影片
相关文章
今日谂住买个外卖返公司食，点知等左劲耐，超过30分钟都有。就问个职员，佢就话：等等啦好快有。我见佢求其答我又无问厨房，所以我就话要退钱唔要，佢先肯走去问厨房，点知都要等多10几分钟先出到外卖。眼见堂食好快，坐低无耐10分钟就出餐。其实唔想做外卖就出声，唔好要客人等咁耐，叫得外卖就系无时间慢慢同你堂食先叫架嘛。仲有啲猪扒韧到咬唔开，上次叫牛已经韧到乜咁今次又系，以后唔会再帮衬呢间公司。我知而家度度都缺人，但无心机就唔好害人影衰间公司
继续阅读
今日黎试新野。烧汁猪排意粉食落可以，猪排好脆口好香，意粉有用蕃茄汁调过味，唔系过水就上黎果种。份量好似偏少，唔系好够食。卤肉饭好似话唔够入味，唔够咸。闻落几香，份量又系好少，都系唔好够食。觉得呢间店有d出蛊惑。明明冇写加一服务费，张单又写左新年服务费。如果系店门外明码实价写住都话好d.仲无啦啦黎左碟油菜，唔知系跟边个餐，餐牌又冇写㖞。所以我地估果十蚊系加呢碟菜？？总括价格尚可，野食质量可以，但系份量偏少。一试无妨，再试投降。
继续阅读
男朋友都几钟意黎炖奶佬，因为够多唔同类型野食选择。咁一间茶餐厅多野拣，就一定会有d野好食，有d野唔好食。今日就稳稳阵阵叫咗两个鸡脾薯条下午茶餐，一个瑞士汁脾一个炸脾。如果唔怕热气，炸脾真系突出好多，估唔到都真系几好食。虽然要等多十零分钟，但系上枱热辣辣，虽然睇落炸粉比较厚，但系食落香脆都ok，肉质keep到炸完都juicy唔干。相比瑞士汁脾，落单之后就好多上枱，暖暖地唔够热，普通茶餐厅standard，不过不失，无期望无失望咁啦。
继续阅读
第一次光顾，餐牌无炖奶和其他甜品。二人叫了一个叉烧芙蓉蛋饭，芙蓉蛋好大份，不过叉烧不多，有虾和芽菜，跟白饭几硬，中汤味道似出前一叮汤底怪怪的。另叫一碟咸鱼鸡粒饭，几大碟，但饭粒炒到几硬吓。
继续阅读
好耐无去炖奶粉食，lunch 时间去食先，印象中好多野拣，但味度还好。。见佢餐牌依然好多野拣～.鸡翼喇沙米线🐔同事落单时，叫了多喇沙。。试了一啖汤底，喇沙味好香👍🏻👍🏻而米线质地见佢话ok...不会太淋/太硬～好味度：⭐️⭐️⭐️⭐️.牛肉炒意粉🐮🍝好味度：⭐️⭐️⭐️哇。。个牛肉腌得太夸张喇，淋到似鸡肉，完全无sai 牛肉的口感🥺🥺🥺而意粉炒得算香，但质地偏硬，所以整体麻麻地🥺 本来觉得值⭐️⭐️...不过见意粉炒得唔错～.+$13 转特饮，红豆奶茶。。.冻柠茶+$3....特饮+$13~.
继续阅读