影片
招牌菜
成日经过金舌都好多人排队，今日就打算去试一试佢，去到都已经好多人，攞飞等位，服务员话都要等一小时，咁我地就去行一阵街先啦；行完返去仲要等几张，以为好快啦，一等又半个钟，终于入得佢放题分三种，我地拣中间果款「金舌放题」，我地急不及待就点左第一张单先，实在太肚饿，我地加左$30 啤酒任饮，食物都算快上既，食物睇样就一般般，再烧埋先知好唔好食牛肉真系一般，牛舌还可以，但冇想像中咁好食；猪颈肉就有少少惊喜既；但入左单都会漏单，叫饮品都要追几次先有，店铺人手不足都几严重！
继续阅读
家姐生日 ……话要食日本网烧 咁就试下金舌 放题入到去环境舒服干净嘅 首先我哋叫咗几个 蛋沙律 再叫其他嘢食 🐴🐷🐔 但系我自己就觉得牛舌就麻麻地 可能佢切得厚得滞 所以 食落比较靭 佢嘅猪扒都几好食 如果觉得漏 可以order生菜… 包住啲肉嚟食仲正
继续阅读
放工约左妈咪去左食烧肉放题(金舌日本烧肉)，呢度有几种放题选择，我地拣左个plan有鸡肉类+猪肉类+牛肉类，当中都包括其他蔬野菜类，沙律小食同两柸饮品！先黎温泉蛋凯撒沙律，普普通通，菜份量比起烟肉份量不成正比，差唔多成兜都系菜再加只蛋鸡中翼不过不失，鸡腿肉就一般，唔够嫩滑肉质有点"鞋"，烟熏蜜糖肠，皮脆脆地同甜甜地都唔错！其他牛肉类，酱汁牛肋肉色泽普遍，睇落唔太新鲜，肉质口感都一般，盐酱牛舌，味道唔错但食落有d韧唔够淋！ 呢度肉类质素一般，唯有叫多d野菜类食下，牛油粟米粒始终有牛油香味都唔错，牛油杂菌烧咩菇都有d，鲜冬菇都几大只，烧完都仲有好多汁唔错既！可能食开某某烧肉店散叫好味好多，觉得呢间真系麻麻，呢个价钱唔值，好彩上网download到张coupon叫做可以平返50蚊！
继续阅读
出差返黎，例行公事，陪女朋友食晚饭，佢想食烧肉，本来想方便啲系楼下牛解食，但女朋友话想试下隔离商场既金舌有三款放题可以拣，亦可以散叫自己点，放题入面无和牛，对食物质素有要求既我，系唔会拣放题，咁就散叫点了一份玉子沙律，太多沙律汁，盖过蛋味一碗紫菜玉子饭，呢道系成晚唯一满意，少少酱油，葱，玉子味道互相配合，但蛋太少，要点多份玉子，但服务员既态度系用差同发紧梦黎形容一份香葱牛舌，点解可以剩系得麻油味，完全无牛舌味一份肩背肉，无味，又无口感一份青菜，我地5:45入座，可以无晒蒜片？得菜同葱？如果9点，我可以接受，但我地已经系第一二枱晚餐客，完全唔可以接受和牛牛肋肉，终于可以接受，肥瘦适中，有肉味和牛肉眼厚切，得油味，无肉味，食完，成个口都系油牛油杂菌烧，唔够黑椒，但味道可以接受蜜糖肠，有蜜糖味，成餐最似样既一道菜两个人最后860蚊埋单，女朋友食完20分钟就肚屙唔知关唔关食物新唔新鲜，但一定唔会再黎
继续阅读
好吧，我承认我喺<金舌日式>的死忠粉丝，耐唔耐都要黎食下先安乐。基乎每次都拣金舌放题，觉得性价比最高。落单纸喺逐次俾的，而唔喺一叠放喺枱任拎。餐饮每人两杯，有汽水同乌龙茶。为左健康啲啲，都喺忍痛舍弃心爱㗎可乐。温玉凯撒沙律，简单得黎又fresh㗎沙律，绝佳的开胃菜。重点喺只蛋😆香葱紫菜温玉饭，我的最爱，用黎送烤肉一流。全碟牛牛，呢度㗎牛肉主要都喺牛肋肉、肩脊肉、腹胸肉三种。然后配搭酱汁或盐酱。怕太多肉太腻，可以点一客新鲜生菜黎包肉伴吃。香葱牛舌、鸡腿肉(酱汁)、烟熏蜜糖肠。蜜糖肠好快㶶，唔单止被🔪开一碌碌，仲要烧到变炭，好惨...牛油杂菌烧，哇，超咸！牛五花，即喺肥牛，不过今次唔喺打边炉而喺烧烤。相比起渌熟，更中意烧，正！最后，每人一球雪糕。有抹茶、姜味、云呢拿、柚子。拣左清新的柚子雪糕，柚子味重，够酸，好解滞～食饱，出发睇<怪兽与牠们的产地>。其实喺睇Eddie Redmayne！❤️
继续阅读