影片
营业时间
今日营业
07:00 - 01:30
星期一至日
07:00 - 01:30
以上资料只供参考，请与餐厅确认详情
金苑粉面系算系大围开得夜既食店之一, 但系位于内街，远离大围港铁站几分钟路程，系积信街33号近油站方向，唔熟路要揾下。夜晚经过饿饿地，想找少少湿东西吃下，但又想食饭，但唔想食汤饭，坐低奇想就叫个牛腩饭好多色，再叫埋杯冻斋啡走甜试下。地方不算大，但人就十分之多，如果喜欢食烟可以坐店外，他们有提供枱櫈。价钱叫做平民化，深宵叫碟饭加冻饮都系五十零蚊，送埋紫菜汤，啖啖紫菜很入味，多色多到有D 似干身稀饭，但我个人好喜欢，因为易入口，啖啖腩汁香，而且腩汁有佢自己一种味道，一下子唔识写，可能系腩汁香料味，值得一试，另外牛腩肥瘦均匀，无「柴」身难食，算偏软嫩，唔太黐牙。
继续阅读
金苑都算大围老店，不过今次先系第一次帮衬，冇办法啦！由火车站出发，途经鹿苑 表哥 婆婆家⋯⋯好难支持到积信街🤣🤣今日午餐唔行大围道，避开所有引诱由积富街直去目的地，相对火车站𠮶边人来人往，呢边真系静好多。店内略带历史痕迹，尚算坐得舒服，叫咗一碗肠腩米，卖相ok，不过D葱花就切得好求其，牛腩味道正常，有肥有瘦肉质唔「柴」，肠就有惊喜，粉肠火候唔错，有点咬口，竹肠中间有少许肥膏，虽然邪恶但十分美味！枱面除咗辣椒油，佢哋仲有炸蒜，呢样其他粉面舖的确少见。纯粹用一碗肠腩米作比较，金苑比起什么大围牛腩专家似乎更胜一筹！是日消费：腩肠米$45
继续阅读
以前要轮班工作，收工在大围揾宵夜食，疫情期间发现金苑今晚有事要成十点先至食饭，即刻想到过嚟，牛三宝饭永远系至爱冇得输，五十零蚊就有腩肚筋三宝，仲有紫菜汤，腩腍肚爽筋烟韧，腩汁一啲都唔咸，你话去边度揾
继续阅读
大围区食野一向都唔系平，行过见到呢间三文治连热饮28蚊，系大围区都算平啦，咁就入左去叫外卖，然后收钱果阵，阿姐就收多3蚊，即刻问佢点解，佢就话外卖系咁，一律系要加收3蚊，三文治外卖都要加收3蚊系咪痴左线？唔系公仔面果d wo，唔使用碗架wo，仲有你又唔写明系门口餐牌度，到比钱先至知！！如果你明码实价写住，我都帮衬就系心甘情愿，依家你咁就好似打劫咁样，呢间可以正式black list，纳入抢钱店了！！！
继续阅读
金苑粉面（大围）新界大围积信街33号今日经过饿饿地，想揾少少湿野食下，咁岩见到有间牛杂炒面，唔洗谂行得。地方位置唔算多，但人流就十分之多。价钱叫做相当平民化叫左个招牌牛杂河$36份量相对其他店叫做大份， 最紧要足料！个汤底好入味，但唔洗食2-3啖就要狂饮水个只！好可惜墨鱼须卖晒了， 希望下次有几会试试佢！地点⭐️⭐️⭐️味道⭐️⭐️⭐️⭐️环境⭐️⭐️⭐️服务态度⭐️⭐️⭐️（5星为最高分）
继续阅读