金裝燉奶佬餐廳 (大河道) (已結業)

今日趕時間，但求是單揾食，咁啱見到 燉奶佬，見晚餐有三款選擇，仲有餐飲，凍飲都係加兩蚊！如果你唔想飲嘢仲可以加錢食糖水選擇咗薄牛扒加炸蝦意粉……牛扒超薄多根，炸蝦超細…… 如果你對食物冇嘜要求……咁嘅價錢都算ok嘅

今日行到大河道附近荃新天地，見此下午茶時間這茶餐廳仲有卡位，價錢ok，所以入去食吓嘢，點知中伏。叫了兩客咸牛肉蛋治配凍檸茶少甜(有圖有真相)，麵包本來已極薄，浸滿煎蛋的油，整份三文治根本油到拎唔起，此外，咸牛肉少得可憐，只有1蚊銀大少卦，仲要打開整份三文治先發現到佢囉！幸好杯凍檸茶還飲得入口。雖然整份茶餐30蚊，價錢不貴，但都要有啲質素吖。沒想話這間老字號茶餐廳淪落如此，本人永遠不會再光顧此餐廳。

假日一起身就 下午兩點幾 落街食個下午茶 呢度都係一個不錯既地方 份量足 茶餐廳黎講 環境都還好 坐得幾舒服 可以坐耐d聊天 — 好味指數：8/10小編推介呢個餐 佢個牛尾羅宋湯佢會有舊牛尾肉食 陪合羅宋湯 味道濃郁 仲有足料既雜菜做湯配料 真係一流。 至於 餐肉腸仔同炒蛋 都係有中等既質量 ，所以成個餐綜合黎講 算係既平又足料［雪山朱古力西多士 $30 ］— 好味指數：6/10 叫呢個西多士既原因係因為個menu 張相影得勁靚 好吸引。 出來個賣想都同相一樣 但係食落就麻麻地 朱古力醬配西多士係幾有新意 但係味道卻一般 不過不失 ［桃膠腐竹雞蛋糖水 跟餐加$6]呢碗糖水 純粹過下口引 6蚊既價錢 都算足料 味道不過不失 如果熱番d會更好其實呢間餐廳有好多款色既餐同食物 令你選擇困難 都可以值得一試

燉奶佬已經起碼3年沒有去燉奶佬食早餐，以前上水分店的雞扒好正，系厚厚的雞腿，好肥美，所以今天特別去食荃灣哩間比較老啦，入去覺得黑黑地，星期日差不多9點都無乜人。睇下餐牌，最便宜的已經加到35，吾系好明乜野系"自選一件"，姨姨waiter 好有笑容咁解析，後來又見另一個姨姨拿杯熱水比隔離果張枱，好細心咁話"要小心"，吾錯。叫了個雞扒加炒滑蛋午餐肉～ 有D失望，因為已經吾系雞腿肉，有D實，好在亦吾"鞋"，只有黑椒汁，吾得嘍，我吾食辣點算~ 炒滑蛋剛剛熟曬，已經吾系滑蛋，大記好似好好多~ 午餐肉就乾趕地，吾咸，應該話吾味。~ 唯一好系有沙拉菜，但生不逢時，剛剛美國至話禁食沙拉菜。本來上面果兩個姨姨拿左吾少分，但食食下，但另一個洗碗啊姨拿住兩桶仔洗好的餐具，彭一聲放系我食緊只碟旁邊，準備放餐具入枱下的儲物櫃，有D水彈起，吾知道有無幫我加料啊。另外，一邊食，兩個大蚊系咁系我張枱飛來飛去，激死。

