影片
因为天气冻反，谂住入去打反个边炉顺便试下呢间野，但真系唔会有下次，落单期间服务员不停落错野，要重覆3次比佢听，我地嗌左两个牛肉火锅，6点落单等左半个钟先有，但成间铺得两三枱客。试问一个火锅点解可以整甘耐，期间我地吹单，一个比较后生嘅服务员仲要用非常差嘅态度回应我地同我哋讲因为厨房头先唔得闲整 身为一间餐厅 竟然可以用吾得闲做藉口？吾得闲就吾洗整，讲真你哋唔想整可以同我地讲，我地话转其他野食你地又吾比仲要眼啤啤我地。今时今日甘既服务态度仲要收加一服务费真系吾值，希望你地好好培训一下员工。
继续阅读
新年流流，见唔系有好多野开舖，炖奶佬冇额外+1，咁就帮衬下个下午茶啦，有好多选择wo,喇沙鸡丝米线。个汤底好香椰子嘅味道，配料有冬菇豆卜。都几丰富㗎！另外叫咗个一口西多士，怀旧嘅味道令人想一食再食！帮衬下午茶加$10就有一个榨菜肉丝米粉，虽然佢唔系主打，但系因为佢系银丝米线，加$10就有得食，又真系好抵，而且好弹牙！真系有惊喜！另外叫多咗个瑞士汁鸡翼。都好入味，仲好大只添！最近见佢做紧优惠。每逢帮衬到咗$100，就可以免费拣炖蛋或者炖奶。咁梗系唔放过啦！话晒个名叫炖奶佬！一于就试吓碗炖奶啦！ 食呢啲梗系拣热食！一嚟到真系好鬼香！2分钟唔使，一人一匙羹都食晒luuuu!期待下次会想试多啲其他甜品！！
继续阅读
认识炖奶佬时，当时主力卖糖水到之后加左粉面，到今日转型为茶餐厅路线，选择多元化，但有一样野唔清楚，就系金装炖奶佬同炖奶佬有乜分别🤔🤔🤔店内装修似近期坊间大行其道嘅冰室装。今日选咗个自选汤底米线，仲包热饮都系$48。1. 香煎鸡扒米线喇沙汤底($48)。无谂过转咗喇沙汤底之后，会有萝卜同半只蛋，见餐牌都无，上枱时有点惊喜鸡扒煎得香脆，萝卜亦淋无渣，𩠌菜算多，而喇沙汤底亦有水准奉送热饮，转冻饮加$3。
继续阅读
夜晚咩糖水减价，买左三碗，69蚊3碗，三碗中两碗都系坏既，酸到臭，到底摆左几多日既剩货，因为系外卖，所以无奈地反到屋企先知，我系反到屋企即日食用，所以一定系本身已经坏，点解无影相因为系琴日既事，本身谂住算，吾追究，果阵无打算写食评，但到今日谂谂下钱又泄左！甘无良心既餐厅令我愈谂愈嬲，做食物俾人真系要讲良心，呢个市道吾做好自己，俾坏既食物客人，即系做减价都吾系卖d摆甘多日既货呀麻？最多两日都吾应该卖俾人啦，收69蚊？
继续阅读
昨天重阳节又不用去拜山，谂下食乜？路经炖奶佬 见到门口招牌啲嘢食好吸引，好似好好味咁㖞 😋于是入去试下。叫咗一个午餐，就系猪扒炸鸡髀加餐肉饭要黑椒汁， 配杯冻柠檬薏米水， 可能我本身钟意黑椒汁，所以觉得特别好味，𠮶个猪扒同个鸡髀都好好味，猪扒好淋，鸡髀冇雪味，餐肉就正常啦， 都用火腿午餐肉唔差㗎， 杯薏米水好味又有柠檬嘅香味，又有薏米食ok呀， 如果加8蚊仲可以有糖水㖭，不过我太饱冇加到，喺店里面见到其他嘅美食都好似好吸引， 下次一定要去再试下第二啲嘢食先得
继续阅读