金燕島潮州酒樓

营业中

休息中

粵菜真係食咗好多年啦，宜家都覺得自己嘅把口比較挑剔喇，成日都系食尼條路上真係越走越遠喇。凍魚系令我覺得比較出乎我一般嘅意識的一道特別的東西，味道我就覺得不是很好喇，而且去腥工作可能做得不是很完美，所以食起身感覺到有小小的腥味，而且凍魚口感同價錢方面都令我覺得不是很滿意，口感稍微有過火嘅感覺。當然要點翻個招牌菜喇，就係金牌潮州翅喇，雖然我認為系賣相上還有需要改進的地方，不過口感與味道都係特別好，真係好正咯，果然系招牌吖。蒸排骨也是很好食的，味道比較正宗，而且食多咗都無會覺得好膩，比較岩我胃口。

金燕島第一身係金島响星光行，之後去咗寶勒行華寶大廈，早幾個月搬咗去粵海酒店，一直未有時間再幫襯，今晚終於有機會。8個人叫咗：鹵水鵝肝軟滑、方魚炒玉蘭火喉夠爽口、碧綠川椒雞惹味、蝦棗蟹棗雙拼香口、鵝腸拼鵝片鹵水入味、胡椒炖豬肚微辣可口、香煎倉魚片熱辣美味、糖醋黃金伊麵脆口落埋糖醋更加開胃、潮州荀粿及韮菜粿外皮煙韌內涵爽口夠味。清心丸綠豆爽唔太甜，金瓜芋泥好滑又濃味。

由隔離大廈搬入了酒店內, 原址變成了"香港老飯店", 金燕島, 聽講係聲名不錯的酒家. 但今天吃了一餐十分失望午餐. 可能因為中午飲茶與晚市食飯不同啩...., 又可能我們期望太高關係, 總而言之, 點心水準, 比中下價的稻香或百樂門還要差.金燕島蝦餃皇, 並非傳統款式, 友人話潮州店款式有所不同, OK....無問題...好味就可以了. 但上檯時的模樣, 兩隻的皮已爆開. 入口, 皮厚, 未至於粉狀, 但全無煙韌感覺, 餡料的蝦肉碎加豬肉混合, 淋身, 一點蝦的爽脆也沒有. 中下價的尖東百樂門供應的蝦餃好食得多了.潮州蒸粉果, 厚皮款式, 花生淋淋, 餡料味道淡. 市場上的酒樓供應, 通常有兩款, 傳統的厚皮和新式的薄皮, 如果酒樓師傅並非自信十足, 提議都係做新式薄皮好了.蜜汁义燒包, 皮粉不軟滑, 餡料不夠熱.瑤柱珍珠雞, 米飯身還有一舊舊未全熟的狀態, 硬硬的不能咬開, 瑤柱?? 唔覺有囉.... 如果做得好食, 有無瑤柱不成問題.XO醬炒腸粉, 除了炒得不夠香口(燶身)外, 算是最好的一味點心了. 配上最好的辣椒醬油, 滿意!一小時左右的午飯時段, 主管時不時向下屬訓話, 下

本身訂左潮庭, 但原來馬來西亞世叔住粵海，無奶油叫人地3號波仲有少少雨的晚上，捨近就遠，所以改BOOK粵海樓上的金燕島。可能因為都仲係3號波, 7點鐘晚飯時間，入席率尚不夠六成。其實咁樣相當好，環境安靜之餘，食客又得到比較優質的貼身服務。首先，一行到去門口就有三位知客姐姐一個部長歡迎我地，咁就感覺相當良好啦, 我第一次黎都有賓至如歸的感覺, first impression呢家野，赢哂!行到入去, 如前所言, 無咩人，間隔寬敞，非常舒服。最重要係部長、姐姐們貼身得黎又恰到好處地唔會覺得佢地好煩 (即係個D係唔係都幫你加茶, 食到一半強行收你碟話要幫你換碟個D)，幫你收拾的時候又會R你兩句水吹下, 都幾開心, 好有細個老豆阿媽帶我去舊式茶樓食飯既FEEL。野食方面，真係無得講, 單字一個 "正"! 我同世叔兩條友，唔食得多，只係叫左凍蟹、香菜煲、蠔餅、凍烏頭，都係好經典的潮州菜。我食凍蟹比較奇怪, 要落好多醋, 難得, D醋有味得黎又好清, 沾多了都仲食到蟹肉鮮味, 正! 之後上桌既係蠔餅, 喜出望外之作! 香港既蠔餅通常都係油炸, 貪其快靚正: 落鑊一炸, D發粉即時放大，大大舊, 好

近年多數在自助餐吃凍蟹腳，上一次吃潮洲凍蟹都不知是多少年前的事，幸得好友宴請，讓我有機會重溫其滋味。金燕島已由星光行搬到寶勒行再遷往現址的粵海酒店內，雖已久仰其大名，但我現在才首次光顧。我們二人獲安排坐卡座，自成一角，既舒適又較安靜。潮州凍蟹：友人一早預訂了凍蟹，但經理說適逢休魚期，所以蟹較細隻，而且要略加收費至六百多元。凍蟹既然是這餐飯的目標和主角，我們還是照叫可也。凍蟹上桌時已切開了多件，我覺得一點也不細隻，給兩個人享用絕對足夠有餘，而且細隻的肉會較嫰滑，更加好吃。這隻蟹的肉富有鮮味，肉質結實有彈性，吃得出是新鮮貨色。以這種極為簡單的方式烹煮，食材必須質優、新鮮才好吃，所以貴一些，也是值得的。滷水鵝肉鵝片鵝掌：友人另一道預訂的菜色是滷水鵝肉鵝片鵝掌併盤，頗為大碟。鵝肉和鵝片相當嫰滑，即使淋有較濃味的滷水汁，鵝肉的鮮甜味也絲毫沒被遮蓋，而且肉香撲鼻。鵝掌皮頗爽口，同樣滷得十分入味又不會過鹹，果然是招牌菜色之一。墊在下面的豆腐吸收了鵝肉和滷水汁的味道，同樣好吃。潮州翅：友人想試試潮州翅是甚麼模樣，所以叫了一碗來吃。結果不出我所料，翅的湯底是濃稠的一種，像一大碗深色芡汁，雖然看到一條條翅