金田家 (已結業)

元朗本身有唔少食店，自從大型商場開幕，更加多左啲連鎖食肆進駐！亦令到更多人入元朗搵食，假日出元朗食飯就真係一位難求，每間餐廳外面都總有人龍一向最怕排隊，假日都盡量留响屋企！不過難得細細妺入來元朗，點都要陪下佢出去食lunch!今次揀左尼間拉麵店，主要係人唔算多，剛好又有枱，唔使等位天氣咁熱，飲杯士多啤梨乳酸梳打，真係透心涼！每人揀碗拉麵先，細細妺揀左魚介豚骨拉麵，佢話個湯底好濃有魚味，不過隻溏心蛋就麻麻地！男朋友就揀左豚骨mix拉麵，個湯底好複雜，豚骨湯mix雞湯，我試左個湯味道都唔錯，至於腩肉义燒同拉麵，佢話都ok啦！我就試左個柚子辛口拉麵，絕對唔算辛口，湯底有柚子嘅味道，黑豚义燒配普通軟硬度嘅拉麵，好啱我口味，我個人好喜歡另外叫左份海老餃子，一啖咬落去，外皮一面煎得香脆，之後又有種食緊蒸蝦餃嘅感覺，都幾特別

下午2點半，重未lunch, 係yoho mall 想搵$60樓下嘅主食...最後決定食金田家👍下午茶餐得兩個唔同餸嘅拉麵揀，當日得返一個款😅豚肉拉麵 可自選配餃子X 2 或者 枝豆，可自選 汽水 或 果汁... 拉麵ok, 湯底ok, 有芝麻碎可以自行加落去，份量係下午茶嚟講都足夠👍 枝豆同餃子都唔錯，15分鐘清晒所有嘢😋餐廳坐得舒服，侍應基本上態度幾好，下次會再嚟❤️

幾年前曾經到過銅鑼灣分店，感覺都係一般。 為左好快同朋友食完lunch去睇戲，咁就再比多次機會金田家。我地order咗三款麵：。 激辛拉麵 - 每款拉麵都有日式义燒。佢既湯底好正，辣味越食越辣，但你唔會食食吓想要放棄😌。豚骨MIX拉麵 - 拉麵湯底好濃味，又唔太咸，加上本身已附有既木耳好有口感，好好味😋。雞白湯豚骨拉麵 - 呢個湯底唔算太大雞湯味，無乜配菜。 個人覺得豬骨湯底好味d. 以下蒽花係正常分量，如果鐘意食蒽既朋友可以一試。

今天想吃拉麵，記得這商場有一家便去試試。日本都有的連鎖品牌，裡面木系感覺，坐得舒舒，我坐在吧枱位置，可以看到師傅在準備食品，好有日本感覺！😍我點了一個正常豬骨湯拉麵，大概選擇跟平常差不多，麵有點不像平日吃的拉麵，有上海麵的感覺，湯底不會太膩，叉燒肥瘦適中，配有木耳蔥跟紫菜，蠻有口感。😋另外叫了薯餅，一個牛肉饀，另一個是紫薯，一甜一咸挺過癮，而且炸粉不多，脆身可口！配有薯仔沙律，解膩一流！一提它的茶挺好喝😂

仲記得第一次幫襯金田家係四年前，位於登龍街金田家喺第一間係香港開嘅分店，嗰陣日本拉麵勢頭強勁，想食碗好拉麵至少要排返一個鐘頭隊，我記得當時食完係令到我十分感動，排幾耐隊都值得，而位於元朗形點嘅呢間分店，初初開嘅時候都大排長龍，我諗都好多人慕名而來，始終金田家呢個大名的確來頭不小，講返我今次幫襯嘅感受，所有嘢都好公式化，無論湯底同煮麵功力都去唔翻以前嘅水準，雖然未去到難食嘅程度，但已經食唔返嗰份感動。

再度探訪金田家， 因為老公同阿女都喜歡食拉麵。😊 元朗店內的座位雖然不多，但勝在夠乾淨，坐得也舒服。 落單紙清晰，除了有齊想吃嘅 拉麵種類，小食，飲品， 甜品 等之外，還有拉麵嘅硬度，是否走蔥等，落單紙一目了然👍。 今次來一個黑豚拉麵， 還加了流心蛋，粟米和泡菜。豬肉夠薄身，柔軟; 拉麵也十分有韌度，湯底夠味卻不太濃。這間舖頭也有積分卡，儲印仔; 儲夠一定數量，就送拉麵。😊環境裝修方面，光猛開揚， 店員也友善。整體來說，感覺和印像是好的。😊

