金記冰室 (粉嶺中心) (已結業)

黎開呢頭想搵間環境ok又抵食嘅餐廳🤣於是就嚟到呢間金記冰室試吓估唔到呢度環境唔錯、價錢優惠、份量又幾多喎😂.💎$165 小菜2人餐（椒鹽豬扒、菠蘿咕嚕肉）呢個二人餐好抵食有兩款小菜錢之餘仲有兩碗飯、例湯同嘢飲兩款小菜個份量都好充足亦好入味😎椒鹽豬扒剪得好香脆椒鹽味10分濃郁配埋上面嘅炸蒜好夾咕嚕肉就酸酸甜甜上面嘅洋蔥同菠蘿都好多😍.💎$76 魚香茄子魚柳煲個煲分量十足有好香嘅茄子同埋煎脆咗嘅魚柳😍個波嘅溫度就算上咗頭過一段時間之後仍然好熱溫度保存10分好🥳.💎$66 xo海鮮炒烏冬呢個烏冬炒海鮮配埋XO醬好香好惹味😆海鮮嘅份量好多，有魷魚、蜆等等啱晒鍾意食海鮮嘅我地🤣

今朝忽忽忙忙去睇屋企裝修，發現粉嶺中心都新開左好多餐廳，金記冰室就係其中一間~我就俾佢乾淨企理嘅環境吸引左入去，餐廳都幾大,唔會好似同區其他茶餐廳咁覺得逼夾或者污糟~今次叫咗個沙嗲牛肉湯米~金記嘅沙嗲牛肉有驚喜，真係超正😋，佢介乎沙嗲與沙茶的綜合品，味道濃香稠密。牛肉夠腍又唔會軟到好似用梳打粉咁那都肉唔似肉。炒蛋唔錯，夠熱，順滑👍值得一讚。多士香脆，非常高質。另外特別要重點要👍讚嘅係佢杯熱奶茶，有冇用絲襪沖就不得而知啦，飮落就香滑濃郁，成個人即刻醒神曬。以呢區嚟講,呢間餐廳整體算唔錯~雖然佢嘅早餐亦比同區其他茶餐廳貴~到就本人而言，呢間係屬於可以返兜之選。

近期見到金記冰室開咗好多間，於是今日晚餐就諗住去食下。叫咗一個雜扒餐，都真係幾足料，有雞扒、牛扒、豬扒、腸仔、煙肉、仲有粟米同埋其他配菜，加埋好濃味嘅燒汁，食落去都真係幾飽。雞扒燒得好香，脆口，腸仔同埋煙肉都夠味。覺得薯菜都發揮得可以，算係好熱同埋好香脆。另外叫咗兩個小菜，一個係地道霸王雞，霸王雞啲蔥花超級多，好香，一份例牌來講份量都算可以，雞肉都夠滑身，加埋啲豉油汁送飯都幾好味。另外叫咗一碟菜， XO醬蝦球炒西蘭花，蝦球有好多粒，食落去爽口啖啖肉，西蘭花亦都唔會炒得過淋，爽口有鮮味，味道比較淡，覺得可以再濃味一啲。中湯同埋西湯都熱辣辣，羅宋湯同埋中湯都好足料，呢餐都算係幾滿足。

最近粉嶺中心一帶開咗好多新嘅餐廳,呢間金記冰室係其中一間~餐廳都幾大,而且好新淨,唔會好似同區其他茶餐廳咁覺得逼夾或者污糟~不過食環境都計埋入條數度嘅,所以佢嘅早餐亦比同區其他茶餐廳貴~呢次去食叫咗個沙嗲牛肉湯米~沙嗲味幾香,而牛肉都唔會話係落重梳打嘅~佢個炒蛋的確幾滑,所以整體都幾好味~另外仲叫咗個仿鮑魚絲火腿湯米,都係啲預製食物,所以味道正正常常~不過據講杯好立克就比較奶,好立克味唔係好夠~以呢區嚟講,呢間餐廳算唔錯~不過性價比就唔算好高,但如果想食得舒服少少都值嘅~

