金筷子火鍋小廚

营业中

休息中

同兩個朋友聚下舊食飯，喺朋友推薦下我地一行三人就黎左依間火鍋店到試試。如果鐘意食環境既朋友可能未必岩，但好似我地三五知己坐埋聚下舊，環境就完全唔重要。講返D食材，真係好新鮮好好食，佢地個刺身拼盤有活魚刺身，有生蝦仲有象拔蛘，樣樣都好新鮮好好食，份量都👌，我地另外加左鮑魚跟埋拼盤上。本地手切肉好重牛味，肉質鮮嫩。湯底我地揀左胡椒豬肚湯，非常足料夠味，加左幾轉水都仲係好濃胡椒味。手打丸有好幾個款式，試左芝士墨丸同蟹丸都好出色，但可惜掛住食唔記得影相🙈，下次會再光顧試埋其他款式嘅手打丸😋。總括而言，如果好似我著重食材質素既話依間火鍋店絕對值得一試，但如果鐘意食環境既buddy 們就可能未必適合。刺身拼盤（鮑魚我地另加）😋本地手切牛👍🏻胡椒豬肚湯底

男友人生日，朋友們安排左係新蒲崗呢間小店打邊爐，老實講，新蒲崗聽就聽得多，去真係第一次去，去到前係附近兜左個圈，原來有商場又多野食，下次可以過黎走一轉等齊人啦，已訂位既我地已經安排左台比我地，如果計火鍋店黎講，呢間係比較細小，有幾次隻手都撞左隔離台既客人Order左個胡椒豬肚煲，好特別，有層腐皮包住d豬肚放係個鍋裡面，湯底奶白色好濃郁，胡椒味又不太強，適合男女老幼另外最期待係個海鮮船同刺身魚同象拔蚌，先黎左個海鮮船，有蝦有魚有蠔等等，個價錢又吾貴，我地七人都分得暈👍👍，至於個刺身船真係👍👍👍👍👍👍👍👍👍👍👍👍👍，好新鮮，個象拔蚌同魚即叫即切，爽口彈牙，真心推介，一定要叫，其他丸丫，肉丫都好新鮮，不錯另外讚美下個度d 員工，雖然個個都係姐姐，但有活力又有禮貌，仲好識講笑，氣氛好好，不過吾醒水😛，生日蛋糕明明講左係驚喜，食到七七八八就不停提我地陣間切蛋糕，陣間同你上蛋糕😂😂驚死我地吾記得，最後每位消費$400左右，因為我地請壽星仔，如果吾係，就一人$300幾，性價位ok

朋友話想打邊爐，於是去咗呢間小店，椰子鮮雞窩好抵食只係$2 ，為慶祝金筷子十周年。食物：椰子鮮雞窩雞好新鮮，唔係雪藏雞，好滑唔鞋口。白灼新鮮花螺 - 新鮮象拔蚌、魚、蝦刺生，都算新鮮，象拔蚌好爽口，蝦反而冇咁爽口條魚切完片之後，仲會保留成條骨，可以打邊爐淥熟佢，食埋個魚腩位四層極級和牛霜降 - 好正，肥瘦均勻，必食！牛骨髓 - 正常豬仔牌午餐肉 - 正常蒙古羊片 - 唔太鍾意食羊嘅人，可能會覺得有強烈嘅羊味。響鈴（脆竹卷）- 唔夠脆手打美國響螺 - 其他打邊爐的餐廳好少有，呢個好特別，好味，彈牙爽口。手打墨魚滑 - 爽口彈牙，新鮮。手切白肥牛 - 我朋友話係牛胸油部位，唔係個個鍾意食。服務💁🏻‍♀️：店主親切有禮，態度殷勤，服務一流。會主動送雜菜給我們。晚一點的時候，正當是老闆們用晚餐，可能因為我們是坐在他們旁邊，老闆亦主動問我們有沒有興趣試吃他們整的鮑汁雞腳同水果。環境：店舖比較細，大約只有10張枱，有少少擠迫，適合少人數去試。泊車🅿️：可以直接泊餐廳出面的街。總結：整體質素唔錯，可以支持一下小店。