九州福岡No.1 拉麵 非浪得虛名 受兒時對拉麵的印象所影響，以往在日本餐廳，我都絕不會點拉麵，烏冬這些麵食。因兒時食材沒有什麼日本直送，即使是日本餐廳，估計食材多數是本地或國內製造，口感當然沒有那麼好，印象中的拉麵是 - 粗身，硬，粉漿味。不過，現在當然有所改觀 這家拉麵店，小妹是萬分之推介！雖然現時有很多日本到港開的拉麵分店，但吃過這麼多家，此家的拉麵是令我念念不忘食物: 點餐時，麵有分四個硬度可選擇，一般我會選普通，不硬不軟，剛剛好！這𥚃的拉麵都是比較幼細，但好口感十足，是令我吃過也想回味的原因除了麵感好，肉亦不肥不膩！辛子黑蒜拉麵喜歡蒜的你不防可點選這個黑蒜拉麵激辛拉麵愛吃辣當然是點選這家雞白湯豚骨拉麵想清淡一點，雞白湯也是不錯之選👍🏻 加多一隻溏心蛋更正總結，就是一試就愛上！

今日返娘家夾埋細佬放假，去附近大型商場YOHO MALL搵食！元朗好少有日本嘅正宗拉麵，知道YOHO MALL開咗金田家！特登去試吓！雖然兩點鐘去到，正常食飯時間過咗！但依然有好多人食緊😎不過好彩唔使排隊，即時有得入座👍🏼拉麵選擇唔少，大概有8種而我選擇左辛士黑蒜拉麵！平時啲黑蒜拉麵好少配辛子！金田家比較創新，辛子配黑蒜個配搭第一次見，所以即刻要試吓！少少辣配上黑蒜湯底非常開胃！而細佬嗌咗柚子辛口拉麵係辣嘅湯底配上柚子又係比較特別嘅配搭非常期待！細佬話都幾辣🤭愛辣的你可以試試🤣拉麵店來講金田家小食比較多種類，有好多唔同嘅選擇！而且仲有沙律添！我哋帶咗薯仔沙律同埋煎餃子！飲品方面我哋揀咗童年回憶波子汽水好多年冇飲過波子汽水啦👍🏼👍🏼

平日見依間拉麵店長期排長龍，今日難得唔需要排隊就有位👍店內裝潢唔算太日本feel，坐位比較多，但就有機會需要搭枱。濃湯豚肉拉麵（$78）豚肉入口即溶化，湯味道還可以黑豚拉麵（$98）豚肉比較厚身，湯味道比較濃郁所有拉麵都可以自行選擇軟硬度大將餃子（$30）小妹真的很喜愛餃子，餃子配合酸酸甜甜的醬料唐揚雞塊（$35）雞塊令我十分驚喜，雖然雞塊用炸，但可以保持到肉汁，而且好嫩滑另外突登叫多個懷舊波子汽水（$25）今晚既晚餐十分滿足！

元朗依家真係好多人，平日夜晚想食個晚餐，間間都要等位。今晚就去左金田家，在YOHO MALL 1期百老匯戲院果邊。餐廳細細間，但裝修都有D心思~自己點餐，一人一枱號一張點餐紙就唔會錯啦。仲有個QR Code 做問卷調查~我揀左黑豚拉麵 ($98)，可以自己選擇麵的硬度，要多蔥定走蔥，好自由。黑豚拉麵的湯底係濃味的豚骨湯，唔油膩無味精，加上一D配料，湯底好出色，黑豚叉燒份量唔少，又厚又大片，唔會硬，易咀嚼，麵我選左軟身，但反而有咬口，唔會話腍到一pat野咁。小食揀左唐掦雞塊 ($35)，熱辣辣上台，外皮脆而香口，內的肉質細嫩多汁，賣相同口感都一流。友人揀左雅布尼叉燒 ($28)，佢賺不絕口，話炭燒味好香，肉薄，但要親熱食，擺耐左就有少少硬。

日本feel的拉麵早排去了日本旅行，一直心思思想繼續吃拉麵。於是去了附近的元朗形點，因為裏面有一間叫做金田家的日本拉麵餐廳，而且和我家的位置很近，所以去金田家食拉麵真的很方便。 落單主要靠一張紙寫上自己喜歡的拉麵，當中更可以自由選擇麵條的粗幼度，以及蔥花要多或者要少，連配菜如果想添加都可以在這張紙上列明。我們叫了黑豚拉麵，$98。黑豚拉麵一送到上枱的時候，見到五大片黑豚圍着碗邊，當時候真是嘩一聲，因為我真是很喜歡吃叉燒，我指是拉麵的叉燒，哈哈。黑豚的豬肉味很重，好好味，不老身，又有咬口。麵條又有彈性，幼身，加上湯底有非常濃郁的豬肉豬骨味，兩者一齊放入口，簡直是Perfect match。當然，亦都有一些蔥花和木耳條等等配菜。至於，柚子辛口拉麵，$98。本來以為會好辣的，怎知原來辣度適中，所以吃不到太辣的人應該都可以食到。而且一邊食就一邊食到柚子的味道，因為柚子味真是很重，連湯中的辛辣味都遮蓋不了柚子味的清新。正正因為柚子味很重，為這碗拉麵增添了色彩和清新口味。男爵薯餅，$38。這個薯餅有兩款味道，一個碟上有兩大塊薯餅。其中有一塊薯餅是薯仔味。另一塊薯餅是紫薯味，紫薯裏面又有一些栗子粒

