金葉海南餐廳 (已結業)

星期六來上環lunch，由於大兩，都冇乜心機搵去邊度食，咁見佢下午時間，款又多，價錢ok，於是便入去。入到去，冇人招呼你，要自己搵坐低，睇完有成a-z咁多款o既茶餐後，決定要咖喱牛意粉+熱檸茶。 期間有個阿姐拎杯熱檸茶來時，勁大力放低，放餐具時又係咁，好似想話︰我家陣發緊脾四，唔好撩我！但最精彩都係碟咖喱牛意粉，意粉同汁分開上，放下意粉時，看見意粉堆之間有好多芽菜，心感奇怪，而且唔係一兩條，至少有六，真係要頒個獎俾佢。咖喱真係認真難食，唔香之餘亦沒甚辣味，跟星加坡、南風閣等港式老餐廳差幾皮，其次是那碟騎呢意粉，本身已是味，心諗撈了咖喱可能會好一點，但並不是這樣，真係未食過咁難食o既咖喱意粉。雖則牛炆得好腍好入味，但也不能令我的想法有丁點兒改變。

20050719 2pm約了在上環的朋友午餐小聚. 順手跟朋友的同事一齊食.4個人, 朋友recommend 呢間o的海南雞飯, 未食過, 試下無壞. 見門面貼滿剪報推介, 又寫住o的醬料係自家製, 未食前, 有o的期望.其他人食咩唔comment, 我食呢o的-* 海南雞飯- request要雞脾, +$5, 雞, 老實說很一般, 唔滑唔老. 油飯也不過矣矣. 跟餐的湯則幾得意, 荵與冬菜碟仔上, 要食幾多自己落, 係雞雜滾芽菜, OK啦. 醬汁方面, 黑醬油夠甜不夠濃, 薑蓉則太油, overall 算係可以但不至於能夠叫做招牌菜wor.......* 雜果冰- 有餐飲, 轉雜果冰又+$5, 基本上一杯紅色罐頭雜果糖水, 早知就飲凍檸茶算.環境一般, 地方較逼但係兩點幾都有7-8成爆, 都幾犀利. service 就麻麻.各自埋單, 自己果份$70, 都好貴下wor.

今晚在中環收工, 成七點還是熱得很, 結果去了金葉晚餐.平日我在上環工作, 喜歡在這裡下午茶, 皆因這裡下午茶由兩點起, 廿多元一個炒粉麵有相當水準, 加埋杯紅荳凍大約是三十元, 所以不少人都喜歡在這裡下午茶.晚飯今次是第二次. 上次試了他們鎮店之寶的其中兩樣, 海南雞飯及東山羊, 海南雞飯是水準之作, 雞真係夠滑. 東山羊就一般, 家母試過都覺得淡茂茂.今日再臨, 女友叫了第三樣的嘉積鴨, 我見到侍應哥哥端過的鐵板扒幾大份, 心癢癢叫了一客西冷牛扒.先來嘉積鴨, 像海南雞飯一樣, 有酸甜醬跟, 另外還有白醋.鴨肉還算軟, 但就真是淡味, 就算加了醬汁, 也帶不出什麼特別鴨味.我來的一份西冷牛扒, 份量頗大, 初頭還只是覺得較熟, 但越食就覺得牙關發軟, 因為部份確是靭了點, 汁也是淡淡的, 與其他食品風格一致.最後一百二十多元埋單, 覺得略貴了一點. 出來時, 忘記了森美就在隔離, 何解同樣價錢, 要在海南餐廳食扖....燒鬚了....