粉嶺係美食沙漠之一粉嶺中心開咗好多新餐廳呀！今晚特別去了裝修美美的金記試吓內部裝修光猛，卡位座位空間感大可以用QR code或人手落order好驚喜！QR code落單系統好簡單而且設計細心，可以揀「多汁少汁、面硬面淋⋯」等1. XO 醬蝦球炒西蘭花🥦⭐️⭐️⭐️⭐️好香的XO 醬，蝦球都好多！有鑊氣！-2. 瑞士雞翼撈麵⭐️⭐️⭐️⭐️瑞士汁好正，甜度剛好，雞翼入味！-3. 鐵板美式什扒薯菜⭐️⭐️⭐️⭐️⭐️份量勁大份！有牛扒豬扒雞扒腸仔扒係King size ，男仔都食唔哂！薯條好脆好大條份量多！正！-4. 豬扒意粉🍝⭐️⭐️⭐️豬扒大份，蒜茸汁好味！-5. 飲品：桂圓紅棗桃膠茶⭐️⭐️⭐️⭐️⭐️好正！非常足料！桂圓都有6-7粒太難得！養生飲品推介！-6. 羅宋湯（套餐送）⭐️⭐️⭐️⭐️多菜！好味到飲哂！總括而言，直係性價比高！會再食！

今時今日嘅茶餐廳已經唔再係平價之選，續新釗記後，金記係粉嶺中心第2間偏向貴價嘅茶記，但食物種類非常多。開業已過一個月，但LUNCH依然要排隊，對比起附近同類型嘅餐廳，顯然仍有其吸引之處。生炸雞髀常餐 $60金記下午茶炸髀加沙律都要$41，呢個SET多左個湯粉、烚蛋同火腿，貴$19，抵唔抵就見人見智，但起碼啱我呢個中意乜都食少少嘅人，食完仲飽足全日添。首先講講主角炸髀，熱辣辣唔再講，外皮香脆，少少椒鹽提味，內裡肉質係滑，而且入味，唔錯。兩球薯仔沙律都唔差，內有薯仔蓉、薯粒、粟米粒、雜果，口感唔錯，不過無食開甜野嘅我就覺得甜得制😅。烚蛋同火腿都係凍嘅，後者應該係白烚，個人覺得煎下佢會好D🤔。湯粉唔係白色果款米粉，而係透明米粉，正正常常。是日午餐 – 咖哩炸魚柳拼牛舌飯 $57+凍飲$2牛舌有兩大塊，幾厚身，肉質軟淋，唔係爽彈口感；但幾有牛味；魚柳好厚身，雖然帶點魚腥，但我可以接受；咖哩正常，但好稀，如果杰身D就好。

呢排係咁落雨，好彩晚市開返，唔洗買餸返屋企搞餐死。我地隨意喺粉嶺中心搵間餐廳，原來粉嶺都開左金記喇，之前食其他分店已經覺得好抵食，咁就喺度食啦。同其他分店一樣， 店內光線充足有空間感，吊燈精緻帶華麗感，座位寬闊，整體店內衛生乾淨，舒適感強。而店員好好人，有禮貌。 食物方面都幾多元化，小菜、鐵板扒餐、咖啡、海南雞飯等等，我地order鐵板美式雜扒餐，鐵板西冷牛扒跟薯菜，白灼菜心，仲有春日優先登場之蜜汁芥末燒元蹄。 是日餐湯木瓜雞腳湯，湯幾甜，潤一潤下個人先。 雜扒有豬扒，牛扒，雞扒，腸仔及煙肉，份量都幾多幾大份。豬扒好夠味，肉質偏軟身。 厚實嘅雞扒外皮酥脆，內裏嫰滑，味道唔會太濃味。總括雜扒火喉控制唔錯，煮得岩岩好。 而西冷牛扒也很不錯，牛肉香味濃厚，肉質腍身有肉汁，入口juicy，口感不錯 終於到豬手，我都幾期待，因為喜歡蜜糖芥末味道。呢個豬手好大隻，係用燒嘅方法黎烹調，所以外皮不會脆卜卜，而係煙韌感覺，好似薑醋豬手嗰種。豬手肉質嫩滑，味道帶蜜糖嘅香甜同埋攻鼻嘅芥末，所以食落非常刺激，十分惹味，其實豬手已經好夠味，不過都有配蜜糖芥末醬喺旁邊。真係好鍾意呢個帶蜜糖香、甜甜地又有芥末味的蜜