金田家是日本福岡評分No.1的拉麵店，原來開到黎元朗。來自日本九州的過江龍，點都要試下。以木系為主的日本風。也是跟其他拉麵店一樣，可以選麵的軟硬度，可以加購任何配料。價錢我覺得很合理，比起同區的幾家，價錢差不多。辛子蒜香拉麵好香蒜味，油香四溢。豬骨湯頭濃郁。麵條軟硬適中。我偏好硬身。豬肩肉，如果話入口即溶未免有點誇張，不過叉燒非常腍，脂肪與肉的比例中適中。炸雞到位。雞件稔身有咬口。香料配合適宜。脆卜卜的外層拍案叫絕。波子氣水係食拉麵的好拍檔。果然係猛龍過江。

一再Encore嘅拉麵店，地點夠就腳而且水準一直Keep到！ 今次同朋友一齊去，可以試多兩款小食，發現除左拉麵小食味道都唔錯。雞白湯豚骨拉麵，連蔥都走埋望落確係有D齋，其實湯底好鮮味，而且我好鍾意呢個湯唔會過咸同油，加上今次叉燒肥瘦適中，食完唔會有好滯嘅感覺。黑豚拉麵好適合食肉獸，大大片豚肉圍住碗麵。湯底明顯比較濃，豚肉偏瘦食落好甘香，口感亦唔會乾柴。溏心蛋好靚！流心程度剛剛好，而且夠入味，個人覺得食拉麵一定要跟隻溏心蛋！再點左兩份小食：男爵薯餅外面炸得香脆，牛肉薯餅稍為偏甜；我更鍾意紫薯栗子口味，紫薯綿密又香甜。兩大塊食完都幾飽！平時黎都會食餃子，內餡味道清爽但未算突出，我愛餃子個皮，薄身但唔會一夾就散，食落好煙韌。好耐冇飲過波子氣水，重拾下童年嘅味道。香港地咁多拉麵店，好少會Encore，我諗金田家真係幾岩我口味。  

今天，我來到元朗的「金田家」品嚐海鮮美味日本拉麵，店內裝潢富日本特色，餐廳地方寛敞，乾淨衞生，今晚可以大吃大喝一番！黑豚拉麵黑豚肉軟腍適中，以肥、瘦肉均衡為上佳，店主將這豚肉發揮到極致, 第一口拉麵令印象深刻, 好香好濃湯底，拉麵有紫菜，口感更豐富, 麵質爽身彈牙, 不會太軟太硬, 實在出色!唐掦雞塊肉質軟嫩多汁、色澤鮮明、香味四溢。經過烤燒，香味四溢，肉質富脆口感，又有焦香味，一等一享受。一頓美味有質素的拉麵，每樣菜式都用心製作, 無可挑剔, 賣相佳又有內涵，我們都感到十分滿足。

中午去了YOHO找餐廳吃午餐, 遠處看到金田家那個大大個的男人頭像lego, 剛好想吃拉麵, 所以就決定試一下!!拉麵的名稱都很像, 跟職員問一下有什麼分別, 原來豚骨MIX拉麵是混合了部份雞湯, 黑豚拉麵的叉燒跟豚骨拉麵的叉燒不同。辛子黑蒜拉麵: 我很喜歡蒜香味, 雖然湯底黑漆漆的, 不過很香濃的蒜香, 但不會很強烈的感覺, 容易入口, 帶少許微辣, 越食越過癮!! 而且我很怕湯會有一粒粒的湯渣, 雖然看起來好像是一點點黑色, 不過飲一啖湯, 又滑又香!黑豚拉麵: 較濃的豚骨湯, 加上又厚又大片的黑豚叉燒, 可以選擇麵的硬度, 我喜歡硬身一點, 想要多點蔥, 不過見到多蔥要加$5就放棄~ 另外點了小食芝士年糕及大將餃子, 芝士年糕又QQ又多芝士cream~ 食了芝士年糕覺得有少許膩, 再吃一口餃子就完美, 皮薄內有汁, 不錯!!同事點了蘋果汁, 我就見到波子汽水都會點, 童年回憶經常有波子汽水原來金田家在倫敦及福崗都有開店舖, 香港都有幾間, 我經常去荃灣, 下次可以試下荃灣分店。