這店舖位處新蒲崗工業區附近，交通不自便利但人氣卻爆燈，因為它物美價廉。店子內部不大，若你不介意路邊風味，店主會加枱於店前，點起瓦斯爐給你。我們今夜預先３天訂枱，所以ＨＡＰＰＹ　ＦＲＩＤＡＹ能安座店中。今晚湯底選了＄２的蟹肉魚翅鍋。鍋來到時大家都很好奇，一個腐皮袋子安放於上湯中，湯頭滾起時打開那個腐皮袋子，內有大量卜卜蜆、魚翅、蟹肉及雞腳，雖不是絕頂鮮味，但較外面百多元的湯底相差無幾。火鍋料方面，我們點了＄２９９的大碟本地手切肥牛，加＄１有一碟松葉蟹腳。牛肉是厚切，肉味濃及有咬口，必點！＄８８的手打墨汁墨魚丸是這裡特有的，烏卒卒的外表內是爽口彈牙的墨魚滑，再貴也要來一碟。最後另一重點出場，＄４８８原條象拔蚌刺身，雖說＄６８８可來一條大象拔蚌，但確是沒此必要，因為細條也份量十足，加＄１２還有８只蝦刺身。這裡大青島＄２０／支，汽水＄１２／罐，竹蔗茅根＄１２／支，取價中庸＝）

昨夜有局，結果搵到去新浦崗⋯⋯十一點半，。先叫鍋底，呢間火鍋店經常有做推廣，今次湯底低至$2，吾好以為$2會好差，個湯底好足料。我今晚就點左雞湯底，佢仲配左2粒鵪鶉蛋，少量冬蟲草，椰子，紀子，個湯好甜。今晚因爲7點去食，佢做緊叫3樣餸，第4樣餸免費。我點左牛肉，蟹肉棒，魚皮餃，墨魚滑，豬腸頭，脆魚片，講真樣樣食材都好好味，特別係脆魚片，墨魚滑，好彈牙，好爽口。呢間最吾好係坐位少，店員太hard sell,其餘都好好，基本上每個月都會幫襯至少次，無得碌卡，去食記得帶現金，仲有海鮮價的海鮮都幾吾錯，我都好鍾意食，其他湯底，例如海鮮湯，我都覺得好味，但嚮鈴就麻麻。碟牛唔係太得，希望下次會好D。5個人，埋單950，出面食齋飲半打啤都要兩佰啦，一定番轉頭

在新蒲崗工作至夜深，同啲同事食個宵夜先幾條友最岩烚下烚下打邊爐同飲啤酒!!!我地食到收鋪，4點幾😂一來就叫左個鍋先！見到嗎！個鍋只要$2 !!!! 點解要甘擺，老闆娘話要等個湯滾先落雞，入味啲👍🏻👍🏻的確個湯好飲，雞又滑。滾得耐真係陣陣耶香，我覺得係落咗少少椰汁囉，哈哈😂😂下次要試$1 生拆蟹肉海鮮鍋😈免費醬料！嗌左一碟手切牛，啲牛加埋湯底好甜。呢一條魚係老闆娘推介嘅，佢成隻起骨，食落仲好滑添！之後仲可以成條魚落去煮，我呀頭損埋魚頭😅😅娃娃菜無影到，我地嗌左兩碟，娃娃菜超甜！來食一定要嗌！

新項目推出，老闆請我們吃飯預祝項目成功。我們一行七人，當中有人開車，比較方便，於是我建議到新蒲崗的金筷子，就是覺得到金筷子吃火鍋氣氛特別好，跟這個飯局很配合由於時間太趕我連午餐都沒有吃，一坐下我便要求點些小食充飢。我們點了麻辣東風螺、麻辣花菇和炸魚皮。平常我不太喜歡吃螺，總是覺得吃後有點難消化，但這些東風螺少少的一只，則沒有那麼為胃部帶來負擔，而且這東風螺做得很入味。麻辣花菇沒有很厚肉，勝在涼伴的做法令花菇夠爽口，而辣味調得剛好，令胃口大開。炸魚皮則太薄，沒什麼特別。牆上貼了一排推介食品，金筷子一向會推出2至3款火鍋湯底，以1或2元的價錢優惠客人，見到能以這樣的價錢吃到蟹肉、海鮮、花膠等食材做出的湯底，又豈能錯過呢服務員一送上火鍋湯底，總會引起第一次來金筷子的食客的哄動。我們點的是生拆蟹肉海鮮鍋，海鮮配料以腐皮裹成雲吞狀，再巧妙地以幾條意粉固定封口，腐皮上放了些蟹柳和素翅，湯底配料非常豐富，賣相亦絕不欺場，一元實在是物超所值。我們在放火鍋配料前喝了點湯，非常鮮甜 火鍋配料的價值公道，並不因湯底優惠而取巧把價錢調高。火鍋配料食材夠新鮮，霜降肥牛肥瘦均勻，牛味重，手打滑類亦不錯。老闆請吃飯

呢間火鍋店經常有做推廣，今次湯底低至$2，吾好以為$2會好差，個湯底好足料。我今晚就點左雞湯底，佢仲配左2粒鵪鶉蛋，少量冬蟲草，椰子，紀子，個湯好甜。今晚因爲7點去食，佢做緊叫3樣餸，第4樣餸免費。我點左牛肉，蟹肉棒，魚皮餃，墨魚滑，豬腸頭，脆魚片，講真樣樣食材都好好味，特別係脆魚片，墨魚滑，好彈牙，好爽口。呢間最吾好係坐位少，店員太hard sell,其餘都好好，基本上每個月都會幫襯至少次，無得碌卡，去食記得帶現金，仲有海鮮價的海鮮都幾吾錯，我都好鍾意食，其他湯底，例如海鮮湯，我都覺得好味，但嚮鈴就麻麻。

