影片
肺炎影响，好长时间无出去食野啦！今日揾早餐食，希望揾一间人少D，吾使怕附近有人咳。大霸街几间餐厅都几多人，最后揾到炖奶佬，其实以前食过晚餐，真系比较差，今日睇番炖奶佬所有分店评分，真系比前三四年差好多。第一，食物质数真系吾只无跟市场发展改进，仲差过三四年前。今日叫个鸡趴公仔面（要爽）餐，叫左一分钟就来，应该整左一段时间- 卖相已经好吾得，鸡皮好黑，汤太多。-食落个汤都保持到，但只鸡就比较鞋同实，鸡皮又㶶又吾脆，应该整左好耐同埋因为太多汤的原因。-要熟蛋就来半生熟。老板最好睇下点解会由出名变成咁样。
继续阅读
每个星期日都会出荃湾做嘢，今日畀人激亲，嬲到核爆，于是下午茶时候决定食炖奶佬，加八蚊买个糖水下下火。，个下午茶就叫咗个菜沙律同鸡髀，郑36蚊一啲都唔平，但系只鸡髀就好细只，味道都算ok，但真系完全唔脆。个菜沙律就都算系咁，正正常常啦唔算有咩特别。成嚿嘢嚟讲就有少少失望啰。至于家八蚊转𠮶个糖水，我就拣咗雪耳木瓜糖水，谂住清一清下下火。成碗嘢都ok嘅，都好多粒木瓜，而且雪耳都煲得好淋，但系冰糖就似乎落咗好多，好甜好杰。
继续阅读
一人晚餐又要健康匀衡，其实附近都好多食肆，先前去隔离富都，加左两次价所以最多一星期三晚里面去一晚又有电视睇，其他两晚系一晚面食，一晚食其他。今晚已经第二次到炖奶佬，上次二人食有甜品送，仲要任拣！系任拣，姑勿论嘢食点，送埋糖水都系六十蚊倒，OMG点会去两晚富都丫！讲返舖，茶餐厅装修，光猛，都唔少客。刚食完，份量够男人食，女生食会不点多可叫少饭，惜食呀！仲未计两人出席嘅免费糖水两客。上次同友人食过，不错，足料制作！今晚落单原因好简单，平衡，有沙律蕃茄有肉，有木耳。另外蟹芝沙律系仿蟹捧丝及芝麻酱！哈哈！赞嘅系个肉，软，又淋，几入味！木耳少许酱汁好惹味！个中汤今晚系粉葛汤，都可以有淋嘅肉粒。其他就一般般。推介，间唔时食下啦！
继续阅读
之前食过其他分店的午餐、下午茶就系第一次。我地一行4个人一共叫左5个餐；鱼柳薯条：厚度正常，炸粉同鱼肉比例几好，系细块左少少....呢碟薯条差少少，炸多一阵会更完美。鸡比薯的薯条炸得岩岩好，好食啲...其他就正正常常，食物及饮品的冷热度/味道都发挥正常，唔错！
继续阅读
今日宵夜时间，荃湾都好多间食店10点左右就关门，揾左几间，见到金装炖奶佬，有个宵夜套餐，好似几吸引，就决定入去试下，一入到去，估唔到都好几多野食，有小菜，有铁板扒，咁我之就试下叫个小菜，铁板鱼柳，配白饭，有碗西汤，都系$58，仲要晚上8点半有85折，好抵食，好快就来到估唔到大家乐价钱，个质素都唔差，有鱼，有虾，味道都唔错，之后宵夜时段，加$10有个卤水拼盘，咁我都有查过，原来炖奶佬都有好多分店，总结嚟讲，宵夜首选，平靓正
继续阅读