今日晏晝食咗好少嘢，所以到咗四點鐘，個肚已經開始奏起肚餓之歌。幾經艱辛才捱到五點鐘，立即離開個客嘅office，去附近搵啲嘢食醫下個肚。喺通去荃灣站嘅行人天橋上一路行一路望，俾我見到下面有間燉奶佬，就落天橋行入去。呢個時間都幾唔三唔四，午餐時段已過，想食日式鰻魚芙蓉蛋飯都唔得，諗諗下不如食個皇牌全日套餐算鬼數。就喺呢個心大心細的時候，朋友whatsapp 我，約我去佐敦食晚飯。唉! 又唔早啲講，都入咗嚟呢度，無理由坐低咗唔食嘢就走咗去，咁樣衰㗎。於是，就揀個咗下午茶餐: 雪山朱古力西多士配熱咖啡。咖啡味道好一般，可能係奶太多吧。【雪山朱古力西多士】賣相幾靚喔!這個西多士跟一般的西多士最大分別係佢唔係搽牛油、糖漿，而係淋咗啲朱古力醬和撒上碎nuts，仲有塊生菜墊底，真係好少見。西多士係切成細細件的，可以一口咬，食得方便。再者，佢都炸得幾香軟而又鬆化，加上啲邪惡朱古力醬，味道都幾好。仲有就係，嗰啲碎nuts，令到口感多了些層次感。總括而言，西多士好食，咖啡就差啲，或者飲杯華田會更好。

今日早上約左人係荃灣睇《死侍》，第一時間一定要食個早餐先，係附近冇乜選擇的情況下，就入左呢一間茶餐廳，因為唔洗等，有位坐嘛，記得之前係美孚食過佢地既沙爹牛肉炒蛋米的早餐，味道係唔錯架，所以對燉奶佬既印象都唔太差，今日我唔食沙爹牛肉米，因為睇完戲好快又會食午餐啦，所以我只係叫左份蛋治烘底，呢份蛋治夠曬熱，麵包烘得脆卜卜，包身亦薄，蛋唔會煎得好油，有一丁點蛋汁，蛋的份量十足，跟餐要左杯涷奶茶，但飮落就確實實係甜得濟，而且冇茶香，我只飲到死甜的味道，連相我都冇影

45蚊食垃圾，葡汁雞皇，少汁多雞，但雞肉超咸超乾，完全食唔倒，可能係擺左廿年既喪屍雞，薯仔酸既，應該已經變壞，意粉又乾又硬，加上少汁，入唔倒口，好後悔入左黎食，lunch time 都有8成吉位，點解我竟然仲走入黎食🙈

睇左咁耐openrice真係為左呢間野開帳號，夜晚收工，見間野門面幾乾淨，咁好啦同同事入去食個二人餐，叫左兩個煲仔小菜 麻辣茄子豬柳煲 同 XO鮮菌雞球煲，跟兩碗湯兩碗飯，湯同飯都無乜野，好啦結果重點出黎兩個煲d醬係一模一模，淨係豬同雞唔同左，而且完完全全食唔到有所謂既麻辣同XO其中一隻味D食材落煲前連爆一爆薑蔥都無，成煲野得個苦味，野飲都唔敢叫wow真係食咁多年茶餐廳第一次係難食到衝擊到阿叔我既心靈，唔會再食第二次店員服務態度係唔錯的，但真係Sorry，好難食

同老婆去咗燉奶佬食早餐，有啲奶嘢感覺。我點左個豬扒餐肉出前一丁 ，佢點咗個火腿通加腸蛋。我個碗豬扒出前一丁食落好似係普通公仔麵 唔係我最鍾意食嘅出前一丁，不過趕時間都冇同佢理論拿拿林食咗佢就算。老婆食咗隻蛋同條腸超細 ，嗰碗通粉都好似未出過水咁， 好硬。咁普通嘅早餐都搞成咁唔知佢嗰度食lunch同夜晚飯會有啲咩嘢食到呢唔知係咪舖租貴 ，座位好窄坐得非常之唔舒服。同埋嗰度嘅服務真係唔係好得。可能請返嚟果啲waiter and waitress 年紀都偏細，啲態度真係唔係好要得。我諗都應該唔會再返去幫襯

傍晚時分路經荃灣搵晚餐食,見到餐廳出面餐牌寫60蚊唔使又包糖水,所以決定入去一試等左唔使五分鐘就有位;店內環境唔錯,唯店內人手不足,等了許久才有人來收拾桌面食品方面,我地簡簡單單點了兩個set dinner,一個雞扒帆立貝薯菜及炸餃炸醬面等了大約五分鐘雞扒薯菜先上,賣相唔錯,不過份量就比預期中少,食完之後都係岩岩好夠飽,如果薯菜份量再多一點就好,味道方面都中規中擧,雞肉烤得不錯,口感也比預期中好不久炸醬面也上菜了,面方面沒有特別大comment,炸餃方面值得一讚,size比我預期中大,料也很足,皮也煎得很金黃香脆點後跟餐點了個甜品,薏米腐竹雞蛋糖水,呢個甜品有驚喜,用料十足,味道也很好,睇得出呢間鋪頭對整呢d中式甜品係有番咁上下水準,食完之後好滿足

