ 一去到見到門面已經充滿懷舊的感覺,入面牆上貼滿以前的新聞報紙,台椅都係以前茶餐廳的風格~ 而最特別的一定係<金記>的餐牌它係一塊乒乓球拍形狀再加而成,真係好似乒乓球拍!我地見到餐牌有好多都想食,最後決定食冬日限定的美食天氣禁冬, 當然先飲返碗熱烘烘的<蓮藕湯>真材實料, 大大塊煮到好粉的蓮藕飲完即刻整個人暖晒,朋友話係外國時好少有湯水飲,好鍾意呢度的<蓮藕湯>冬日限定<臘味飯> 冬天必食!!臘味飯大大碟, 有臘鴨、潤腸、臘腸仲有半隻鹹蛋~淋上美味的豉油汁, 超正!<芋頭油鴨煲>我地2個都係芋頭控,呢度仲加左黑松露醬落去, 增添左香味油鴨咸香, 啖啖肉而芋頭先炸透, 好粉…再吸收整個煲的精華,令人回味無窮, 連d汁都食晒!!最後我地忍唔住點左香脆的<炸全翼> 再配返杯香濃的<冬谷古> 就