金記冰室終於開到過黎粉嶺啦！每次經過都會見到好多人排隊，今日落雨天，落到去冇咩人排隊，所以直入不用等位。餐牌有超多選擇，有鐵板餐、精選晚餐、小炒、咖哩、即叫即焗、扒飯、泡飯、三文治、粉麵等等，超級多選擇。我地點了小菜大家食有2人份量或4人份量2人份量可以選擇2個小菜，包2碗白飯、2碗老火湯和2杯飲品（凍飲+$3）老火湯：海底椰新鮮菠蘿咕嚕肉每次見到都會必點，我真係勁鍾意食，咕嚕肉冇骨，啖啖肉，咕嚕肉好軟腍，餐廳用上新鮮菠蘿，新鮮菠蘿鮮甜多汁，個酸甜汁調較得好好，酸酸甜甜好開胃，送飯一流XO醬蝦球炒西蘭花蝦球大大隻，蝦球爽口彈牙，冇雪味，西蘭花煮得剛好，不會太淋和太硬，用XO醬炒好惹味生炸雞髀即食麵配火腿烚蛋沙律生炸雞髀好大隻，炸得超香口，肉嫩多汁，另外有一隻烚蛋和兩大球沙律，沙律入面超多雜果。

究竟水吧條友有幾忙，可以走凍走檸？雞脾係乾，薯條唔知點解可以勁細條，仲要係波浪紋薯條但係細過M記薯條size，老實講仲衰過另一間釗記，建議大家買外賣個時就睇清楚，檢查清楚，唔係下個中伏就係你

$60嘅西炒飯得半個盒都冇，落單嘅時候講到明食正價炒飯，比$60食半盒都冇嘅飯。去到攞外賣又冇禮貌，收完錢叫你自己去睇吓係唔係你嘅！咁樣做生意，仲點會幫襯你😡😡😡🥶🥶🥶

紅日夜晚買外賣 叫左個滑蛋牛肉飯竟然要等足廿分鐘賣相冇咩特別 蔥花都冇粒不過味道正常嘅見全場坐滿但樓面得三個人出餐都唔算快粉中開左幾間新餐廳 帶旺左人流 希望佢會有改善啦

啱啱新開嘅金記冰室間鋪好深好大間 不過因為新開真係幾多人嚟幫襯 排隊都要一段時間佢其中一樣出名嘅係豬潤米粉賣相一流 食落更一流另一個值得推介係沙爹牛肉麵 佢啲沙嗲 真係幾特別 味道唔係一般 茶餐廳 可以食得到 真係要試下食到唔係好夠飽 就加多咗個雞批 呢個都好有驚喜

諗住落街搵嘢食，見到新開左一間冰室，就入去試吓「金粒西多配雪糕」我身為一個甜品控，首先梗係點甜品啦，點咗呢個粒粒西多加雪糕，外貌非常之吸引，熱辣辣嘅西多粒粒加上凍冰冰嘅雪糕，真係絕配！已經切左一粒粒，唔使自己再切，食得好方便，好岩懶人。加上滑溜嘅煉奶同埋雲呢拿雪糕，仲有朱古力醬， 十分享受「酸辣左宗棠雞」想試新嘢所以點來試吓，炸雞加上酸酸辣辣嘅甜酸醬，少少辣，少少麻，少少酸甜，十分惹味，好開胃，食左成碗飯。總結：味道價錢也不錯，款式好多，是做飯堂的好選擇