昨夜有局，結果搵到去新浦崗⋯⋯十一點半，聲稱有75折，但係原來得某種類先有75折。先叫鍋底，裡面係有蜆，有蝦，有冬瓜嘅湯底，湯頭幾甜，索價1蚊。點叫嘅有 象拔蚌，手切牛，手打丸，普通丸，響鈴，菜，蜆，半打啤酒，三罐汽水。象拔連蝦刺身，條蚌好食與否，肯定取決於新鮮，呢度仲要抵食，上枱時船邊仲有約15隻虎蝦圍邊，蝦就點都煮煮先敢食，而唯一要彈係切蚌刀功麻麻。手切牛，碟牛唔係太得，希望下次會好尐。啤酒15蚊一對，超抵！四人行，埋單八佰四，出面食齋飲半打啤都要兩佰啦，一定番轉頭。

一家人去新蒲崗食飯佢哋話想打邊爐行過出面見到幾多人於是就嚟咗呢間門面細細地 啲阿姐幾好招呼一入到去見到有寫住一蚊窩底poster好似幾正 於是就嗌左個生拆蟹肉海鮮窩 象拔蚌 鮑魚同霜降肥牛海鮮窩個樣好靚 湯底味道啱啱好 入面好多料象拔蚌好爽口好新鮮👍🏻鮑魚夠哂彈牙 不過唔係好大隻Post呢個食評嘅時候見到有負評但其實味道服務都唔錯 真心推介🤔絲打們值得一試！

約朋友食飯，就脚落左去啤啤，老闆娘(我估係)硬推象拔蚌加魚刺身，朋友來到吹水啤啤，突然有人問，呢條咩魚，我先醒起望望，睇落點解似淡水寶石，魚？唔係海魚來咩？淡水魚可以刺身？？？老闆唔識，師傅都應該識。今次杰，食左先知，返屋企飲返D白醋，白酒，消毒殺菌先。

相信我，啲野唔係人食！竹苼有沙，啲羊有怪味墨魚好腥，象拔蚌軟pat pat無咬口，又腥！玉米唔甜成個湯好似水咁。。。不過一入去就送汽水，貪小便宜既朋友，唔好中伏😂😂

第一次光顧，去到見$1蟹肉海鮮鍋，$2胡椒豬肚雞鍋，又即刻有位，就試下我要左蟹肉海鮮鍋個樣ok，料都多嘅，入面有蟹肉、魚翅、花蛤、雞腳等用腐皮包住，賣相ok，但開始食就出事，先食花蛤，啲花蛤勁多沙😫，食到成口卜卜聲😣，仲有成煲都係沙，跟本冇辦法再食😖，什至再打邊爐，成鍋湯底都冇咩點食過，不過$1就算，我要求佢換番果清湯比我地繼續打邊爐，開頭都好唔願意咁😤，但後來都肯換。其他食物都一般啦，話就話日本黑豚肉，不過算吧啦😒，仲有青島啤，十時後特價$12，之前就正價，不過完全唔同味，好似係大陸飲果啲似水嘅啤酒如果去我諗都唔叫呢啲⋯⋯

本來想去第二間打邊爐， 行行吓見到生拆蟹肉海鮮窩先係一蚊咋。梗係唔好蝕走入去試吓。見佢一蚊就試吓啦。。。原來係生拆蟹柳肉海鮮窩 一拎到黎見到佢一個包咁包住。。。 好得意。 其實入面都有好多料既。。。 老闆叫我地試左吓個特色小食。。。 真係估唔到又幾好味喎。 連平時唔食冬菇既我都食左幾隻。見到每一台都有人叫象拔蚌刺身， 不過兩個人驚食唔晒所以無叫。 我地叫左個手切肥牛❨但我覺得似機切❩, 墨魚滑、雞雜❨其實只係得雞腸同雞腎❩

經開此店，又到食飯時間 ，就入去試一下。打開餐單，點了火鍋配料，中價錢（$28,38,48,58,78）海鮮另計。好啦，火鍋配料嚟，嘩。。。超少。每樣好少，全部叫返嚟，响聆叫返嚟，魚皮餃（用四海），好失望。叫了豬肚雞，表面好靚，以為好大，原來放個蒸餸架係底，咁都算。。。。啲姐姐吹命符咁要你走，大姐呀。。我打邊爐呀！！！點快。超無奈。冇take 2