今日算係上環上班的第一天, lunch都有充裕的時間, 自己最笨係無先睇食評,又中一彈~~~~ 唉!十二點九去到,居然仲有五人位,雖然逼d,但可接受,老實講,套餐好大路,無乜驚喜,我反而對海南雞、東山羊同嘉積鴨號稱金葉三寶有d興趣,終於我地有三個人點海南東山羊,一個叫雞絲麵,另一個叫牛柳帶子套餐.先講雞絲麵: 依據同事所講,味道一般,麵條好淋,但我無食,所以無從印證牛柳帶子套餐: 又係無食到,不過眼見牛柳都好厚,但套餐毛病~~~過熟,味道我同事話大路海南東山羊: 中招,水汪汪而無味,肉就幾淋,湯有杞子,可能係想整到似醉雞湯相近味道掛,可惜完全無味,湯水係君子之交~~~淡如水,一碗飯又細喎, 腐乳仲慘, 可以稀到無乜味~~~仲要$38加一,雖然唔貴,但我都覺得唔值

一行五個人去o左食叫o左:兩個二人餐一個扒餐二人餐有:例湯- 冬瓜鴨，好重味精海南雞- 食得落口，不過言過其實海南山東羊- d羊好肥，唔稔，水汪汪，唔得咖哩羊- 個汁都okay，但係d羊簡直恐怖嘉積鴨- 太肥，味道一般油菜- 我未見過人炒菜心可以成"注"落去炒，un到死。一個扒餐有:t-骨扒- 唔熱，d肉好似梳打肉咁，唔入流o既扒。仲要收60蚊。服務- 可接受，唯一位女waitress態度不佳。整體- 當去茶餐廳食飯，但要70蚊一個人，hopeless。

上星期路過，入去試海南雞飯，好有雞味，D招呼好好

有coupon食扒食一送一~我叫o左什扒餐有餐湯(紅/白), 我叫o左紅湯, 麻麻jer...個扒有薯條, 配菜, 豬扒, 牛扒, 火腿, 雞翼, 叉燒,冇o左牛油多士變o左飯/意粉, 我叫o左意粉, 炒過, 幾油下...仲有餐飲, 凍檸蜜都唔駛加錢~埋單$66, 連tips每人都係$35!!! 雖然唔係好好食, 不過真係有好多野食呀!! 勁飽!! 服務仲好好tim!

以前呢間係賣印尼食品,門口有d水窗,真係有水流,好得意,但執0左之後,開0左間海南餐廳,有次經過就同屋企人入去試我地叫0左佢呢度話馳名0既海南雞飯,牛沙爹(半打only)咖哩海鮮飯,蝦喇沙米,秘製貴刁.個海南雞飯几好食,個雞汁飯好有雞味,要d醬汁就夠哂醒胃,好似四十几蚊個,都差唔多.沙爹就ok,唔係太特別,個醬仲似罐頭沙爹醬.咖哩海鮮就一般,d海鮮唔入味,咖哩就..我媽咪整都有呢個水準.蝦喇沙同秘製貴刁都唔太得,d味麻麻地,前者真係好重椰汁味,好結同好滯(見到都滯),後者好普通,好似廿几蚊碟.佢呢度賣0既食品都几多樣化,意粉都有,哈哈...

三個人來這裡吃午飯，十二點九都唔少人。呢度D檯set得好密，坐唔倒卡位的話就唔係太好坐，不過就有電視可以一路睇一路食飯。坐低望下餐牌，見除了午市套餐外，還推薦海南雞、東山羊同嘉積鴨，號稱金葉三寶，見個羊賣相麻麻，就叫了海南雞同嘉積鴨，另外要了蝦喇沙米粉。海南雞飯賣相幾好，有酸辣汁、薑蓉同甜醬油，望落幾對辦。隨飯附送雞什菜湯，勝在無味精，因為無咩味。雞油飯夠油亦夠味，唔錯。雞件好肉，亦幾嫩滑，有水準；嘉積鴨普普通通，鴨件都算有肉，不是難食亦不算好食，說是鎮店三寶之一有點抓頭；蝦喇沙米粉幾大堆頭，但顏色非常之螢光黃，很是嚇人，重椰汁味，味道一般，唯一好處就係食得飽。價錢一百五十蚊，以這樣的質數來說有點貴。