金滿都越南餐廳 (已結業)

近排鍾意約朋友起長沙灣食宵夜，因為這個區夜左都覺得幾安全，交通又方便。月尾手緊想食得飽一定等這間宵夜，因為所有晚餐都有7折！係，係7折，姐係哎一個40幾蚊的晚餐，折完30幾蚊，仲有野飲，仲唔洗加一！好少越南餐廳可以咁平，晚上可以用$64兩個人食得飽走，真係時光倒流的感覺。講番食物質素，我通常哎湯粉或者咖哩飯，豬頸肉湯濛粉，豬頸肉夠多，唔肥，濛粉都正常，但湯底就不是好湯味同正宗，不過咁的價錢我就當然唔會有咁高要求！所以大家可以來一試。

收工好肚餓，拿拿臨醫吓肚仔越南嘢不嬲都鐘意當晚7:45pm左右去到，入座率約一半場內多大檯我們2人也可坐6人檯以街坊店嚟講，座位完全不侷促食物款式多選擇小食類時蔬類湯河類，加$2先有得轉檬是日晚餐會奉送餐飲一杯我們點了凍豆漿（沒有冷熱可選，只有福）少甜，有豆味，熱辣辣解渴一流～～～由於我們太肚餓，亦點了香草牛油焗青口這小吃見平平地，就即管試吓呢個超正首先，佢比多左一隻第2: 佢係即叫即焗嘅，上檯時係熱辣辣青口焗到燶邊又金黃，賣相十分吸引而且每隻青口都有足夠的香草牛油，完全夠味，好香，唔油每隻青口大小差不多晚餐1: 越式蝦餅湯河粉點完餐好快上，好大碗勁多蔥同炸蒜，勁like餐牌有標示主要用牛湯底，由於我怕牛味唔吃牛肉，但個湯底好好，冇咩牛味，反而係好清甜而且份量十足河粉多，而且質地爽滑，完全唔會一夾就散又唔會淋pat pat配埋清湯食，𠽌入口好滋味晚餐2: 煎蛋雞蛋飯有啲蔬菜點綴吓蛋是流心荷包蛋雞肉份量多，男人絕對夠食雞肉味道像吉x家啲豚肉咁，有汁撈埋，好有味，送飯一流雞肉一啲都唔un，配埋啲蔥同吃仲香晚上6:00-9:00pm，人均惠顧唔記得滿幾多，就有小食送可選：米紙卷、炸春卷、紫薯

同屋企人每次都好鍾意食呢一間越南河粉😍貪佢湯底夠香又抵食今晚就同屋企人一人叫咗一碗火車頭河粉呢間分店好特別凍豆漿都唔使加錢😆牛丸就有少少太「冧」可能我鍾意食開牛筋丸嘅關係啦而牛柏葉就啱啱好～熟牛肉好「冧」但又唔會太薄生牛肉就有啲太韌 可能擺耐咗嘅關係食到最尾唔夠喉 叫多咗一個拼盤春卷炸得啱啱好😍蔗蝦就有啲小肉整體來講 作為晚飯 價錢合理 服務態度又好 性價比極高嘅餐廳！鄰近仲要有幾間糖水舖 食完晚飯仲可以過去食個宵夜添！哈哈

嚟到呢度食個午餐咁又叫咗主打菜火車頭湯河粉湯河粉份量 略嫌少咗啲因為食完唔夠飽而且個湯底可以再濃返少少會好味啲 其後我叫咗牛油雞翼就相當唔錯雞翼夠大隻同埋都好入味雞翼本身係炸嘅但係油唔算多所以覺得整得幾好

