金華茶餐廳麵飽餅店 (已結業)

今日要返早...好歹也要吃個早餐, 於是入到去坐卡位, 全餐廳都是男人, 我只想試試晨早套餐, 全是 $22, 今早選了 蛋治 + 麥皮 + 奶茶, $22, 老伙計溫韾提示麥皮要稍等, 先上奶茶, 自問不是奶茶專家, 一飲已覺不是老餐廳既出品, 奶與茶不夾, 茶味較重, 反而蛋治唔錯, 麵包唔厚, 但鬆軟, 賣麵包既餐廳果然幾新鮮, 不過, 雞蛋略散, 一粒粒! 進食途中....突然俾咗個火腿通粉, 但轉頭已上番麥皮, 好差, 我見到一粒粒硬硬既麥皮, 仲差過我自己煮, 吃了兩啖....浪費地放下了!既然已營業了三十七載, 為什麼沒有茶餐廳穩定的出品!

入到一些舊, 而未翻新既公共屋邨, 總會找到一家陪伴屋邨成長的飯店. 今日入西貢, 雖有牛池灣這個茶餐廳林立的小墟, 但坪石邨平台也有一家門口賣著麵包, 從來未翻新的一間茶餐廳.舊的裝修不用說, 只是舊到爛左既卡位, 用塊膠布貼住就算. 穿短褲者真的要留意有沒有木剌....叫野食, 牆上大字報有鰻魚餐, 鰻魚炒飯, 鰻魚豬扒飯, 鰻魚牛扒飯, 令我放棄了菜餐廳三保 (常餐, 快餐, 午餐). 鰻魚炒飯, 名副其實炒飯一碟, 只是內有鰻魚肉碎, 而且很容易食得出這一羹飯有多少鰻魚, 因為鰻魚既醬汁味同炒飯既味道, 用成語形容...層出不窮...可以吧. 青紅蘿蔔湯有點像水, 但勝在, 都算有蘿蔔味.回頭買了4個蛋撻上小巴, 回到老家吃了一隻, 稍勝牛池灣既蛋撻一回. 不過呢區買蛋撻, 不足半打都唔會俾盒你, 省了成本又環保.

同屋企人去街前.0係呢度轉車~就順便食D野.5時多…仲係下午茶時段~叫左幾個下午茶餐+午餐~全部跟熱飲 (唔洗加一蚊~!) 西多士 ($19)= 都係即炸~不過好似細塊過左D~炸雞比薯條 ($19)= 好多時食茶餐廳既炸雞比都係冇味既…呢度都唔例外!點解唔用少少時間”醃吓佢呀??!! 薯條正常!餐肉蛋飯($ 25) = 細佬會要食~所以叫! 午餐肉有2大塊! 足料!蛋又有2隻!算係咁!肉丁炒河 ($25) = 呢個daddy食~我冇試呀…唔知味道點..不過個賣相都可以既豬扒+牛扒飯跟栗米白汁 ($25) = 呢個係午餐黎既..跟中湯! 其實個牌係寫雙扒~但冇過會俾牛扒咁好! 汁都唔錯!好味!呢度真係幾舊式既茶記….不過舊得黎…都有部plasma 播奧運比你睇~雖然味道唔算好好~但總有份人情味!

出發去玩前，食d野先。點知個沙爹牛治，一d沙爹味都無。其實同鮮牛治有乜分別呢？=.=

身邊很多人,一想起我就想到三X - 啤酒,紅牛,同伏特加.其實,我亦愛喝奶茶同普餌,只是並不太多人知...為一杯有水準的奶茶,小弟很樂意四圍去找尋.彩虹村的鑽石冰x 已成為其中之一間"加油站",隔離村的坪石"金華"又如何?眼看門面推斷,應該也起碼有三十年,相信這店亦湊大眾多坪石街坊.見到有其出爐蛋撻,$3一隻,早上十一點吃到的,仍是熱辣辣.酥皮鬆化,蛋漿很夠蛋香.但奶茶就有所不及,雖然嗒落幾香滑,不過入口兩者味道有點失衡,初入口就得茶味,飲到最後一口才飲得出奶味.同鑽x 比,差得遠矣.

因要借的書九龍區才去,見遲遲未食晏,路經此地就入去食點東西。下午茶時間,這裡人客上比同邨的大快活少。求其點個下午茶餐,豬扒包加杯凍檸茶。豬扒包來時微暖,大大個。包沒有烘過,故面不脆,但算鬆軟。豬扒不薄,不是吉列,皮也不脆,不夠肉味沒肉汁,因不夠味需靠酸酸地的沙律醬搭夠。求其一餐,沒甚麼要求,不難食便可。食畢,往圖書館去。

又是一間舊冰室，門口擺滿自家製的麵包。食了菠蘿及餐包，原來是叮番熱的，味道當然扣了分。而蛋治的炒蛋，雖然滑，但是油味過重，我相信是落了不少油去炒。奶茶就奶味過重，蓋過茶香。老公那份沙爹牛肉米加煎蛋火腿的早餐，正常是一碗沙爹牛米，一碟煎蛋火腿，但它擺在一起，食落唔方便，而老公話沙爹淡而無味。

返公司開OT, 買左盒fifty 既麥皮, 想食多少少, 買左個硬豬仔, $2! 返到公司焗熱先食! 好過無, 淡淡地都ok 既!PS 本來行左去匯八坊, 但只見到東海堂, 好荒蕪既感覺!

今朝唔記得買早餐, 去到呢度見到好多一盤盤既麵包蛋糕, 又平平地, 有時太多反而唔知點揀, 於是見到高高既紙包蛋糕, 買了兩個, $3/each, $5/two, I buy two! 返到公司用焗爐再整熱佢, 講真蛋糕唔太軟綿綿, 不過外面焗到脆脆補番! 單係個蛋糕就唔recommend la!

我住呢間野附近,成日買佢d野食架價錢算平~5蚊有3個蛋撻.d蛋撻雖然唔係蘇皮不過一樣好食~