星期六有好節目，朕同隨從去睇影畫戲，但係又未夠鐘，最好就係去Tea 一Tea。黎到呢間老茶，最好就係飲啖茶食個包，而朕最緊係飲杯凍奶"茶"食個鮮茄脆軟豬扒"包"，仲要加多個雪菜肉絲米，咁就Perfect池喇！凍奶茶－夠滑，不過茶香唔夠，同埋甜左少少！雪菜肉絲米－加六個大洋，份量都算可以，但雪菜偏鹹，食剩左！跟住就到朕既飛佛池，鮮茄脆軟豬扒包，個包係用豬仔包做，外層香脆，中間夾住蕃茄，都幾厚身同Juicy，到中間塊豬扒，煎得幾香，又夠味，成個感覺不錯！－－－－－－完－－－－－－

約o左班兄弟姊妹,o係大前日(20-2-2016 Sat)初十三BBQ答謝佢o地o係o係幫婚宴上幫手.我等老公放工後,一齊食個晏就去買o野.我o地求祁搵間茶餐廳坐低食啦,老公話燉奶佬,OK.我o地o黎到,好彩唔係好多人,而且我o地拎住好多o野,搭枱冇問題,不過咁o岩,俾o個張卡位係走廊盡頭, 盡頭又放o左啲膠凳,o岩晒我o地擺o野,咁就坐得舒舒服服.由於老公o係11點幾食o左o野,所以佢只要一個甜品,就係$18.00o既腐竹鮮百合農家蛋.我就要$51.00o既o既咕嚕明蝦班球飯.睇真啲個menu,原來有配優惠,就係加$5.00有熱飲或滋潤甜品,加$8.00有凍飲,$9.00有潮流特飲,咁我o地就可以慳$13.00.落完單等,冇耐,老公o既腐竹鮮百合農家蛋到o黎,內裡唔見有鮮百合,不過意米係有(menu寫有).我試一啖, 腐竹腍晒冇問題,糖水溫和唔太甜,正常o野.味道: 3分等o左好耐,我o既咕嚕明蝦班球飯重未到,於是催催佢o地,終於有喇,顏色好靚,食落,味道偏酸o左啲,明蝦唔大隻,班球外面已經唔脆,內裡o既魚塊都有啲過腍,一般.原本以前啲汁唔夠,但原來好夠.味道: 2.9分服務:唔錯

手撕雞烏冬之雞唔新鮮，唔夠辣，但係辣椒醬好味 全靠加辣醬提味。手撕雞沙律之雞太少，於是成個沙律好普通，7/11ge沙律仲好味d，兼且太多沙律醬全部淋係上面，好膩。未試其他野，但係冇興致試第二次⋯⋯

今天經過附近，見到這間燉奶佬，於是入去試下，這兒最好係餐飲可以轉做糖水！我叫了一個喇唦牛肉湯河粉，配熱綠豆沙！喇唦牛肉湯河粉有半隻滷水蛋，二隻蝦，牛肉，炸豆腐二件加芽菜，生菜。賣相可以，湯底味道普通，湯面很多辣油，但唔太辣，有椰汁味，配料亦是普通，沒有特別，但河粉太淋，整體說食物水準係茶餐廳水平只屬OK！店內外裝修倒是比食物要好，而服務呢，我叫了熱綠豆沙來了凍綠豆沙，可見服務員集中力不足。

外出取貨既期間,因為時間趕急,所以隨便食左一個午餐,見到燉奶佬有送甜品,試一試先~睇相好似好吸引咁,估唔到係...唔知為什麼,木瓜冇晒變左薯仔,紅咖哩只係一D辣粉開水,糊糊咁非常難食,海鮮亦只有炸魚, 粉厚肉多極不新鮮,魷魚又細又韌又冇味,還可以更差嗎?雜果只係罐頭都已經係預料之中,但西米涼粉點解要加冰?令佢本身淡上加淡,但涼粉幾有咬口, 只係, 甜品黎講呢....