心血來潮想食生牛肉河，上網搵咗一輪，明明深水埗/長沙灣區出名多美食，有做生牛肉河嘅地方卻出奇地少，難得搵到呢間幾就腳，專程去試下喺餐廳門口見到星期一精選午餐餐牌，第一樣已經係我嘅目標食物，夾都冇咁啱，今日果然係適宜食生牛河嘅日子!**精選午餐餐牌一星期轉幾次，下次嚟之前可以睇定想食嘅野有冇上榜**撞正午飯時間，裡面坐滿人，似乎係一間幾受歡迎嘅餐廳喎。侍應阿姐好殷勤，好快就幫我落咗單(中段見我要嘅青檸辣椒未嚟，仲主動幫我跟)。**留意返套餐轉第種麵底要加$2**碗河粉賣相幾吸引，份量都唔少牛肉熟嘅程度剛好，上枱嘅時候仲有啲粉紅色，浸一浸熱湯就食得，食到尾都唔會太老。但鍾意生啲嘅朋友可能要一早搵個碗仔裝起啲牛肉，以免畀啲湯愈浸愈熟湯係普通嘅清湯，無咩牛肉味，蔥同九層塔唔算係特別香，即使加咗青檸辣椒，香料嘅味都唔太出。食到尾覺得唔夠濃味，加咗辣椒魚露落去，酸酸地開胃啲多一種食法奶茶有啲淡，唔知特飲椰汁紅豆冰會唔會精彩啲呢?整體嚟講，呢個價錢食到咁嘅份量同質素，算滿意

位於長沙灣元洲街既金滿都。星期六晚上七時多去食晚飯，人唔多。但勝在抵食，味道都唔差、湯檬大碗配料也足 。不過我叫果兩款小食就麻麻而且員工態度也不錯所以咁既價錢黎講我覺得抵食。

位於興華街與元州街交界， 一間越式湯河粉店， 與親友一齊共聚享用晚餐， 揀咗一張卡位， 坐落感到舒適， 周遭環境人流不太多， 晚飯時間大多數人集中晒喺附近嘅茶記， 份外感到寧靜舒適， 看餐牌有好多選擇， 有金邊粉還有越式飯類選擇， 叫咗火車頭湯河粉和生熟牛肉湯河粉， 餐飲包括荔枝玉露和大菜冰， 侍應服務態度良好， 點了菜不到十分鐘， 送上大大碗份量十足的金邊粉湯河， 火車頭湯河湯底美味， 配料爽口， 有牛柏葉，牛丸，生熟牛肉剛剛好， 只是飲品略為太甜， 整體水準不錯， 價錢公道， 平均每人消費60元。

今晚8點幾未食晚飯，在附近搵些開胃野食食越南野，醒下胃豬扒大大件，好香，河粉夠多，好好食無骨雞腳超好味，酸酸甜甜雞肉鮮甜好滋味，油飯帶香而不膩配上兩杯熱茶～咖啡和檸茶超抵食

呢排屋企都冇人煮飯，自己一個人惟有係樓下睇下有咩食而我就喜歡食粉面，特別係越南粉麵今日我就叫左一個香茅雞翼湯檬粉，等左大約8分鐘到，本來諗緊點解要等咁耐，但發現佢隻香茅雞翼係即刻煎熟，黎到嘅時候都熱辣辣又香噴噴，d湯檬粉份量都好足夠，湯底都夠濃，算唔錯嘢飲方面，唯獨係杯奶茶淡左少少，如果啲茶濃郁返少少嘅話，就幾完美啦佢最好嘅地方，就係唔會趕客，食曬野坐係度休息陣，侍應都冇黑面，唔會急著收走曬d野，令我感覺良好

食完之後只係得一句野想講，就係又抵食又好味，呢度食嘢嘅價錢一啲都唔貴，而且份量非常之大，食物嘅質素都不錯，真係街坊嘅價錢酒樓嘅質素。每一次你都係必點嘅生牛肉河，呢度嘅牛肉份量好多，仲有我好鍾意食嘅洋蔥，香葉，湯底有淡淡的牛骨湯味。仲要有一個要推薦，就係呢一個蒜蓉包，佢真係即叫即整，而且非常之大件。佢係用法包 ，上面再搽上蒜蓉，食落仲有淡淡的牛油香味，再值得推介嘅係拒配以好咖喱醬，令到蒜蓉包嘅味道更加香濃。唔可以小嘅越南式飲品，三色冰，濃濃嘅椰汁香，入面仲有不同配料。解渴又得，當甜品食又得。

Went for a $68 afternoon tea buffet which is available on weekdays between 2:30 - 6:00. I have ordered many food and below are my comments:Beef noodles - beef is okay, soup base is not really the vietnamese style yet accepatableBBQ pork and chicken (beef was not available) - juicy, chewy and good portion, I could order at most 3 of each type each timeHamburger, pork burger - crispy bun with a piece of cucumber and tomato. Some salad dressing was included which improve the balance between the dry

上網見到呢間下午茶做緊$68 放題就黎試下啦雖然今日係平日，但都差不多滿坐我地一坐底就叫左一系列既小食薯條味道偏淡，但勝在新鮮炸起春卷反而感覺凍冰冰，咬落去較硬蝦餅夠脆，但同上面d粉不太match一口西多同普通茶餐廳味道一樣串燒係所有小食裡最值得encore, 肉質唔會太硬，而且仲係熱辣辣為免太飽，我地只係專攻小食可能因為個放題係剛推出，感覺上比較混亂問d侍應1 代表1 客定1 件，各有不同說法，而每次黎既數目都係各有不同雖然係咁，但勝在全程冇漏單，但就等得比較耐所以最好一坐底就叫定所有食物，免得1 hr唔夠時間食可惜既係放題唔包甜品同飲品，有點美中不足

最正係呢個認真. 價錢唔貴, 都係100樓下茶餐廳的價錢,米飯係有味的, 紅色飯黎, 應該加左汁, 食落去小小甜甜地, 但又唔會太過,牛十分juicyyy , 份量都多, 價錢平得黎又好好食! 必試.雞個邊都係好味之選, 但就唔係紅飯, 係黃的, 似雞油汁,雞比較滑, 口感唔錯, 但我覺得牛比較好食!串燒呢 肉都係燒得唔錯, 唔會過焦, 口感小小硬硬地爽口. 主要好味既位係d醬到, 佢既醬好好食! 尤其點肉食十分正呢間餐廳會再黎, 因為價錢真的抵食, 質素算高.店員十分熱情! 服務覺得都好好~

踢完league，到了球場附近嘅金滿都開餐！菜式上都幾多選擇，而且價價商宜！真係大件夾抵食。⭐️豬手煲豬手大得誇張，烹調時間亦岩岩好，食落味道濃郁之餘，內質亦不會太韌！都只係收78蚊！⭐️蝦餅蝦餅岩岩炸好！外層金黃香脆，內裏蝦肉亦幾多，食落爽口。當然要”點”埋泰式酸甜醬先至最正！⭐️馬拉盞炒唐生菜鍋氣十足！菜也算新鮮，配埋馬拉盞調味都好惹味。⭐️炒金邊粉金邊粉炒得幾挺身，並夠曬大碟！用料有肉絲、芽菜同蛋絲等。味道都唔差bor ⭐️椰汁冰食完咁多煎炸野當然要飲杯椰汁冰潤下，椰味好濃但卻不會過甜！正👍🏻兩個人食咁多野都唔洗400，真心抵食

相約朋友在這區吃甜品，所以晚餐時段就來了這家越南店，之前經過都有留意過，人流不少，主打越南菜，亦有新加入一些Fusion菜式，而且價錢十分平民，所以就試一試！雖然這裡主要賣越南菜，但老闆推薦這裡的Fusion菜豬背骨，$88有這個份量覺得不錯。配以薯條、蕃茄，相當西式。豬背骨已切條上，所以吃起來很方便，醬汁帶甜酸，肉質軟腍入味，薯條炸得香脆。小食選了串燒雞肉及豬肉，沙嗲醬很惹味，花生味道出。雞肉肉質很Juicy，而且調味剛好不會過鹹，豬肉燒得香口，配以沙嗲醬，完美！朋友想吃通菜，原本想選擇普通炒通菜，但店員推薦這個飛天通菜，說是自家製的醬汁。果然沒有介紹錯，這個醬汁有微辣、有蒜香，亦有一些像魚仔乾的鮮味，跟通菜配搭一起讓人停不了口。飲品選了椰青及芒果沙冰，前者解渴，後者冰涼透心，為這餐畫上完美句號～～